احترم نفسك قلي كيف الحال لاتسالني عن اخباري هذي حياتي الخاصه انت مالك دخل ... يعني بتعطيك محاضره عنوانها ( لاتقل وش اخبارك ) .. همن تصقعك بلوك ( حظر ) ... ومن زود الرسميه اللي فيها بعض الاحيان لين قلتلها اهلين قالت انا منيب اصغر عيالك قلي هلا وبس اهلين مانعرفها وفيها شبهه ... ( وش الشبهه يرحم امك تبين نقولك اهلين يااختاه ) .... المهم هذا نوع وخلصنا منه فيه نوع ثاني ... ( المصلحجيه ) .... هذي مهيب تسلم عليك الا في الشهر مره ( واجد في الشهر مره ) ... او بالاصح اذا عندها موضوع كاتبته في المنتدى وتبيك ترد عليه او تصلحلها الجهاز ... بتجيك وتقول فلان حبيبي .. اقولها هلا والله عاش من شافك وين الناااس من زمان عنك .... بتقول والله اختبارات وغثا خلها على ربك ياحياتي .... ( ياحياتي وين اصرفها لو قالتها ذيك الرسميه ... يمدحون بنك المصلحجيه بس ) ... عاد انا متعود على هالحركات اطقها في وجها اقولها ... اها اخلصي وش عندك وش جايه تبين ..... مايمديني اقول لها هالكلمه الا صاكه اللنك في وجهي .... واللي احلى من هذا .. تقول تصدق اني كاتبه الموضوع فيك ( ياروحي ماغديت التمساح صرت ريكي مارتن ... مير انا احلى منه ... تقاطيع وجهي ازين ... قل ايه بس ) ... والزبده كلها رد على موضوعي وبس ........ وهذا نوع هالحين خلصنا من الرسميه والمصلحجيه .... فيه نوع رهيب يعجبني اللي هو( المنسمه ).. تجيك وحده فاقده ... حاطه عقلها في شنطة الجامعه وجايتك .... وهذي لو اشرح لك موفيك حقها تخلي لك الماسنجر ولا مسرحيه " شاهد ماشفش حاقه "
وفيه نوع ( العاقله ) ... من زود ركادة العقل فيها لين ضحكت تضحك كذا ههههههههه . < - - - تحط نقطه في اخر ضحكتها ( يعني مجرد موقف ضحكت عليه لاتحسب اني مستانسه على سواليفك ) .... ولين قالت شكرا مهيب مثلنا نقول شكرن لا هي تحط التنوين الطامره فوق الحرف مثل كذا ..( شكراً ) .... وفيه نوع ( الدببه ) هالنوع يابو الشباب.. ماتدخل في الشهر الا مره ... وكل سواليفها وشلون امك عساهي طيبه .. وتسولف معك وبرايفتها الثاني مع ستيف وطقته .... وفيه نوع ( مدري وش تبي من الدنيا ) ... تستهبل وتلعب بمشاعر واحاسيس الشباب واخر شي انا كنت امزح وربي امزح ( منتب هين يالتمساح تعرف مشاعر ومساحيت مدري احاسيس ) .... المهم خلصنا من شرح الشخصيات نجي في الاهم .... ( على طاري شخصيات ... ترا البوكيمون حرام انتبهوا لاياكلون منه عيالكم ) .... اذا كانت البنت معك وحاطه ( مشغول اوبزي ) .... اعرف انها تكد شعرها ولا انها تهاوشت مع اختها من اللي يلبس البكله الخضرا اليوم .... واذا البنت حاطه ( سأعود حالاً ) ... اعرف انها قاعده تاكل بس مستحيه تعلم ... ولا اكيد انها راحت ( ؟؟؟؟؟؟ ) .... واذا البنت حاطه ( بالخارج او آوت سايد ) ... اكيييد انها تقصقص ضفورها ولا امها وراها تدهن شعرها بزيت زيتون ولا دابر ... وحدتن منهن ماشميت الريحه زين .... واذا حاطه ( على الهاتف او اون تيليفون ) ... يعني لاتفكر ترقمني تراني اكلم خويي ... ( والله التفسير الاقشر ) ... واذا حاطه ( بالخارج للغذاء ) .... فعرف انها قاعده تغير ملابسها وتبيك تستحي على وجهك وماتكلمها .. لانك اذا كلمتها بتقول اكيد انه جوعان ولا بينظلني فالواحد بيستحي ويسكت ( يالبنات اذا انتم مشغولين حطو بالخارج للغذاء تراهي اصرف من مشغول ... تراي اعرف العيال يستحون لين شافوكم تاكلون ... ) ....
واللي مايشتري يتفرج
مع احتراامي الشديد لعضوات المنتدى
اضافة رد مع اقتباس
المفضلات