الصفحة رقم 1 من 2 12 الأخيرةالأخيرة
مشاهدة النتائج 1 الى 20 من 23
  1. #1

    أدخلوا هنا -- وأخبروني أين صديقك

    السلام عليكم ورحمة الله وبركاته

    الواحد يلتقى أصدقاء كثيرين ولكن يبقى له صديق وحيد يحبه ويشاطره همومه

    وآرائه وأفكاره وأحزانه وكل شئ

    وهنا يطرح سؤالي :

    كيف ألتقية بصديق عمرك ؟

    أخبرني هنا كيف ومتى وهل ظللتم أصدقاء ليومنا هذا ولا لأ

    وشكراً لكم جميعاً

    أتمنى من الجميع يشاركوا هنا


  2. ...

  3. #2

  4. #3
    انا عن طريق المدرسة مثل الرومنسي

    وان شاء الله كمان عن طريق النت

    ومشكووووووورة قائدة على موضوعك

  5. #4
    توشكري قائده على هذا الموضوعbiggrin
    صديقه عمري اقصد صديقات عمري كلهم تعرفت عليهم بالمدرسهwink
    attachment

    اللهم صلي وسلم على حبيبك محمد

  6. #5
    وعليكم السلام ورحمه الله وبركاته

    انا عندي ثلاثه اصدقاء وحده بنت عمتي والاثنين من المدرسه

    بنت عمتي قعدت صديقتي الين ثالث متوسط بعد كده بدات تتغير عليه او انا اتغير عليها ما ادري حاولنا نقوي صداققتنا اللي قفلت كل ما يشوفنا احد يقول علينا اخوات او توائم دايما نتفق في كل شي
    فجاه قبل سنتين حصل تغيير مفاجأ انا صرت ما اطيقها ولا هيه تطيقني ما ادري ليش بالقوة نقعد مع بعض ::مأزق::

    اما الاثنين اللي من المدرسه

    فهذولا اصداقئي من اولى ابتدائي وحده منهم لظروف افترقت عنها في ثانيه متوسط وما عندها تلفون فما شفتهاcry
    و بعد سنتين في اولى ثانوي اتقابلنا اما الثانيه فكانت صديقتي الصدوقه ماشاء الله ماشاء الله ربنا يديمنا على كده ويخلينا لبعض smile من اولى ابتدائي واحنا اصدقاء الا الان وبيننا اتصال كل يوم اتصل بها او هيه تتصل بي chirolp_iei

    لكن للاسف انا اللي افترقت عنهم هذي السنه لمن نقلنا جده cry cry cry

    حيوحشوني موووووت بس اراسلهم لان اغلبهم ما عندهم تلفون cry

    وانشاء الله نستمر على كده الى ماشاء الله gooood gooood gooood

    ومن النت انشاء الله اكسب اصدقاااااء كثييييير بس المهم لا يكذبوا عليه ويكونو صادقين معايا chirolp_gusun

    مشكوووووووورة يالقائده على الموضوع يعطيك العافيه chirolp_good1



    تحياتي
    chirolp_hello
    عن ابن عمر رضي الله عنهما قال : أخذ رسول الله صلى الله عليه وسلم بمنكبيّ فقال : ( كن في الدنيا كأنك غريب ، أو عابر سبيل )

  7. #6
    صديقات عمري كلهم تعرفت عليهم عن طريق المدرسة smile

    بس تفرقنا frown كل وحدة جامعة.. و اللي راحت تدرس بره .. وحتى اللي ظلوا معايا .. علاقتنا ما صارت مثل أول.. بس مازلنا صديقات و ما لنا إلا بعضsmile

  8. #7
    السلام عليكم ورحمة الله وبركاته

    شكراً للجميع على هذه الردود الحلوه

    وإن شاء الله مايفترق الأصحاب

    وسلام

  9. #8
    صديق العمر

    امممممممم


    اول صديق تعرفت عليه وانا في صف اول ابتدائي

    واستمرت صداقتنا حتى الخامس ابتدائي


    بعدين انا جيت الامارات وافترقنا لكن بقينا اصدقاء الي ان التقينا في الجامعة سبحان الله انا وهو دخلنا نفس التخصص وبالصدفة البحتة دون اي ترتيب او اتفاق وللاسف انقطعت علاقتنا مرة ثانية بسبب بعد المسافات بيني وبينه

    الصديق الثاني عرفته في المرحلة الاعدادية وكل واحد راح علي بلد بعد ما خلصنا دراسة الثانوية العامة وللاسف ما التقينا من بعدها

    الصديق الثالث ليس بصديق دراسة وهو من اعز اصدقائي وعلاقتنا ما زالت مستمرة برغن انو يدرس خارج الامارات
    لكن الحمدلله اخيرا خلص دراسته واخر الاسبوع هاد راح يجي ونسترجع ذكرياتنا ونقوي صداقتنا

    وهنا كم صديق اعتز بصداقتي بهم تعرفت عليهم في المرحلة الجامعية ولكن فرقتنا المسافات

    هي الحياة هيك ما في شي بيدوم فيها

    طولت عليكم سامحونا

    شكرا قائدة الشلة

  10. #9
    السلام عليكم ورحمة الله وبركاته

    شكراً لك يا SoliDaD على هذه المشاركه الحلوه

    وإن شاء الله يزداد عدد الأصدقاء

    وإلى الأمام دائماً

  11. #10
    موضوع حلو يا قائدة الشلة ...gooood

    انا بالنسبـة لي الصداقة تعني الكثير .. واحاول أبذل كل ما املك في سبيل هالصداقـة ..
    وأنا أغلب صديقاتي تعرفت عليهم من ايام الدراسـة .. في منهم افترقت عنهم .. وفي منهم افترقت ورديت التقيت فيهم ..
    لكن عندي الحمد الله 4 صديقات ما أستغني عنهن أبداااااا وهم صديقاتي من 9 او 8 سنين .. مع ان الدراسة تشغل خصوصا اننا في الجامعه او الكليـة لكن ما يمنعنا اننا نتصل ببعض .. وهذا احلى شيء في صداقتنا ..

    شكرااا لج يا قائدة الشلة ...smile
    سبحان الله و بحمده ، عدد خلقه و رضا نفسه و زنة عرشه و مداد كلماته

  12. #11
    السلام عليكم ورحمة الله وبركاته

    شكراً لك يا قلب اللازوردي على هذه المشاركه الحلوه

    وإن شاء الله ماتتفرقين أبداً عن الناس التي تحبينهم

    وشكراً لك مره أخرى

  13. #12
    صديق عمري لقيته بالمدرسه من سنتين واهو بالمنتدى معاي واسمه :
    conan_detective
    محـــ المنتدى ـقق

  14. #13
    صديقي الوحيد هو:





















    التلفزيون
    عرفته من 16 سنة بالبيتbiggrin


    و أعتبر بعد كل أصدقائي أصدقاء عمريsmile

    مشكووووورة يا القائدة على الوضوعwink

  15. #14
    السلام عليكم ورحمة الله وبركاته

    شكراً جزيلاً لكم على هذه الردود الرائعه وبالتوفيق للجميع

    أما الأخ DEVIL_EYE_2002 ماشاء الله عليك مره ردك حلو بالمره

    وصديقك التلفزيون إن شاء الله ماتتخلى عنه أبداً

    وسلام للجميع

  16. #15
    مشكورة هلى الموضوع يا قائدة,,

    أعز أصدقائي تعرفت عليهم عن طريق المدرسة,,,في الإبتدائي-متوسط-والثانوي,,,

    أصدقاء الإبتدائي بعدت عنهم بحكم إنتقالنا من الرياض لجدة,,,و كمان بالنسبة للمتوسط,,

    أما الثانوي فتعرفت على صديق عزيز و غالي جدا على قلبي,,كنا مثل الأخوان,,,لكن للأسف فرقوا بيننا أولاد الحرامfrown


    في نفس المرحلة تعرفت على صديق عمر عمري,,,إللي أعزو و أحبو من كل قلبي,,,,أقوللكم الحكاية:

    كنت جالس جنب زميلي في الصف الثاني ثانوي,,,إسمو أمجد.

    و كان قدامي صاحبي العزيز ((إللي وقتها ما كنت أعرفو))

    المهم جا يوم و قلت لأمجد:

    تتحداني أكلمو و أتعرف عليه؟؟,,,,قللي يالله (أنا و أمجد كنا مررررة عاطلين و مافي إلا ضحك في الفصل))biggrin

    المهم,,,قلت لصاحبي :

    ممكن مزيل؟؟,,,ما قصر و أعطاني و من يومها قويت علاقتنا,,,من نقش واجبات لخرجات و دخلات و تماشي,,,,الحلو في الموضوع إنو قللي بعدها بفترة لما حكيتو عن التحدي مع أمجد إنو كان سامع كل كلمة أقولها,,خخخخخخخخ


    طبعا ما عرفتو مين هذا الأخ..,,,,,

    إيوة بالزززببببططططططط,,,,,,,هووا بعينو العضو




























    AbOoDiwink ,,,,,

    بس في مشكلة وحدة,,,على قد ما اقدرو و أعزو,,,هووا يحاول يتهرب منني دايما,,و أحسو مو طايقني,,,,عارفين ليش؟؟,,,يقول إني
































    إني معفن و ما أستحمى,,و ريحتي دايما طالعة,,,رغم إني والللهي كل عيد و أنا الله يكرمكم في الحمام آخد دش,,,يعني يا ريت لو تقنعووو إني نضييييفtongue tongue









    هئهئهئهئهئهئهئهئهئهئهئهئهئهئ
    اخر تعديل كان بواسطة » JaXoN FaNaTiC في يوم » 31-07-2002 عند الساعة » 14:16

  17. #16
    السلام عليكم مشكورة قائدة الشلة على الموضوعwink

    أنا صديقتي ألتقيت بها في المدرسة من خمس سنوات وللأنأحنا مع بعض واحبها موت وإنشاء الله نضل أصدقاء على طول

    وهذي الفترة كمان ألتقت بصديقة رائعة وأتمنى أنه صداقتنا تدومsmile

    ولي الكثير من الصديقات إلي حبيتهم بس تفرقنا واتمنى انوا ربنا يجمعنا مرةتانية وإن ماجمعنا في الدنيا يجمعنا في الأخرة في جنت النعيم

    وبس وشكراًلك مرة ثانية

  18. #17

    Talking ههههههههههههههههههه

    مشكووووووووووووووووورة قائدة على الموضووووع الاكثر من رااائع gooood gooood

    اما انا راح احكيكم حكايتي مع صديق عمري wink


    كنت في الصف الثاني ثانوي ....وجالس في الصف الاول <===== مسوي فيها شااطر tongue

    ورايا شخصيين باين من اول يوم انو كلهم مرح وشقاااوة wink .. واحد اسمو وساام والتاني اسمووو امجد ...

    المهم انا جنبي جالس ولد عمي biggrin .. وفي اول اسبوووع زي منتو عارفين كل شلة مع بعض يعني كل واحد واصحابو الي يعرفهم ..وانا كنت ما اعرف الا بس ولد عمي ...

    وفي يوم من الاياااام سمعت وساام وامجد يتكلمو عني ... طبعا انا على طوول بغريزتي الانسانية ( الاقااافة ) على طووول كبرت ادني devious وجلست اسمع ايش يقولو من غير ما ينتبهووو ...

    وكان يقولو عني اني ولد مؤدب وشكلي حبوووب <==== صدقت نفسي cool tongue

    والمهم صار بينهم مسألت تحدي انو وساام يقدر يكلمني يعني ونصير اصحاااب asian

    طبعا انا وقتها كنت سامع كل شي يعني عارف انو دحين هوا جاي يكلمني

    وبالفعل ما كلمو كلامهم الا وسااام يدقدق ظهري وانا التفت يقولي ممكن ..

    ( موزيل ) .....

    ملحوظة
    الاقلام عندو من المتوسط ..... مايشتري اقلاااااااام angry عشان كدة استلف مني المزيل tongue tongue

    وبس من بعدهااا واحنا اصحااب وحبايب .... مرينا بلحظاات حللوة لاتنسى ومواقف رهيبة ومحزنة ... ما نحب نفتكرهااااا :محتار2:

    وبعدين بعد فترة طوويييلة لما بيقولي على التحدي بقولو انا كنت سامع كل شي .......:عطش: <=== ردة فعلووو ههههههههههههههههههه

    اتفاجاء بكلامي وصاار يضحك على نفسووو wink tongue tongue

    طبعا عرفتو انا بتكلم على ميييين .......
















    ايوة هوا بالظبط انا عارف انكم عرفتوووه .....


    العضو الحبووب العضو الموسيقى ال يحب مايكل جاكسون مرررررررررة

    jaxon fanatic


    حبيب البي cool

    ومشكووور مرة تانية قائدة على موضوووع الاكثر من رااائع gooood gooood gooood

  19. #18
    ههههههههههه اللللله يخرب مطن مطننننك يا ABOODI,,,,ضحكتني من قلبي يا شيخbiggrin


    طيب أنا راح أعدللك في كم حاجة يا مهوي:

    "المهم انا جنبي جالس ولد عمي"

    أي ولد عم يابو ولد عم,,,,كان جنبك رائد يا مفهههي,,و ولد عمك كان في سنة تالتة يا نسسسسايtongue




    تاني شي يا باشا:
    "الاقلام عندو من المتوسط ..... مايشتري اقلاااااااام عشان كدة استلف مني المزيل",,,

    طيب الأقلام عندي من المتوسط,,يعني مي شغالة مزبووووت,,,طيب ليش أطلب مزيل يا فاقع المرارات الأول في جدة
    confused ,,,عليك تفكييييييير,,,,,الله يعين مرتك عليك بسtongue tongue

  20. #19
    بعدين تعال هنا,,

    إيش إللي "وكان يقولو عني اني ولد مؤدب وشكلي حبوووب"

    ياخي مصدق حالك إنتا,,على إيييييييشششششش؟؟


    يا جماعة شوفتوني قلت في كلامي حاجة زي كدا,,,قال مؤدب و حبوب قالtongue


    قول فاقع للمرارات,,,,,تقيل طينة و دم و رملة و تربة و أي شي,,,الله يورويني فيك يوم يا شيخ و إنتا فاضحني في كل مكانtongue tongue
    ==============

    أخ يا نااااااااااس ((متعة الحياة لمن أجلس أقطع في دا الواد))

    بس صراحة,,,حبوب و دمممممممممو عسسسسسسسل زييوwink

  21. #20

    سلامي للجميع .....

    يلاّ مادام كلكم قلته انا بعد بقول ... يا شباب يا ريت لو تستروا ....


    طبعاً الإجازة أكثرها مشاكل × مشاكل بالذات في شوارع جدة ... يعني بالعربي قضّيت إجازة في التوقيف ... مع الشرطة والحرمية وأي حاجة .. ودلخت التوقيف وأنا لابس الجنز والقميص المزيّن ... وشعري أخر حلاوة ... أوّل كل الأعين علي لدرجة إنّي طحت tongue وشفت شخص كان أخذ مساحة كبيرة وأنا مالي مكان غير في النص ... وصلت لنص الغرفة .. قام هو وعدّل جلسته ... وأنا رحت وجلست بجنبه وقلت شكراً ... ودار بيننا الحوار ...:

    الصديق : إيش قضيتك ؟

    انا : والله ما تدري بالضبط ..

    الصديق : علامة الإبتسامة في وجهه ... كيف يعني ما تدري ليش طعت السيارة وإنت ما تدري ... ؟؟

    أنا : مشتبه .. biggrin كنت ماشي ... حبّة حبة .. وفي لومينا وراي ( لومينا سيارة شرطة نقوللها لومينا ) .. وحاط سمّاعة المسجّل وماشي بأبطء مشية ... وأحس في شي رايح يصير وألفت .. أشوف الشرطة وراية وواحد معاه بزي المدنين ثوب سعودي ... أنتبهت إنه هو قاعد ينظر فيّ ... سرّعت طريقة مشيتي .. وهو سرع وانا أسرع .. وهو سرع ... وبعدها ما تشوفني غير وورررررررررررررررررررررررررررررررررررررررررررررررر رررررررر ...

    في الحواري ... ( معليش على هذا المصطلح لكن ما عندي غيره ... biggrin )

    يمين يسار وأنقز والمدني ورايا ورايا والسيارة بعد المدني .. وأنا أجري واحد من الشباب .. يقوللي أسمع الرجال يقول تميم وقف وقف ... وأنا ما أعرف تميم ولا شي ..

    كل الطاقة راحت ... (رغم إنه عندي بطارية المسجّل tongue ) ...

    وقفت ... توّهت السيارة باقي المدني يكشف حاله عليه لياقة خيول .. أوّل ما وصل يدّه على كتفي ... وانا أضرب .. وهو يضرب وأنا أضرب وهو يضرب .. لين أشوف أنوار سفتي الشرطة على الجدار الخلفي ... شرطة من كل مكان .. وانا أستسلمت ... ومسكون شر مسكة ... ودخلّوني اللومينا الله يبعدكم عنها ....

    وهذا كل إللي صار ..

    الصديق ... : طيب الله يعينك ألف قضية تركب في ظهرك ..

    أنا : طيب ...

    الصديق : طيب ؟؟؟

    المهم .... وكثير من الكلام .. أصبحنا أصدقاء ... طلعت الغرفة الموجودين فيها كلنا مشتبهين في الحي ... وكلنا مظلومين وطلعنا بخير الحمدلله ... وصار صديقي .. وإحنا مشتبهين بالمراهقين إللي يسرقوا سيارات ... ::مأزق::



    بس الحمدلله جات على خير ...

    وشكراً أختي قائدة على الموضوع الجميل ... cool
    أنْتَمِي حَيْثُ ....

    لاَ أَتَّفِقُ مَعَالحُزنِ أَبَداً ..!!


الصفحة رقم 1 من 2 12 الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter