اول شي تعلمتو بحياتي كيف أكون اخلاقي لئنهو بلاخلاق ترتقي الامم للقمم ... اليوم كنت عّم امشي بشارع و بالي كيف بقدر ارفه عن حالي ،، تفرجت عسماء و شفت الغيوم ،، وقفت للحظة مالي. عرفان شو بدّي أدور بذكرياتي عل أشياء الي بحب ساويها ،، تقدر تقول كلشي ،. الأماكن الي حابب اسافر فيها ،الاشياء و المغامرات الي بدّي خوضها ،، بلا طول سيرة حببت الموضوع مديت أيدي و وقفت تكسي ، قلي لوين يا اخ ،، قلتلو وين ما بدك ،عشان ما اقطع سلسله افكاري، قلي شو عّم تتمالص معي ،، قلتلو انت مو عّم دور رزقك خلاص شغل عدادك و تحرك .، المهم بعد نصف ساعه من تفكير بكل المواضيع بحياتي مستقبلي ، حياتي ، أحلامي ، آمالي ، تطلعت هيك بلعداد ،، قام كان صاير ١٠ دولار ،، قلتلو لشوفير انت شو كان حلمك،، قلي شو قصدك ، بلانجليزي يعني قال (وت دو يؤ مين ) قلتلو حلمك شو كان ، قال والله لما كنت صغير كن بحب صير شوفير طياره ،، لئنو انا حببت طيران و كنت بحلم دائما أني أطير ،، قلي ليش انت شو حلمك ،، قلتلو اهم شي انو الأحلام ببلاش و محدا بيقدر بيدخل فيها ،، قلتلو انا ما بعرف شو حلمي ،، ما قدرت ألاقي حلمي أبدا ،، اصلا قلي كيف الواحد بيلاقي حلمو ، و كيف بيلاقي علاقة خاصه و بلموضوع ،، قلي انا لو بعرف ما كنت صرت شوفير تكسي ،، اتضحكنا مع بعض ، و قلتلو خدني شي مكان اخضر ،، قلي ماشي رحنا انا وياه علئ مكان مثل الغابة و خضرا ،، قلتلو لزلمه خلي عدادك شغال و اذا بدك ألحقني و اذا مابدك خليك بسيارة ،، المهم انا تحركت و تسطحت الأعشاب ، و بلشت اتفرج علغيوم. من كل ناحية و كل مكان ، و اتئمل حركتا ..و نسيم منعش عّم يظرب جلدي و جسيمة ،، راسي مشغول كان بكلشي ، بس ماقدرت أوصل لأي نتيجه ،، ابتسمت و قلت لحالي كلشي بيجي بوقتو يمكن ،، رحت عند شوفير لقيتو عّم يبكي ،، قلتلو شوفي ، قال انا بحياتي ما طلعت هيك مشوار طول حياتي ورا التكسي عّم سوق بس انت اليوم فتحت جروحاتي ، قلتلو يالله خير خيو ،، ركبنا سياره و لسا انا عّم اتئمل ،، ما قدرت أوصل لأي نتيجه ،، وصلني علبيت. ، و العداد كان طالع طلعة منيحة قلي مافي مشكله لئنو انت سئلتني هسوال و اخذتني هيك مشوار ما رح أخذ منك شي ،، قلي حببت أخلاقك و طريقة كلامك ،، انا عنجد كنت بحاجة لهيك استراحه بحياتي لحتئ أغير مسار حياتي ، من بكرئ رح اترك التكسي و بلش ادرس و كمل دراسه لاوصل للحلم خاص فيني أني أكون طيار ،،، انا قلتلو مافي مشكلة ، و تشكرتو،، وقلنا باي ،، انا مالي عرفان دخلت نفسيتي به بكل احاسيس
السعادة ؛ لئنو شوفير التكسي قدر يحدد طريقو الي مضيعو
التعاسة : لئنو هوه وصل و انا ما وصلت
الغربة :حسبت انا مخلوق غير كل المخلوقات ببعالم
و رحت عنها نمت و انا أفكر بلموضوع ،، كمان ما قدرت أوصل لنتيجة ،، شوفير التكسي وصل لنتيجة و حزم الامر بس انا لا و يمكن ما أوصل لاي نتيجة للأسف بس حمد لله
المفضلات