قصيدة باللهجة العامية بعنوان: (شمس حياتى )
فى حبك مغلوب على أمرى
حياتى أنتى يا عمرى
سعادتى انتى وهنايا
وقلبى سلمك أمرى
لو هدفع عمرى علشانك
ما يسوى فى هواكى عمرى
تروح روحى فدا روحك
تروح عينى يروح بصرى
واشوف الدنيا بعيونك
بنظرك يهتدى نظرى
دا نور البدر من نورك
وعطرك فى النسيم يسرى
وأنا كوكب بدور حواليكى
بدونك ينتهى أمرى
وجودك شمس لحياتى
وحبك فى الحياة قدرى
لا انا قادر أروح ليكى
ولا بعدك هعيش عمرى
عشقنى الحزن ف بعادك
وأنتى لسه ما تدرى
يا ريتك تعرفى إنى
فى بعدك ما دبل زهرى
زرعته فى قلبى من حبك
رويته بدمعى وبسهرى
جرحنى الشوك فى أغصانه
داريت الجرح عن نظرى
كتر شوكه وزاد جرحى
ولا قدرت أقطفه عمرى



اضافة رد مع اقتباس


One more step ..!! 



المفضلات