لو ما كتبتي رد جديد ما كان انتبهت لهذا الرد
طبعا اكيد ايسا مو حاطط متى ينتهي الغاز بشكل دقيق لانه يحتاج عمليات حسابية كل مرة لحجم المناطق ومن هذي الامور لكن المهم ان الاستخدامات تكون متقاربة تقريبا
اوك نتكلم عن ميكاسا اشوف انها استخدمت غاز اكثر منه ولهذا غازها انتهى فالنهاية ناخذها حبة حبة
في البداية هي ما تواجدت في اخر الصفوف تلقائيا بل كان لها استخدامات للغاز عشان توصل للمنطقة الخلفية
مسحت العمالقة المتجمعين في المنطقة ما ظهر كم بالضبط لكن اكيد عددهم مو قليل
تحركت من المنطقة الخلفية للوسطى الي اكيد اكبر بكثير من نص الغابة ( افتحي الحلقة 7 اذا ناسية )
واخيرا رجعت مرة ثانية وقطعت مسافة كبيرة ما يستهان بها وهناك خلص .. لما تشوفي حجم تروست مقارنة بالغابة تعرفي كمية الغاز المستخدمة فالاثنين + المسافات الي قطعتها تذركني بليفاي شيغانشينا
ميكاسا وليفاي في هم الوحيدين الي انتهى غازهم ونحن نعرف اغلب تحركاتهم من البداية للنهاية وكانت اكثر من ليفاي 113 اما البقية في تروست ايسا اصلا ما اظهر عنهم شئ غير انهم كانوا يتنقلوا فالمدينة للهروب من العمالقة فمو دليل لانه استخدامهم اصلا ما ظهر
انتهاء غاز ليفاي في الوقت المعين دحين صار سلبية ؟ الشئ هذا متواجد في كل الاعمال وبعطيكِ امثلة كثيرة
اولا بشكل عام تدخل شخص في اللحظة الحاسمة لانقاذ موقف واذا جينا حدث حدث اكثر اجيب مليون لقطة ومن انميات ثانية مثل موت كيكيمارو امام قارا في حدث استعادة ساسكي بعد ما طلع عاموده الفقري قال اني سأموت بعد فترة قليل وما مات الا لما صار الفرق بين موته وبين قتله لقارا اجزاء من الثانية وعندك في الانميات الرياضية لحظة فوز الابطال تكون في الوقت القاتل اخر ثانية ثانيتين واذا تبغي فالعمالقة عندك هانجي لما وصلت فالتوقيت المثالي امام راينر وضربته برمح البرق فإذا كنتي تعتبري لقطة انتهاء غاز ليفاي بعد وصوله شئ سلبي المفروض كل الي فوق تكون سلبيات وكذا كل الانميات فيهم هذي السلبيات الكثيرة واخيرا لازم تكون في هذي النوعية من الاعمال مثل هذي اللقطات الحاسمة
ممكن اوافق لو تكرر الامر كل مرة اقول صدف كثيرة لكن فالمانجا صار هذا الشئ مرتين بس ( طبعا اقصد الوصول مع انتهاء الغاز ) اولها في تروست لما وصل كوني والبقية لمستودع الغاز والثاني وصول ليفاي طبعا محد قال شئ عن لقطة كوني بس لانه ليفاي الي وصل لا لازم نقول
عشان كذا قلت حطي مليون خط تحت الي قلته الي هو ان ليفاي بدأ في تقتيلهم قبل بداية تحرك زيكي وتقدري تراجعي الفصل وتتأكدي
بالنسبة للمعسكر ما اقدر احكم بشكل دقيق لان ايسا ما تطرق له بتفاصيل او اظهر ان الرماح تتدمر واتوقع فالانمي الرؤية بتكون افضل .. عادي ممكن ياخذها بعد ما قتلهم ويركبها فالطريق بسهولة زي ما يركب السيوف
.....
ليفاي سبق اني لانه اسرع من التصلب اثناء السرعة الي اظهرها مو لانها متعبة لو ترجعي قبل قتالها مع ليفاي بثواني اخر هجمة لميكاسا صلبت يدها بعد ما انطلقت بالمعدات وسبقتها ومع ليفاي ما قدرت تسوي هذا الشئ وبعد ما قطعها وهناك فعليا انهاها هجمت ميكاسا مرة ثانية لكن سبقتها اني فالتصلب مرة اخرى وسرعته ما كانت تختلف عن السابق .. ليفاي وميكي مع اني تحتمل سببين الاول هو ان المخرج عاوز كده لان ليفاي كانت فيها بسرعة ميكي يبدأ ينطلق ويوصل معاه في نفس اللحظة عشان يخلي اني تقدر تهرب والسبب الثاني احتمال يكون لكن ما اتوقع وهو ان الاكرماني يصير اقوى مع مشاعره خصوصا بعد ما عرفنا مصدر قوتهم .. كل الـ4 مرات الي ظهر فيها ليفاي بسرعة خيالية جدا كان متأثر من شئ ( مرتين زيكي واني وفي الاوفا حقته ) لكني ممكن استبعد هذا الامر لان حتى لو كان صح المفروض ليفاي يكون اسرع من ميكي الي خلاه ايسا بسرعته فأقول الخيار الاول .. انت قارني بين سرعته فالموقفين واحكمي لما هجم مع ميكي فالحلقة 20 او لما قطعها من فوق لتحت بضربة بوحده فالحلقة 22
قتال ليفاي وزيكي الاول اذكر ناقشتك عنه بعد فلاش باك القبو وقلت ان ليفاي جاه غدرة بسرعة كبيرة وو وفي النهاية انتهى النقاش بدون فايدة لكن رجعتي على بداية ارك مارلي قلتي انك اقتنعتي لكن دحين رجع تسليك ثاني عشان دعمي موقفك ؟
عمالقة اني كلهم شواذ ايضا واذكر كانوا اكثر من 30 بالراحة وراجعت الفصل عشان اتاكد وكان في اكثر من 20 عملاق جاي من الامام فقط غير باقي الجهات الـ3 والموقف كان اسرع نقول انتهى في ثواني اما ليفاي امام 30 عملاق في كم يقتلهم 5 دقايق ؟
مشهد بيترا ما يقدم او يأخر لانه هزمهم وهو مغمض مدري ايش دخل الموضوع هذا في نقطة قوته وبالعكس ايسا من البداية وهو يفكر بقوة ليفاي في اول ظهور له ذكروا انه يكافئ كتيبة كاملة لحاله وفي اول قتال له ( اني ) اظهر قوته المعتادة
هذا مو موضوع النقاش ( الي اساسه كان وصول ليفاي له وهزيمته ) لاني سبق اني وافقتك هنا
...
عني نفسي استبعد موت زيكي اعتقد الاغلب يتفق حاليا ان ايرين فالنهاية بيخالفه فإذا مات هنا بتكون خطته مالها معنى لانه مات اول ما ذكرت الا اذا ايرين اتبع خطاه نقول اوك لكن الشئ هذا صعب بالنسبة لشخصيته الي نعرفها فأقول زيكي مكمل لانه الوحيد الي بيمشي على الخطة 100%
عاد مو لازم يقتل متحول عشان يكون مميز اصلا محد قتل متحول غير ايرين وارمين تشاركوا في نفس الشخص وتقنيا ليفاي سبب رئيسي لانه هو الي حول ارمين هههههههههه ( امزح طبعا
)
وكان المفروض يقتل زيكي اصلا لكن ايسا قرر لا لانه يحتاجه فالقصة مثل ما اودا رجع اكاينو لانه يحتاجه + ايوة اكيد الشجر عديم الفايدة ضد ليفاي ايش الفرق بين رمي اغصان شجرة او احشاء عملاق كلها نفس الشئ
مالي دخل اذا كنتي تشوفي ان فرقة كيني فلر المهم هو انها ظهرت رسميا في ارك وكانت شئ اساسي فيه والفيلق ما كان بينجوا بدون ليفاي .. في ارك اني تقدري تسلكي للوضع ان ميكي كان موجود وبيقدر يهزمها لكن ضد فرقة كيني وزيكي شيغانشينا ما تتسلك ان الموضوع كان بيمشي بدون ليفاي
الفانز الي ما قدر يرضيهم هم كارهين ليفاي بعدين اصلا كلامك خطأ لان ايروين اخذ اول مركز فالمانجا
يعني ايسا مو مهتم بليفاي لانه صاحب اكبر شعبية فاليابان مثل ما الهيترز يقولوا شكله بسبب قروب صحباتك كارهين ليفاي مثلك حسبتي الكل كذا
قبل فترة دخلت ريديت فيه اكبر تجمع للنقاشات الاجنبية ما شفت معارضين الا قليل مقارنة بالبقية
ها ؟ كأني اشوف ليفاي وزيكي هنا .. زيكي تقطع مثل ميريوم وغالبا بيرجع مثله لكنك ما اعطيتي فرصة لرجعة زيكي بعد ما قلتي ان الملك رجع بقوة وكأن الارك انتهى
بالنسبة للقتال كيف اخذ واعطى المقارنة مرة ما تجي بوذت نيترو كانت اقوى جسديا واسرع من ميريوم لكنها ما تاثر فيه وبعد الاف الضربات منه قدر يجد ثغره واستغلها وقطع يده ورجله اذا كان زيكي ما يتقطع من سيوف ليفاي ويتحمل الاف الضربات منه وقتها نقول اخذ واعطى وبيهزمه فالنهاية وعلى طاري قتالهم قبل كم رد قلت ان مو كل القتالات تتدخل فيها الذكاء مثلا ليفاي وزيكي جا القتال بشكل مفاجئ وسريع جدا ومستحيل لزيكي انه يهزمه هنا مثل ما كنتي تطلبي منه خطط .. في قتال ميريوم على ذكاءه وقوة تحليله للامور ( اتوقع تعرفيها مو لازم اذكرها ) انضرب كثير جدا لين قدر يقلب الوضع لصالحه اما زيكي المسكين ما عنده وقت يتحمل فيها مليون ضربة فكنتي تطلبي منه المستحيل .. حلو مثالك هذا خلاني اوضح هذي المسئلة بأفضل شئ ممكن
.............
فالحقيقة هذي 3 مرة تمطر
الاولى في حلقة ماضي ميكاسا لما كانت تقتل العمالقة والثانية في اوفا ليفاي بعد موته اصحابه
غريشا في شبابه يشبه ايرين جدا خصوصا شكله بداية تحالفهم مع يلينا ولما كبر صار يشبه زيكي
+
ما راجعت الرد فمشي لو في كلجات هبلة
الرسالة الأصلية كتبت بواسطة ► Đαяĸ Soυℓ ◄
جملة هانجي فقدنا ثقتنا بك ما اعتقد كانت موجهة من القلب لان بعدها زارته في السجن مثل ما انسجن قبل 4 سنوات وحاولت تكلمه لكنها تفاجأت من تغير شخصيته .. موضوع نقل قوته اعتقد جاء من زاكلي والشرطة نفسهم هم اصحاب الشأن الاكبر وعدم اجابة ايرين عن اي استفسارات لهم زادت عدم ثقته به .. فكرتك حلوة بس في عوائق كانت فالطريق فما ادري صراحة
اضافة رد مع اقتباس
المفضلات