[glow]سلاموووووووووو عليكمووووووووو[/glow]
كيفكم ازيكم
انا جيييييييييت اخبركم عن نفسي عن البلاوي اللي صارت بسببي
واللي خلاني اكتب هذا الموضوع بتشوفوة في نهايه الموضوع تراه طويل وراح تطفشوا
بسم الله ابدا
من يوم ولادتي
مسكينه ماما اتعذبت معايا مرة وانا اكثر وحده اتعذبت معايا في الحمل لانها كانت طالبه في الكليه
ويوم جا وقت الولادة كان عندها اختبار نهائي طبعا وحده بتولد ايش حتسوي حتختبر لا طبعا خرجت من الاختبار وراحت المستشفى ورسبت في هذيك المادة ياريت كده وبس لا ::مأزق::
لمن راحت المستشفى ولدتني والحمد لله كان وزني خمسه كيلوا ما شاء الله متغذيه تمام قولوا ماشاء الله فكانت الولاده صعبه
ادت الى الا عمليه كانت حتروح فيها وللان تعاني واحيانا تقلي بسببك المهم الحمد لله على كل حال ::مأزق::
مرت السنون في يوم كنت في بيت ستي قامت خالتي قالتلي تروحي معايا بيت صديقتي في الكليه عندها (( أ )) و (( س )) و (( ي )) اسماء اولادها قدي وكنت العب معاهم
المهم رحنا ورحت العب مع الاولاد في الصاله وخلوني حارس دايمني حارس المهم ويشتلك واحد من الاولاد الكورة واصدها وتضرب في هذيك المزهريه مصيبه
سمعت الام وخالتي صوت الكسر ويجي جوزها يفتح الباب ويشوف الاولاد وانا معاهم والمزهريه مكسورة قدامنا دخل يصرخ على مرته
قدام خالتي والمرة تصرخ والرجال يصرخ وفي خالتي ماسكه ((المخده (( الوساده )) تغطي بيها وجهها وخرج الرجال من البيت معصب بعد ما قال لمرته انتي طالق
والله سبب تااااافه ولا يستاهل ان الرجال يطلق مرته هيه كمان الله يهديها غلطانه بانها صرخت على جوزها وكان بسبب المزهريه وبسببي ::مأزق::
ومرة من المرريت كبرت شويه كمان
ماما جابت اختي ديدي مو مجنونة وحده ثانيه اصغر منها المهم كنا احنا البنات بنتفرج T.V
واضاربت انا وديدي هيه تبغه القناة السعوديه فيها افتح ياسمسم وانا ابغه فيديوا مضاربه وندفدف بعض
في النهايه قالتلي والله لا اتيح التيفون قلتلها روحي اذا قدرتي وراحت اتسلقت وطيحت التلفزيون فوق رجلها
الله وهذاك بكى وراحت المستشفى وجبسولها رجلها اتكسرت وقعدت انا اخدمها من مكان لمكان لاني السبب
اممممممممم ايش كمان كنت فاكرتها لكني نسيتها ::تفكير::
ايوة مرة رحنا بيت عمتي وكان عندهم غنمتين ((خاروف او طلي )) قمت انا وبنت عمتي قلتلها ليش ما نلعب راعي الغنم
قالتلي طيب ونخرج الغنمتين من القفص مصيبه خرجو الغنمتين وما كنا ندري ان واحد منهم عنده قرون الله يعين ::مأزق::
ويشردوا واحنا نجري نمسكهم وهمه الاثني مقارنه بينا كانهم احصنه مو اغنام ويجي هذاك الخاروف وينطحنا صارت حلبه ثيران مو خرفان
واحنا نبكي ونجري وراهم نبغه نرجعهم قبل لا يجي ابوها وننضرب احنا الاثنين اخيرا دخلنا واحد في القفص بقي الثاني ابو قرن::مأزق::
نجري وراه وهوة يجري فجاه نصرخ انا وهيه ايش اللي صار
نطح كومه طوب ويتكسر الطوب والرخام ويجي جوز عمتي في هذا الوقت نحس
العيون حمرت والوجه اخضر واحمر وازرق وبصرخ هذيك الصرخه ويضرب فينا واحنا نقول اسفين وهوة يقول الطوب والخروف لو مات و...و....والخ
اه امه كان يوم كله بسبي انا وبنت عمتي الطوب اتكسر والخروف مرض وانا وبنت عمتي رجعنا البيت نضحك من اللي سويناه ونبكي عشان ظهرنا مكسور من نطحات الخروف اكثر من ضرب ابوها <==== مجانين ::crazy::
وغيرة وغيرة من المصايب ::مأزق::
اما دحين هذي السنه لمن دخلت النت
قبل لا ننقل جده
مرة فتحت المروحه حقت الصاله اللي ضربت صار التماس واتخربت ومرة بفتح باب الحمام اللي كسرت اليد يد باب الحمام اتكسر ومرة بشغل مسجل اتحرق والكمبيورت مسكين الكمبيوتر دايما يضرب على يدي او يتخرب ويجيه فايروس
ولمن جينا جده كل ما امسك مكنسه عشان انظف مع اخواتي وماما تتكسر من النص
كل شي امسكه لازم يا اتحرق او يتكسر ليش مدري :محتار2:
هذا في حياتي اما في النت
سجلت في منتدى نجوم الكرتون كان اول منتدى اسجل فيه ثاني يوم قفل الموقع طيب قلنا معليش
رحنا منتدى ثاني منتدى دودي وخفايا الالعاب يا دوب كم اسبوع قعدت فيه اللي قفل كمان قلت يالطيف ايش هوة ده ماليه حظ في المنتديات ولا ايش
قمت سجلت في منتدى ثالث هوة منتدى الالعاب او منتدى المنتدى ولا دريت اني مسجله فيه الا هذي السنه المهم ما طولت في هذا المنتدى
لانه ما عجبني حسيت ببرود في المنتدى وقابلت هناك باد قاي كان حاطط موضوع اغاني سنشيرو او فارس مني فاكرة
دخلت عليه ومنه دخلت على منتدى ميجامكس وسجلت فيه وماصارلي كم يوم الا المنتدى هذا يصرله نفس اللي صار في دودي ونجوم الكرتون السيرفر خرب
قلت انا ماليه حظ بس الحمد لله ان قاي صلح المشكلة ولا كان قلت ساعتها انا منحوسه من جد ::مأزق::
وبكده يكفي مصايب من تحت راسي
عارفه راح تقولوا ايش دخلنا او ليش تقول هذي البنت كده
بس انا بقلكم لان في ناس تخيلوا ايش قالوا
واحد قال ايش ابغه انتحر وما يجي مني غير مصايب
والثاني يقلي انا حظي طايح بس كل ما اسوي شي تصير مصيبه
وواحد اتاثر بفيلم ويقلي انا مو راضي بحياتي احس ماليه فايده لو اموت احسن
خلاني اكتب هذا الموضوع
ما كان غرضي شي بس كل اللي بغيته ان الواحد يحمد ربه على كل حال
والمصايب اللي صارت ما هيه الا بقضاء الله وقدرة ((ما اصابك لم يكن ليخطئك وما اخطأك لم يكن ليصيبك ))
واهو انا عايشه والحمد لله مبسووووطه صرت اقول خلني اعيش زي تيمون وبومبا واريح راسي
وكل ما افتكرها اضحك ونفس الوقت احزن
استنوا موضوعي الجاي مواقفي الثانيه مع الهنوووود والله حسيت براحه لمن قلت مصايبي
تحياتي
المفضلات