نساني الزين ماجاني يواسيني
................ وش فرحتي لو دخل عندي وساني
كم واحد في حياته جا يعزيني
................ واللي على البـال ماجاني وعزاني
كان السبب ماهقيت انه يخليني
................ غــير البلا يوم ماجاني وخلاني
مايدري انه سبب جرحي ومافيني
................ الموووت من سبته ياناس وافاني
توقف القلــب ماغذاء شراييني
................ القلب ماعاد وصل دم شرياني
اسهوم الايام ليش اليوم ترمنيني
................ تسـقيني ايامها مـن سمها الحاني
وش السبب يوم يدخل مايمسيني
................ كم ليلة بالـــوفاء والطيب مساني
مسح من القائمه لوحة عناويني
................ والصدمه اكبر نسى اسمي وعنواني
يازين وش فيك بالنيران تكويني
................ كويتنــي كيتـين بحــر نيراني
وين العهد وين يوم تقول تغليني
................ بعد الغــلا صرت يالغالي تحداني
انا ادري ان الغلا مابينك وبيني
................ موجود غــير البلا تسمع لعدواني
نساني الزين ماجاني يواسيني
................ وش فرحتي لو دخـل عندي وساني
تحياتي سلوى



اضافة رد مع اقتباس

المفضلات