أنا و إياك كيف كيف، أنا وجهك في المراية،
أنا الخايب فيك، أنا قفلة الغناية،
و إنت الباهي في، إنت برقة العلجية
إنت الصوت العالي، يصدح في كل ثنية
إنت الضحكة ألي مشتاقتها، إنت الهبلة إلي مفلتتها
و أنا الحكاية إلي ما قريتهاش، أنا الوردة البرية
أنا زناقي و حوم، أنا جردة و فسقية
و إنت الريح أللي تدور وتجري فيهم قوية
تصفر تلحن تبني و تهد و ترد علي
تصيح مكش وحدك هوني إنت شي بلاش بي
أنا و إنت ماللول، كيف الصباح و العشية
معنقين بعضنا ديما، و الشطحة هي هي
أنا هوني و إنت غادي تغزرلي في عيني
كيما تحكي كيما ساكت كيما تتبهنس علي
مرة نشد مرة نفلت مرة نعمل بوهالية



اضافة رد مع اقتباس
المفضلات