السلام عليكم ورحمة الله وبركاته أما بعد
حبيت أقدم شيء لكم بمناسبة رمضان
وراح تكون سلسلة مواقف الأسطورة
أحم ... أحم
بذكر موقف من المواقف ألي حصلت لي يوم كنت صغنن
اذكر مرة يوم كنت صغير ما أدري أتوقع خمس أو ست سنين كنت أحب مسلسل أو فيلم ( Robcop )
طبعا أنا كنت مولع بشرطي الألي أقلده في كل حركة خصوصا اذا جاء يطلع مسدسه من فخذه
أنا كنت أسوي العكس أخذ العصا ألي حقت أكياس النايلون وأروح أقسمها بسكين الكبير ^__^
بعدين جيت لونتها بشوية خرابيط وحطيتها في مخبأ البدلة ألي ألبسها <<< صاير رامبو على غفلة
خخخخخ والمسكينة ألي كانت الضحية أختي الصغيرة كانت هي ألي تلعب وياي دائما
نص التجارب والمخططات الإرهابية أجريها
عليها لول <<<< والله لو تسمعك ألحين كان أقلبتك كفتة شرقاوية ^__^
مرة في من الأيام يوم جابوا حلقة ما أدري ويش عاد أنا انجيت بالشرطي
الألي << كنت شارب سنكولا وقتها مع بطاطس غندور بالطماطم
يمي يم من البقالة ألي في الشارع حقنا
وقتها في الليل كنت ( أتعلك ) علك لبان عادي فرحت أفكر في شكله شفت راسه وقلت ليش عيونه
هذا فيه خط أسود +__+ فقلت ليش ما أجرب و
أسوي مثله <<<< وقتها يوم كنت صغنن كان أي شيء في بالي أسويه لول
رحت طلعت العلك من فمي وحطيته على عيوني من اليمين
لشمال <<<< صرت ( Robcop ) سعودي على غفلة لول
خخخخخ والطريف في الأمر أني صرت أشبه عيون الشرطي الآلي بس اللهم هذاك أسود وأنا وردي
والأهل وأخواني يوم شفوني طاحوا ضحك علي وللحين يذكرونها لي
خصوصا أخوي الأكبر مني بـ 3 أو 4 سنين طايح مسخرة ونكت علي هع -__-
هذا موقف من المواقف ^__^
هع أكيد زي وجهي خخخخخخخ خصوصا في هالاشياء ما اعرف ألقيها صح
ملاحظة : إياني وياكم أحد يضحك علي علشان أذبحه هع هع هع
وإن شاء الله أكون وفقت في كتابة الموضوع
وسلامتكم أحبتي ^__^
المفضلات