أنـــــــا مب مينونــــــــة 
هذا الموقف صــار في الاجازة وبالضبط تاريخ 29\6 كنا في احدى دول الخليج , كنا في بيت خالتي انا و خواتي الثنتين وبنات خالتي طبعــا .. وكان يوم الاربعـاء المهم كنت قاعدة على النت ومبققه عيني في الشاشة .. حتى اذكر كنت اشارك في مكسات .. المهم يت بنت خالتي وقالت : اتيين معانا السكيتنج , انا : السموحـة ماتشوفيني مشغولة .. بنت خالتي : امانة تعالي مابيخلونا نروح بدون واحد كبير , عاد انا في هذي اللحظة ماصدقت نفسي , انا الكبيرة حدكم علي ..
وقلت لهـا :ودي اروح معاكم , بس انا مابي اتزلج .. , قالت : لاتصيرين جذي ترى اليوم الاربعـاء وحق النساء فقط .. يعين بكرة مابنقدر نروح لاتضيعين الفرصة , ومب لازم تتزلجين .. ترى في محلات اهنـاك
. أنا : قـولي واللــــــه .. بس اممممم , بنت خالتي : لا بس ولا شي .. بشتري لج على حسابي ..وانا : سكرت الكمبيوتر بكبره ولبست عبايتي وجهزت نفسي حتى مابدلت ملابسي >> كنت لابسة جلابية مغربية >> يالفضيحة .
المهم بنت خالتي الكبيرة ودتنا مكان السكيتنج وكانت هذي اول مرة اروح فيها هذا المكان , وقبل ماننزل من السيارة بنت خالتي الكبيرة قالت انا بروح الجمعية الساعة كم تبون أييكم ؟؟ وصج انتبهو على نفسكم ؟؟ , انا قلت في قلبي : شدعوة شنو قصدهــا ننتبه على أنفـسنا ؟؟!!
دخــلنا المكــان أنا واختي اللي اصغر مني >>12 سنه , وبنت خالتي >> 14 سنه:: وكــــــان ويهي جذي >>
OH MY GOSH , WHAT'S THIS !!?? WHERE ARE WE
انــــا وين داشة .. شنو هذا ؟؟
لالا احنـــا وين داخـلين ؟؟ ليكون مغلطين ؟؟!!
بنت خالت : لا حبيبتي هذا هو المكان . . ماعليج انتي منهم احنا يايين نستانس خلهم يولون !!
انزين ماسألتوني شنو شفــت ؟؟!
وبصراحة انا اتأسفت على البنـــات واااااايد .. كان ودي نرجع البيت بس ماكان عندي موبايل ؟؟!!
اقولكم لبس البنـــات استغفر اللـــه .. >> حتى شكـلنا كان من جماعة الامر بالمعروف والنهي عن المنكر لأن احنا الوحيدين اللي لابسين عبايات !!؟؟
يعني ماقدر اوصف لكم لبسهم .. >> شبه عاري ..
المهم قلت حق بنت خالتي : مابتتزلجون ولا شي .. لأن كل بنت في يدهــا موبايل وكاميرا .. والمشكلة اعمارهــم ماتتعدى 17 .. يعني كلهم بعمري .. , عــــاد احنا رحنا ارتحنا على الكراسي .. وطلبنا اكل عشان ناكل ., بنت خالتي واختي يضحكون ويسولفون ويتطنزون على كل وحدة تمـر وانا,
..
وبعد ماخلصنا الاكـل .. بنت خـالتي قالت لي : مالاحظتي شي ؟؟!!
انا : لاشنــو
أختـي : هاذي وين تلاحظ ..
انـــا : شقصدج .. يعني عشان نظري ضعيف بتستخفين فيني يالخبـلة.
وبنت خالتي : هذولا كم؟؟
انا : شفيج انتي مب لهذي الدرجة انا ماشوف .. بس الاشياء البعيدة والكلام على السبورة
بنت خالتي : انزين ذاك الصوب ..
انــــا : اوه, عـلم المـــــــانيا
, تعـــالو نسلم عليه
اختي وبنت خالتي : الله يعطيج عقل
ورحنــا سلمنا على علم المانيا وعطيناه تحية ..
وبعدين شرينــا اذرة ورحنــا قعدنا على مدرجـات السكيتنج .. لأن اهناك ماكان في حد ..
وفجـــــــــــأة ..
بنت خالتي واختي :
يقولون لي : مسموووووووووووو شوفي ..
وانا : ها شنو شنو ..
قالوا : شوفي البنت : وانــــا ماشوف عدل
بنت خالتي : أخ من الحول .. روحي شوي جدام عشان تشوفين عدل ..
بعدين خطيت خطوتين والا :..
اختي : شفتـيها ؟؟
انا : ايييي الله يهديهــــا .. شفيهـــــا هذي بايعتها ..
الله يسلمكم شفنـــا بنت رايحــــة فيهــــا لبسها, ولا بعد مستانسة على نفسهـــا قاعدة تترقص ..
انــــا : وين عايشين .. شنو هذا, والله كان قلبي يعـورني عـلى البنت .. وين اهلها عنهــــا ؟؟!!
عـاد في هذي اللحظة احس اني فقدت صوابي .. >> انتي اصـلا دايمــــا فاقدته
تتوقعـون شنو سويت ؟؟!! .. لأني بصراحة ماقدر استحمل اكثـــر >> لو في امريكا جان البسوا ملابس استر
عـــــــلى العموم رحت انا وشجاعتي وهبالتي .. وبنت خالتي واختي ماسكيني .. : والله ماتروحين مكان , بتسوين لنـــا مشكـلة .. انتي متسببة ..
انــا قلت : اسوي واسوي .. ويصير اللي يصير .. وياريت لو اتي الشرطة بعد .. عشـــــان يشوفون وين بنات بلدهم واصلين .. والكل ساكت ..
واقولكم شلت شجاعتي وعجرتي ..
وييت في ويه البنت وقلت لهــــا : أختي انتي مستانسة على نفسج !!
ردت وقالت : ها شنو ؟؟
في قلبي : انشوى راسج
اقولج : انتي مستانسة على اللي قاعدة تسوينــه .. استري على نفسج الله يستر عليج ..
واشيل قشي واضرب خط على طـول من بين كراسي المدرجـــات ..
وبعدين من فوق اطل على البنت : اشوف بنات متيمعين عندهـــــا .. يستفسرون الله يستر عليهم كلهم ..
وبعدين انــــــا ضيعت .. ولا ادري وين بنت خالتي واختـي ..باااال . انا مادل عدل وين بروح ؟؟
يتـبع >>
اضافة رد مع اقتباس
, صار لي شهر ماكلت من سويت فاكتوري ..
.. اي والله . 
>> لو في تعبير اكبر كنت بعبر 
, واكيد ماراح اطبها مرة ثانية .. , اصلا انا ماكنت ادري ان هالاماكن جذي .. 
أنــا يديدة .. ماباقي شي واخلص سنة في مكساتوتي .. بس بعد اعتبر نفسي يديدة ... 
المفضلات