السلام عليكم ورحمة الله وبركاته
صباح الخير / مساء الخير < بأي توقيت للقارئ
أخباركم ؟
هذا الموضوع موجه لطلاب و طالبات الثانوي و خاصةً الصف ثالث ثانوي و السنة التحضيرية
ما علينا .. أبعطيكم مقدمة صغيرة للموضوع و هي عبارة عن قصة صغيرة من تأليفي عن فتاة اسمها ( مناير )..
الله يسلمكم
مناير ورعة تركض بين الشوارع حفيانة ( بدون جزمة يعني ) (الله يكرمكم ) و تلعب بالكورة مع عيال الجيران .. مناير كل من سألها وش ودتس تصيرين بالمستقبل يا مناير ؟
مناير: دختورة بإذن الله
كبرت مناير و بطلت تطلع الشارع و صارت في ثالث متوسط ولا زالت متمسكة بحلمها ك ( دختورة ). مرت إجازة ثالث متوسط و دخلت الثانوي و صارت أول ثانوي (عارفين أول ثانوي أدبي و علمي مع بعض ). انهبلت مناير من مادتي ( الفيزياء و الكيمياء ). و جابت العيد فيهم و كانت علي وشك الرسوب .. لكن ربك ستر و نذرت مناير نذرا لإن أعطاها الله عمرا بعد هذه السنة رح تدخل أدبي و عاد مرت إجازة أول ثانوي و صارت ثاني و دخلت أدبي و تخرجت من الثانوي و دخلت الجامعة و كافحت بالتحضيري و دخلت ترجمة و هي راضية و سعيدة و تخرجت و توتة توتة خلصت الحتوتة
نرجع للموضوع ما يستفاد من قصة مناير:
ممكن بسنة وحدة تغيرون ميولكم و اهتماماتكم
لطلاب و طالبات أول ثانوي بالأخص ( البنات ).
لازم يجيك ذاك الشخص اللي يسألك
أدبي ولا علمي ؟
إما تجاوب بالشيء اللي قررته أو تقول لسا ما قررت
و يبثرون أمك بذا السؤال و يسألك الشخص نفسه أكثر من مرة يحوم كبدك بالأحري إلين ما تخلص أول و ذا السؤال ينسأل لك
^ تجربة من واقعي المرير السنة اللي راحت
شوي نتكلم عن الأدبي و العلمي
يجيك ذاك الشخص اللي يقول اللي يدخل أدبي يعني غبي و اللي يدخل علمي يعني ذكي < ما شاء الله مدخلين العنصرية في كل شيء ..
ولا جيك حرام أنت شاطر ليه تدخل أدبي ؟ ولا ذاك الشخص أنت وجه علمي ؟
ينقسم الأشخاص الذين يدخلون علمي إلي خمسة فئات
الفئة 1 // منهم من دخل هياط و يعنني كشخة < يا كثرهم خصوصا البنات
الفئة 2 // منهم من يدخل عشانه ما يعرف وش رح يكون فالمستقبل
الفئة 3 // منهم من يدخل العلمي عشانه يكره المواد الأدبية
الفئة 4 // منهم من يدخل علمي عشان التخصص اللي في باله علمي زي الطب و الهندسة
الفئة 5 // من دخل العلمي ضغطا من أهله عليه
^ علموني إذا فيه فئات زيادة
ينقسم الأشخاص الذين يدخلون أدبي إلي فئتين
الفئة 1 // يدخل أدبي عشانه داج بالمواد العلمية أو يكرها
الفئة 2 // يدخل عشان التخصص اللي في باله مساره مسار إنساني أصلاً مثل مناير يوم دخلت ترجمة .. و القانون و العلوم السياسية
طلاب ثاني ثانوي
مش محور حديثنا لكن رح يبثروك كم أخذت بالقدرات ؟
طلابنا و طالباتنا الأعزاء الخرجين السنيورز ثالث ثانوي
أول يوم دوام يجي مو مستوعب و متشقق من الفرحة أخر سنة له في المدرسة < يا سعدهم
و تمضي الأيام و يبثرون أمهم الضعيفين و يزعجونهم وش ودك تتخصص ؟ و ممكن يكون هذا الشخص ما قرر وش يدخل ! < صح يا ثالث ؟ و منهم من يجي يقرر تخصص عنك يقول أنت دكتور/ة مهندس/ة .. علم نفس باختصار يقرر عنك < هذا مدري وش يبي صراحة
و منهم من قرر من زمان و ناوي يجيب النسبة العالية عشان يدخل التخصص اللي في باله
و منهم ما حط شيء في باله خوفاً من السنة التحضيرية اللي رح تقرر عنه وش يدخل

< مساكين خايفين يتحطمون
و منهم من أهلهم يقررون عنهم أنت رح تكون مهندس طيب ي.. أص لا تناقشني هندسة و أنت ساكت !
أو بعض البنات اللي يحطمونهم بعض البنات بدخول الطب و يقولون لها اختلاط و إلخ.. و يمكن الرفض يكون من قبل الأهل
إلي طلاب و طالبات السنة التحضيرية
خلصت الثانوي و خلصت من القدرات و افتكيت من التحصيلي و سجلت بالجامعة و انقبلت فيها و خلصت الإجازة و بدت الدوامات و منهم من حط في باله فعلا يبي قانون و يوم خلص التحضيري فجأة صار ما يبي قانون إما أنه فقد الرغية في التخصص أو أن معدله في التحضيري كان أقل من المطلوب لدخول التخصص
و خلصت من الثرثرة أحسها كانت غير مفيدة
ما رح أزعجكم وأقولكم أنتم أدبي أو علمي ولا عن التخصص لكن
س1 // بناء علي رغبة من دخلت التخصص نفسك / أمك / أبوك ؟
س2 // سبب اختيارك لهذا التخصص ؟
س3 // هل كنت زي مناير حاطين تخصص في بالكم و يوم دخلتوا الثانوي غيرتوا رأيكم أو حتي في التحضيري غيرتوه ؟ و أيش السبب ؟
س4 // هل أنت راض عن التخصص ؟
( موجه لمن لاقي الرفض في الدخول التخصص و دخل فوق خشومهم ).
س5 // ما شعورك الآن ؟
س6 // محطمين الأحلام اللي قالوا لكم مستحيل تدخلون هذا التخصص وش تقولون لهم ؟
س7 // اعترف من أي فئة كنت من فئات اللي دخل علمي
؟
و السلام عليكم و رحمة الله و بركاته و إلي لقاء قريب بإذن الله
المفضلات