السلام عليكم
تعال شوف برجك
....................... للعراقيين ......................
الحمل:
اسبوع حافل بالاحداث المؤثرة على مجرى حياتك الاجتماعية و الاقتصادية,و راح تروح سفرة لراس الشارع و تلكاه اصلع, لان مضروب بعبوة ناسفة مو عبالكم مزين يم الحلاق رقم الحظ -13,يوم السعد السبت الفائت
الثور
انت برج الثور,مبروك راح تصير دكتور,ستمر بفترة صعبة جدا لكنك ستجتازها و يحصل انفراج نفسي,لانك راح تشتغل تاكسي,مو تنسى تغلي الاجرة وتصير انتهازي لان بالسنة الجديدة راح يغلي البانزين لان خطية الحكومة منين تجيب بانزين وماكو بالعراق رقم الحظ 40 يوم السعد البارحة..
الجوزاء:
فترة انتقالية تشهدها حياتك و سوف تعاني مثلما عانت الحكومة الانتقالية من جيرانك,فاحرص على تناول حبة فاليوم 10 قبل النوم,رقم الحظ صفر..يوم السعد لو الجمعة لو الاربعاء..بس علأكثر الاثنين..
السرطان:
برج السرطان,راح تشرب جاي بلااستكان,و راح تشيلون للاسكان,و احتمال تشتري تلفزيون من بيت فنجان,بس راح يطلع خربان..رقم الحظ 34563..يوم السعد مو الثلاثاء
الاسد:
راح ترجع للبيت,تلكة المرة مطابخة,كلشي لتكوللهه,و اذا غلطت عليك و ضربتك بال...,ابلعهه كلاسد..رقم الحظ,هو وينه الحظ؟..يوم السعد اليوم..هنيالك!!
العذراء:
هذه الفترة غير ملائمة لاقامة علاقات عاطفية,لان طبيعتكم الديالكتيكية,لا تنسجم مع الخواص الميتافيزيقية للحبيب,فلا يحصل انجذاب الكتروستاتيكي,رقم الحظ..ما ادري..يوم السعد..الجمعة يم باته
الميزان:
ستشهد هذا الاسبوع تحسنا ماليا ملحوظا فاحرص على اغتنام الفرصة و اشتري كيلو بقلاوة,لأن ملّينة من الحلاوة..رقم الحظ 07901..
يوم السعد عكب باجر
العقرب:
اعمل بمبدأ (الاشرا...كية) يعني اشتري كيا و اشتغل بيهه احسن من الكعدة لأن ترة ماكو تعيين بس للعرف..رقم الحظ...يوم السعد..نايم بعده ما كعد
القوس:
انتم اذكياء و ذوي خبرة عظيمة في مجال عملكم و ستأتيكم جنطة بيهه فلوس..شايلهه ابنكم المحروس..و بيده الثانية فانوس,رقم الحظ 444..يوم السعد..اليوم تلاثة و نص الفجر
الجدي:
المنحوس منحوس,خطية ابو القوس عثر ابنه المحروس..و احتركت الفلوس بنار الفانوس..و انت لازم تساعده..لأنك متعاون..رقم الحظ 123456..يوم السعد..اليوم وكت العشة
الدلو:
انت تتمتع بروح الدعابةفأحرص على بقائها في شخصيتك,انت برج الدلو,قميصك حلو,تلفونك عراقنا لو الو..رقم الحظ..شكد ميعجبك..يوم السعد اول البارحة..
الحوت:
لديك الطموح و الشجاعة عاليين,و ستحصل على ما تصبو اليه,لانك حوت,بس بيتكم بالكوت,و اليوصلهه يموت,رقم الحظ..ماكو رقم حظ الك..يوم السعد ..من تجوز من الجكاير..
بس مو تصدقون بالابراج لان(كذب المنجمون ولو صدقوا)
اختكم
عيون بغداد
المفضلات