السلام عليكم
انا وحدة تحب الاكل بدرجة مو طبيعية بس مع ذلك امل بسرعة من الاكل و ابي اغير
قعدت اطقها سوالف من خدامتنا الفلبينية فعلمتني اشياء واجد عن اكلهم بس نصص اللي قالته ما عجبني
يا يكون ماصخ او فيه شي ماينوكل او بارد
و مرة قالت لي بتسويلي بيض على طريقتهم لما ذقتها طار عقلي حيل لذيذة مع انها بس بيض
ادري طولت عليكم بالهذرة
يلا الطريقة :
حبتين توست
1 بيض
1 فلفل اخضر بارد
1 طماط
ملعقة جبن سائل
تاخذ توست و تزيل الاطراف البنية و بعدها نضغط علية عشان يكون مسطح
نقطع الفلفل و الطماط شرائح ثم نضعة على التوست و نلفة و على طرف التوست نحط شويه جبن عشان يلزق و ماتتبطل التوستة
في صحن نخلط البيض مع الملح و نجب التوست و نقلبة على البيض لما يتشرب
على النار نضع مقلاة فيها شويه دهن و نقلي التوست لما يتضج البيض
اتمنى تعجبكم سهلة و سريعة و لذيذة جدا
اذا كان شكل الاكل مرتب و الصحن حلو راح يكون الاكل طعمة رائع الان الانسان ماياكل بفمة فقط ياكل بعيونة فحاولو كثر ما تقدرون تخلون الاطباق جميلة مو اللي 12 حبة بدينار
قبل ماكنت اهتم بكل الصحن و ترتيب الاكل بس من جربت الترتيب حسيت ان الطعم تغير و صرت استانس لما اكل








اضافة رد مع اقتباس





المفضلات