يعذلونك.....؟
لا يهمونك شفتهم كلهم ما يسوون رمشه عيونك....
ليكون عبالك افكر فيهم
ولا احاتي واداريهم
ياسيدي وسيدهم
خلني اشرح لك الأوضاع
وسط قلبي من الراس للقاع
صحاري ملئها اشواك
وصباره وشجر اسود
وانا ساري كما العطشان
وثوبي من الغبار اسود
وجروح الوقت في جسمي
ودمها من يدي يقطر
ودمعي جف من يومه
وقلبي يبكي بروحه
واقول لصبري اتصبر
حتى الشمس من حالي
غابت والضلام اشرق
تخيل حالي للحظات....
كسير ومابيدي الحيله
غريق والأمل وينه
عطيب ودم دمعاته
على خده وايدينه
جالس انتظر للموت
تشريفه واهلي به
وفجأه يتراوى سراب
نويت اركض وامشي له
لعلي اوصل ترابه
اقبله واشكي له
وفجأه تحقق الأحلام
وأحصل حالي في بستان
والورود في كل مكان
جلست افكر لحظه
وأحاول استوعب الموقف
"شنو الي بعيشتي اتبدل
وخلا المايل اتعدل"
رفعت ناظري وقته
لقيت كل شي اخضر
لقيت تله واشجار
ويفصل بينهم انهار
وانا غرقان بافكاري
" شنو الي بعيشتي اتبدل
وخلا المايل اتعدل "
لمحته ..
سبب شجري وبستاني
سبب تلي وأنهاري
واقفه ..
" ياترى منهي تكون..
شكلي وصلت الجنون "
ناظرتني وابتسمت..
مدت يديها ... " تعال "
مشيت ووقفت بجوارها
ابتسمت وطالعت قدام
وانا غارق بأفكاري
"ياترى منهي تكون..
شكلي وصلت الجنون"
الحديث ذو شجون
شفت كيف وجودك بعيشتي بدل
وخلا المايل اتعدل
يعذلونك لااااا يهمونك
والله ان جموعهم ما تسوى رمشه عيونك
يكفي اني كل ما شفتك اقول
"معقوله بحبي تكون...
شكلي وصلت ... الجنون"
بقلمي ^__^
أنتظر آرائكم ^__^
تحياتي
^^ Shadu - Kun ^^




اضافة رد مع اقتباس
؛.



المفضلات