مشاهدة النتائج 1 الى 12 من 12
  1. #1

    Talking معامـ mexat ـل للإنتاج الإعلامي-> عرض أول <-... فلم حلووو


    قصه مستوحات من الخيال ..

    أبطالها صديقاتي الخرافيين ..

    تمت الترجمه في معامل مسكــــــــــــات( أفـــــريل ) للأنتاج الإعلامي

    المملكه - الرياض - ت/ < > فاكس/ < >

    أفـــريل : اصبحنا واصبح الملك لله

    لا اله الا الله وحده لا شريك له

    له الملك وله الحمد وهو على كل شي قدير..

    قمت الساعه خمس ونص الفجر لأن من بدت الاجازه ونومي مخربط صاير

    أنام بعد الـ 2 واقوم الفجر بعكس أيام الدراسه ياويلي وأنا أقوم من النوم

    يكون ليلي فيها نهار ونهاري فيها ليل

    صحيت وجلست على السرير

    الحين وش يقومني؟؟

    والله زهق.. ولا عندي شي اسويه

    تعوذت من ابليس وقمت وصليت الفجر

    ثمن اخذت تمارين سريعه يمدحونه وتنشطت

    بس عاد وش فايده النشاط الحين ماغير منطقه بالبيت

    وحتى اخواني كلهم نايمين ..

    أوووووووووووووف --> الله من الطفش بس

    وبينما أنا في قمة طفشي وتطق براسي فكره وعلى طول بادرت في تنفيذها

    وأقوم وأخذ جوالي وأتصل على بريتني
    ويقعد الجوال يدق ويدق ولا عندك احد

    وبعد جهد جهيد من الرنين المتواصل

    بريتني : ووجع الواحد مايعرف ينام توني حاطه راسي إلا وانتي ناشبتن

    بحلق بحلقي ؟؟ صدق لا قالو يامن شرا له من حلاله عله ..

    الحين أنا وش اللي خلاني أصير غبيه واعطيك رقمي

    أفــريل --> بدلع: حبيتيني

    بريتني : الله من الثقه لولا لعبة الجوالات إلي أحرجتيني فيها ماعطيتك

    أقول اخلصي بس بنام

    أفريل : أول شي قولي لي وش أخبارك ؟؟

    بريتني : والله إنك صدق فاضيه ..

    طططراااااخ ---> صكت السماعه بوجهي

    أفريل : هين يا بريتني أنا تصكين بوجهي ؟؟ إن ماخليتك تندمين

    واقوم وأدق على حبيبتي عتاب ووعد وأسوي مكالمه جماعيه

    واشوى إنهم متسدحات للحين مانامن

    أفريل : شوفو أنا عندي شي بس تقدرون تسونه ؟؟

    عتاب ووعد : وشو؟؟

    أفريل : وعد بقول بس ياويلك إن قلتي لا

    وعد : إذا شي غلط اكيد بقول لا

    أفريل : هو ماهو بغلط بس فيه نوع من المغامره وانا أعرفك خوافه

    عتاب : حمستيني فراولة قولي وشو؟؟

    أفريل : مغاااامره.. إنتم قدها إلا لا ؟؟

    عتاب : بالنسبه لي قدها ونص

    أفريل : ووعد ؟؟

    وعد : قولي بالأول

    أفريل : ههه عارفتك المغامرات من جنب وانتي من جنب عموما

    أنا بقول لأن ماعندنا وقت .. كل أهلكم نايمين صح ؟؟

    وعد وعتاب : أيه

    أفريل : خلاص بمركم ونطلع ووعد قبل لا يصلون الناس الظهر انتم ببيوتكم

    عتاب : من كلامك أكتشفت إن حتى إنتي ماراح تقولين لِـ أهلك

    فـ بأيش بتجين لنا ؟؟

    أفريل : أحلىىى يالذكيه يعني موافقه مالك دخل انا بجي ومحد داري

    وانا اللي بسوقكم بعد .. رحله بناتيه ميه بالميه..

    عتاب : ليه وافقو على قياده الحريم للسيارات ؟؟

    أفريل : أي سيارات وأي حريم ؟؟ بعد معرضة انريكي

    وخويه عبيد على الطريق شكلهم بيحرمون السواقه

    وأنا ماني جايتكم بسياره

    عتاب : أجل بأيش ؟؟

    أفريل : أحم أحم .. خليها مفاجأه وبعدين هيه وعد وينك مالك حس

    وعد : ماني برايحه معك

    أفريل : على كيفك عاد هو ؟؟ انتي وعتاب جيران وباخذك غصبن عنك

    رضيتي وإلا إنرضيتي

    وعد : تهديد هو؟؟

    أفريل : إعتبريه زي مانتي عاوزه بس والله إن تروحين

    وماراح أكفر حلفي وبتجين

    ---> مادرت إلا والأخت صاكه السماعه بوجهها

    أفريل : هين يا وعد انتي وبريتني يبي لكم تأديب

    عتاب: ووش سوت بريتني ؟

    أفريل : وش سوت يعني .. صكت بوجهي

    عموما يالله عتوبة روحي قشي فصفص من بيتكم وكان فيه حلا وكيك

    لا تقصرين وسوي زمزميه قهوه وشاهي وأطلعي للسطح

    عتاب--> بحماس : اوكي بس ليه السطح عاد ؟؟

    أفريل : تركي عنك اللقافه وبعدين بتعرفين .. إلا على فكره

    تعرفين بيت بريتني وين ؟؟

    عتاب : أيه هم جنب بيت خالتي قد زرتها مره

    أفريل : حلو .. خلاص بس باقي أجيب هيلاري وشمس

    وهذول هينين بس قولي لي أبرز مكان عند بيتكم وشو؟؟

    عتاب : هههههههههه كأنك محققه

    أفريل : اخلصي وش أبرز شي عندكم ؟؟

    عتاب : طيب لا تعصبين مركز ** التجاري

    أفريل : اوكي سوي إللي قلت لك واطلعي للسطح وخلي جوالك معك

    عتاب : اوكي بس زي ماقلتي نرجع قبل صلاة الظهر أخاف امي تقوم

    وماتلقاني وتذبحني

    أفريل : اوكي ولايهمك ... سلام

    صكيت من عند عتاب ونقزت لسطحنا وافتح المخبأ السري

    كنت حاطه فيه الهليكوبتر حقتي --> أيه صدق الهليكوبتر

    وش على بالكم تراني بنت عز

    هذي الهليكوبتر شاريتها من الفلوس اللي حصلت عليها يوم تخرجت

    من المتوسط وطبعا ماحد يدري اني شاريتها حتى اهلي

    مخليتها لمشاويري الخاصه جدن

    طيب طيب ..

    بتقولون وشلون مخبيه هليكوبترك بالسطح محد يشوفها؟؟

    أنا اقولكم حنا سطحنا مقسمينه ثلاث اقسام بين كل قسم وقسم جدار

    قسم تنشر بوه الشغاله الغسيل .. وقسم فيه قبتن تتوسط الدار

    وقسم مهجووور وهذا اللي فيه هليكوبتري .. المهم ..

    واروح وافتح الهليكوبتر واشغلها عشان تحمى --> على بالها سياره

    خليتها تحمى فوق وأنا نزلت وأسوي قهوه وشاهي --> بسم الله علي طباخه

    واخذهم واخذ خبز مفرود والقى صينيه حلا وفطاير شارينها امس لبنات

    عمي ---> ماجو ولافتحناها

    أخذتها ونقزت للسطح ورميت الاغراض بالهليكوبتر

    وأطير للسوق ويوم وصلته اتصلت على عتاب ووصفت لي بيتهم

    وأطب على السطح وهي تناظرني مستغربه

    أفريل:ههه خير معجبه ؟؟ وبعدين تكفين وش هالكشه ؟؟

    وعيونك متنفخه بعد ؟؟ ياربييييه

    عتاب --> معصبه : وش تتوقعين من وحده دايخه مره وكل امس و

    هي مقابله التلفزيون والله لولا إنك اشعلتي روح المغامره فيني كان مارحت

    أفريل : خخخخخخخ حلوه اشعلتي .. المهم دقي على وعد وقولي لها

    تطلع الحين للسطح والا والله لأهبل بهم

    عتاب : تعالي قبل لا ادق على وعد انتي من وين لك هالهيلكوبتر هاه ؟؟

    أفريل : موصيه عليها من اكبر شركة هليكوبترات خاصه

    عتاب : وأهلك يدرون ؟

    أفريل : طبعا لا .. صاحيه إنتي ؟

    عتاب : ومن وين جبتي فلوسها ؟؟ ووشلون عرفتي تسوقينها ؟؟

    أفريل : يووووه مانتي بخالصه إنتي ؟

    عتاب : طيب بسم الله اكلتيني بلسانك

    اتصلت عتاب على وعد و وصلت لها التهديد وخافت وعد

    وطلعت للسطح حقهم

    أفريل : يالله عتوبة جيبي القهوه والشاهي والخرابيط الثانيه

    عتاب : طيب بجيبهم وأغير هالقميص بتيور حلو..

    أفريل : لا والله ؟؟ مو على كيفك .. جيبيه وبس .. وقميصك كانك ناويه

    يجيك اللي بيجي وعد وبريتني غيريه.. هذا أنا جايتك بحالتي

    عتاب : وش بتسوين بِــ وعد وبريتني ؟

    أفريل : بأدبهم بس

    رحنالِـ وعد وـخذناها .. ومرينا بريتني إللي دقت عليها عتاب وقالت لها

    وش بنسوي فــ صحت من نومها ورقت للسطح .. وأخذناها

    طلعت جوالي واتصلت على روبي

    أفريل : السلام عليكم

    روبي : وعليكم السلام

    أفريل : وش تسوين؟؟

    روبي : وش اسوي يعني قاعده أطقطق بالمنتدى تصاميم وشغلات

    أفريل : طيب اسمعي والا يا أنا عندي لك طلعه إتما أبببه

    بس ارقي لسطح بيتكم .. تقدرين ؟؟

    روبي --> بإستغراااب : السطــــــــــــــح؟؟

    أفريل : ايه تقدرين تروحين له؟؟

    روبي : ايه بس مغبر

    أفريل : مالك دخل اطلعي له بس

    روبي : طيب

    أفريل : يالله سلام

    طلعت روبي لسطح بيتهم وانهبلت يوم شافتنا ثمن ركبت معنا

    قلنا باقي هيلاري مرينا عليها وحطت مركبتنا في سطح بيتهم

    ودقينا عليها قلنا لها تجي وركبت معنا بلا نقاش

    كانت الساعه 7 إلا ربع وأنا احلق في سماء الرياض

    وطرنا بعييييييييييييييد بعيييييييييييييييييييييييييييد

    لحد ماوصلنا الى بقعه خاليه من الناس

    ونزلنا وفرشنا الفرشه ونزلنا زمزمية القهوه والشاهي والحلا والفصفص

    والكيك والفطاير وجلسنا
    .
    .
    في الحلقه القادمه

    * انتقام أفريل من بريتني و وعد

    * الخطر الذي تعرضت له عتاب .. وهل نجت منه؟؟

    * الهليكوبتر والمصيبه اللي حصلت لها.. وكيفية رجوع البنات لبيوتهن..


    هذا وأكثر تجدونه في الحلقه القادمه

    حصرياً على مكــــــــــسات

    .
    إذا شفت ردود وعجبكم موضوعي رح أكمل القصة
    Afraid


    it is always following us
    it is never leave us
    it is never leave us live
    it is always leave us Afraid
    it is always kill us
    it is always delete us
    it is always make us stronger
    it is always be the shadow
    and if it is be the shadow i am will be the dark


  2. ...

  3. #2
    وجـــع نعــم وجـــعmad mad

    7
    7















    من برتني<<< لوعد وعتابbiggrin biggrin

    طيب مدونا جيسكا سمبسونtongue tongue
    بريتني : والله إنك صدق فاضيه ..

    طططراااااخ ---> صكت السماعه بوجهي
    هههههههه صكت السمااعه بوجهاbiggrin biggrin
    هذي جزات الصرقعه
    من صباحية الله خير تلفون وش الهبل ذا..devious devious
    بتقولون وشلون مخبيه هليكوبترك بالسطح محد يشوفها؟؟
    هااا هذا غريندايزر.... mdrbig mdrbig
    هذي الهليكوبتر شاريتها من الفلوس اللي حصلت عليها يوم تخرجت

    من المتوسط وطبعا ماحد يدري اني شاريتها حتى اهلي
    وبعد الثانويه ياشاطر وش بتاخذي<<< jump
    طلعت جوالي واتصلت على روبي
    استغفر الله .... scatter
    في الحلقه القادمه
    فــي الانتــظار..الحلقه القادمه من مغامرات افريل
    في عااصمتنا الحبيبه bigstar

    ســـــــــــــلام thumbs thumbs


  4. #3
    مشكور على مرورك..

    الحمد لله موضوعي عجبك..

    عن قريب إنشالله في أقل من أسبوع بطلع الجزء الثاني بس صراحة ماني شايفة ردود..

    الوضع مايشجع صراحة..

  5. #4
    كل واحد حر برأيه ..طيب؟


    واذا هو يخص البنات..أنا بنت.يعني من تبيني أكتب عنه يعني الأولااااد ؟؟


    والله فراغه..

    وأنا ماعندي لافراغ ولا شي بس سبحان الله اللي يكتب هالأيام ويحاول يوسع فكره صار فاضي وماعنده شغل..





    على العموم الأجزاء الثانية مو موجودة لأنه مافي مستمعين ومرحبين

  6. #5
    YO YO
    .....................وان سبب مشركتي هو طريقة ردك على العضو مجنون مجنون ساندرا
    الموضوع صاارله اكثر من شهر
    وثــانياً كــلام الاخــت ما فيــه اي شيء غلط او خاارج حدود اللباقه والادب
    اولا من الواضح ان عندك فراغ كبير لكتابة هذا الموضوع.....نصيحه : اذا كن توقعي في محله فأرجو ان تستغلين وقتك في العباده
    طيــب ليه ما تستغله انت بدل الردود إلي مالها فايده
    جــالس ترمي نصاايح قول لنفسك
    ***


  7. #6
    شكله المشاركه ماعجبتكم ..................مومشكله...........حذفناهه....... .......smile

    مع انه تقولين كل واحد حر.................بالنسبه للفراغ انا قصدي الي في القصه لاني خلطت بين الواقع و القصه................ (والله زهق.. ولا عندي شي اسويه) ................. شفتي شلون انامظلوم...........sleeping



    .............................................. انشاء الله مااكون ازعجتك مره ............................................rolleyes





    تحياتي
    اخر تعديل كان بواسطة » YO YO في يوم » 31-12-2005 عند الساعة » 22:21

  8. #7
    ؛avril lavigne؛
    موضوعكـــــــــ جميل جدا وفيه خيــال واسع
    اتمنى من الكل الرد لانه اموضوع يستاهــــــــــل بجد
    مشكوره حبيبتيـــــ
    تحياتيـ>>> ستــ الرياض ــــايل
    attachment

    ستـــــ الــرياض ــــايل

  9. #8
    حبيبي يامجنون ساندرا انا بعد صار في ردي غلط لأني قراءة البدايه بشكل سريع ........(وجـــع نعــم وجـــع).....cool

    ردك كان قوي هو الي خلاني ارد عليك .....................(وجـــع نعــم وجـــع).......devious

    اما ردك الثاني فكان اقوى......(الموضوع صاارله اكثر من شهر )...............(غلط او خاارج حدود اللباقه والادب).....(جــالس ترمي نصاايح قول لنفسك)..................devious

    اول شيء ماكنت اعرف انه صار حق الموضوع اكثرمن شهر بس حبيت اشارك في الموضوع مثلي مثلك.....ermm

    ثانيا ولي قلته من نصائح ليست اجبارية التنفيذ (فالدين نصيحه )...............rambo

    (جــالس ترمي نصاايح قول لنفسك) شكرا على النصيحه عسى الله يجمعنا معاكم في جنات النعيم..................قول آمين .


    .......................................كلامك مازعلني ولا تزعل مني............................................... ........glasses




    تحياتي

  10. #9
    YO YO

    صبــاح الخــيرsmile smile
    كلامك مازعلني ولا تزعل
    لا والله ما زعــلت بالعكس جالس اضحــك وجالس ارتجف
    من البــردbiggrin
    .................بالنسبه للفراغ انا قصدي الي في القصه لاني خلطت بين الواقع و القصه
    شكــلك اندمجت مع القصــهtongue

    اوكــي حصل خــير
    واســف على الهــجوم إلي سويتــه wink

    يلا ســلامsmoker


  11. #10

  12. #11
    مشكووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووووووووور وااااااااااااااااااااااااااااااااااااااااااااااااا ااااااااايد
    attachment

    gooood تحــــــــــــياتــــــــــــــي gooood
    مــــــــــلاك المحـــــــــــــــبة

  13. #12

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter