اخر تعديل كان بواسطة » MUZAN في يوم » 28-04-2013 عند الساعة » 01:10
السلام عليكم ^ـ^ !
كيف حالكم يا أعضاء و زوار قسم المرح ؟!
أتمنى تكونو بأحسن حال و خصوصا قبل لا تقروون موضوعي
بيصيبكم بالسم و العل صدقوني
باختصار : خرط اتجمع اقعد و اتسمع !
ما بطول عليكم
اتفضلوا و اقروه لو حابين يصيبكم المغص و ما اداومون للمدارس !
اخر تعديل كان بواسطة » ◈łàĎŷ Hĭşàŋà◈ في يوم » 01-03-2013 عند الساعة » 11:13
في يوم من الأيام و في منطقة نائية بعيدة عن المدينة ، عاش ريال فقير اسمه " ما كديت "
و كان حلمه يكمل على طريق أبوه و على نهج سلآلته الكريمة و يحصل على ظيفة الحلآقة
و طبعا الولد كان محصل شهادة دكتوراه من جامعة أمريكية و وحدة بريطانية و تانية فرنسية !
> لكنه يبي يستوي حلاق وش نسويله ؟!
فراح مع ما بو راشد
و المهرج القصير شهريار
التاجر الهندي الخسيس شهبور
لـأمريكا بوساطة الجرين كارد ليجمعوا الفلوس و يصيروا من أصحاب الملايين
> مصدقين عمآرهم الإخوة
لكن العقبة الأولى اللي وقفت أمام صديقنا : "ما كديت " إنه بيزاتهم قربت تخلص و ما مع رفاقه الحرمية شي !
و المشكلة إنه التاجر أبو ريشة هندية يأكل وآآيد و معنى ذلك دفع أكثر
دخل الجميع لشقتهم الخربآنة اللي ما فيها غير صوفاية
يقعد عليها التاجر الهندي
بينما قعد صاحبنا حميد على الحصير و بو راشد يدخن من غليونه
ما كديت : هاآآه ؟ بشروا لقيتوا شي ؟
بو راشد : لا ما فيه شي مع الأسف ، و انت لقيت شي يا بو كرشة هناك
شهبور : لا أنا ما في يحصل شي أنا ، و بعدين ليش انتا يقول انا في كرشة شوف نفسك أول !!
بو راشد : اسكت لا ! تبا مني أعلمك الضرب على أصوله و إلا ؟!
شهبور : لا أنا ما في زرابة ، انتا معلوم أنا في مسكين
بو راشد : و أنا اللي علموني عنك غير ياآ حرآمي
المهم ما كديت معقولة ما لقيت و لا وظيفة عند الحلآقين في القارة كلها !!
شهبور : أولا أمريكا مافي قارة هذا دولة ، تانيا ...
بو راشد : بتسكت و إلا بالنعال ؟!
شهبور : اوكي اوكي
ما كديت : لا و الله ما لقيت ، كنه الكرة الأرضية ما حد يشتغل فيها
و انت يا بو ألف ليلة و ليلة ، لقيت شغل تسكت فيه يوعنا ؟!
شهيار : لا و الله ما حد طاع يشغلني و لا زبال حتى !
آخ متى الاقي شهرزاد حيآتي ؟!
يضحك شهبور و بو راشد بصوت عال
بو راشد : انت تحلم كثير يا شهريار ، صير أمير بالأول بعدين تعال و احلم
ما كديت : انتوا تضحكون و نحن في أكبر مصيبة و ممكن باتشر ما نلاقي
شي ناكله و نصير مثل كلاب الفريج
صدق انكم ما تستحون غربل الله عدوكم !!
شهبور : و انتا ليش مافي شغل ؟!
شهريار : المشكلة انه ما حد مصدق انه عمري فوق الأربعين !
اول ما حد يشوفني يحسبني ياهل شرد من اهله بسبت قامتي الفظيعة !!
ما كديت : و وين طارت شهادة الميلاد و الهوية و الصحة و الجواز يا قلبي ؟
معقول ما راويتهم الوثائق الرسمية يا شهريار زماني ؟!
شهريار : و كيف ما راويتهم ، لكن أول ما يشوفونها و يشوفوني يحسبوها مزورة !
ما كديت : شكله اليوم مب يومنا
شهريار : و ليش كل هذي التعاسة ان لقيت لكم خبر يسوى ملآيـيـــــــــــــــــــــــــــــــــــن
الكل : من صـــــــــــــــــــــدقك ؟!!!!
شهريار : يب
بو راشد : آفا عليك ، تخطط من ورانا و ما تخبرنا !
شهريار : أسرار المهنة
ما كديت : وشوو ؟!
شهريار : تذكر البيزات اللي عطتنا اياها أم سعيد قبل لا نسافر ؟
ما كديت : ايه بيزاتنا .. بلآها ؟
شهريار : و تذكر حلمك في انك تصير حلاق ؟
ما كديت : ايه اذكره وش فيه ؟
شهريار : و تذكر رغبتك في افتتاح صالون حلاقة ابوك اللي سكيته من كثر الديون
اللي عليه ؟
ما كديت : أذكر كل هذا .. و بالأخير عطيني الزبدة !
شهريار : كله صار حقيقة
الكل : كيف ؟!ّ
شهريار : وصلني عرض من سمسار هندي يعيش في بومباي و قال انه يحتاج
بيزاتنا و جوازاتنا لشغل عند وكالة ناسا ..
شكلهم اكتشفوا مخلوق فضائي
و مقابل مساعدتنا له بيعطينا صالون جاهز و عشر آلاف درهم
و توني أرسلت له البيزات و الجوازات على الفاكس
هآآ وش رايكم بعبقري الفريق ؟؟
بو راشد : صاير المحقق كونان و أنا ما أدري ؟!
ما كديت : ويت ويت .. تعطي فلوسنا و جوازاتنا لريال و من الهند ؟
شهبور : يا هــبيــبي > يا حبيبي
شهريار : ايه عطيته وش فيها ؟
بو راشد : أبشر ليلتك اليوم سوودة بدل ما تكون حلوة
ما بتسمع قصص و لا حكآيات الليلة تدري ليش ؟!
شهريار : بسم الله الرحمن الرحيم .. ليش ؟
الحينه اللي يساعدكم و يهتم بمصلحتكم تسوون فيه تشي ==" ؟
صدق انكم خونة و ما تستاهلون تكونون ربعي !
شهبور : يا هبــيبي هذا في حرآمي و انتا في يصدق يا أهبل
شهريار : و انتا كيف يعرف ؟
بو راشد : تباه ما يعرف و الأخ هندي ؟
أقسم بالله انهم كلهم من تربية وحدة
شهريار : الحينه انتوا تقولون انه ذاك السمسار قص علي
كلهم بصوت واحد : قص عليك يا غبي !!
شهريار : و الحين وش بنسوي بعد ما خسرنا بيزآتنا و جوآزاتنا ؟
ما كديت : مالنا غير نرد البلاد و الله يفرجها
و عاد بو راشد و ماكديت إلى أرض الوطن مع شهبور ..
بينما عاد شهريار إلى فارس ..
و هناك وقفوا صامتين أمام صالون بو ماكديت الفارغ ..
اخر تعديل كان بواسطة » ◈łàĎŷ Hĭşàŋà◈ في يوم » 02-03-2013 عند الساعة » 09:45
بو راشد : أبشركم يا شباب .. أنا صرت أشتغل سمسار من فترة و الحمد لله
جمعت فلوس و شريت بيت انعيش فيه ..
ما كديت : قلبي ما يعرف طعم النوم إلا يوم افتتح صالون أبوي
شهبور : و ليش ما يبيع صالون مال انتا و يحصل فلوس
ما كديت : ما ببيعه
بو راشد : و انا أشوف إنه كلام المخيس شهبور سليم
بيعه و اربح خصوصا انه ممكن تجني منه الملايين بسبب موقعه
و الدنيا اطورت يلا يا ما كديت بيعه و أنا بساعدك
ما كديت : قلت ما ببيعه
بو راشد : انزين بنشوف منو فينا الصادق يا ماكديت
باتشر المسا ، بتستوي عاصفة شديدة و مطر كثير
ما كديت : ومن وين تدري يا بعد قلبي ؟!
بو راشد : الارصاد الجوية تتنبأ بأحوال الطقس
ما كديت : وش كل هذي البدع .. ما شاء الله خرط مجمع اقعد و اتسمع !!
بو راشد : اطنز يا ماكديت اطنز لكن العبرة في النهاية !
يلا سلام ..
و مساء الغد ، نزلت امطار و صارت عاصفة شديدة لانهم كانوا في فصل الشتاء و المسكين ماكديت ما كان يدري ><" ..
و في صباح اليوم التاني ..
بو راشد : هاه .. كيف كانت الليلة معاك يا ماكديت عساها زينة ؟
ما كديت : و انتا الصادق .. العاصفة صارت و غرقت الصالون كله
بو راشد : و أنا لك عندي الخبر العجاب
بعد باتشر بتصير هزة أرضية و قوتها على مقياس ريختر تقريبا 7 درجات
ما كديت : و هذي أحلا عن اللي قبلها !
سير يا حبيبي سير اضحك على حد غيري
بو راشد : اطنز يا ماكديت اطنز .. ما عليه مب البرة في النهاية ؟
يلا سلام ..
و بعد بكرة ، كانت في عمارة بتتهدم قريبة من صالون حلآقة ماكديت فأحدثت ضجة و صوت و هوشة ==
أفزعت صديقنا المسكين ماكديت اللي خش راسه تحت الكنب من الخوف ><"
و بعدها بساعات ..
بو راشد : تشفت الزلزال الكبير اللي ضرب الفريج وش سوا ؟
تصدق انه حرمتي من كثر الخوف ولدت !
ما كديت : كانت قوية و الحمد لله اللي حفظني و الصالون من كل شر
الحين صرت مؤمن انه صالون ابوي مبارك
بو راشد في خاطره : و المصيبة صارت اتنين !
هذا البغل عرضت عليه مبلغ 5 ملايين و ما رضا
و عقبها رفعنا السعر و ما رضا
و خوفته بالعاصفة و ما رضا
و روعته بالزلزال و بعده مصر
ما بقي غير شهبور يتصرف معاه !
و في اليوم اللي بعده ..
ما كديت : الحمد لله بدا سكان الفريج يزورون صالوني
و بعد مهاراتي في الحلاقة بدت تتحسن و ما صرت أسلخ جلد حد أو أقطع لحم حد
طرق باب ..
ما كديت : يا حيا الله من يانا .. اتفضل اتفضل يا هلا و مرحبا
الفلاح : أنا متشكر جدا .. ممكن تحلق لي شعري يا افندم
ما كديت : أكيد قرب
و بعد ما خلص ماكديت .. قدم له الفلاح الحساب لكن ماكديت رفض وقال انه أجر رب العالمين أهم عنده ..
و في اليوم التالي ، لقى سلة تفاح حمراء و طازجة فعرف انها من الفلاح الطيب ، ثم سمع طرق الباب ..
ما كديت : يا حيا الله من يانا .. اتفضل اتفضل يا هلا و مرحبا
المدير البريطاني :Hi Can you cut my hair please
ماكديت – اللي ما يعرف من الانجليزي غير كلمة : yes , No , Of course -
قال : Yes
و يوم خلص ، عطاه المدير الحساب و لكن ماكديت الفصيح قال : No
فرد المدير الأجنبي و يسأله لو كان متأكد من رفضه ، فرد صديقنا و بابتسامة عريضة : Of course
فطلع المدير من المحل وسط دهشة ماكديت و حيرته
ما كديت : الحرامي طلع بلا ما يعطيني بيزاتي
و في اليوم التالي لقى على الباب صرة فيها 5 قطع ذهبية عرف انها من المدير الأجنبي ، ثم سمع طرق الباب ..
ما كديت : يا حيا الله من يانا .. اتفضل اتفضل يا هلا و مرحبا
الزبون الهندي : أنا في يريد يقص شعر مال أنا
ما كديت : أكيد و الأجر على الله ، قرب
و بعد ما خلص ماكديت ، سأله الهندي عن الحساب ، فرد عليه ماكديت : لا مشكور و الأجر على الله
دور الهندي عيونه وسط استغرابه الكبير فهذي أول مرة ما يدفع ثمن شي برضا صاحبه
المهم انه طلع ..
و جاء اليوم التالي ، و ما تعب ماكديت نفسه يشوف لو على الباب شي ، و سمع طرق الباب ..
ما كديت : يا حيا الله من يانا .. اتفضل اتفضل يا هلا و مرحبا
لكن ما لم يدخل .. فراح ماكديت و فتح الباب لتكون الصدمة التي لم يحتملها .. !
تدرون ايش شاف ؟؟!
لقى عند باب المحل طابور من الهنود يتقدمهم شهبور
كلهم يريد الحلآقة بالمجان !!
اخر تعديل كان بواسطة » ◈łàĎŷ Hĭşàŋà◈ في يوم » 01-03-2013 عند الساعة » 11:14
و بهذي الطريقة انتهت القصة
و يبقى سؤال عليكم تفكرون فيه
تتوقعون ايش بيسوي بو راشد بعد اللي صار ؟
أترك لكم حرية التفكير
و أتمنى القصة نالت إعجابكم كلكم
الصراحة تعبت و أنا أكتبها =="
كتبت 1600 حرف تقريبا
أتمنى ما يروح تعبي أدراج الرياح
و أتمنى إدارة المرح ما تنساني من التكريم الشهري
السلام عليكم ورحمة الله وبركاته
ماشاء الله ، قصة كوميديه جميله =)
بصراحة لا أعرف جميع الاحتمالات وارده ^ــ^تتوقعون ايش بيسوي بو راشد بعد اللي صار ؟
موفقه عزيزتي بالمسابقة
إلى اللقاء إن كتب لنا البقاء
فإن لم يكتب لنا البقاء فبالجنان اللقاء
بإذن الله ~
غير متواجدة
سلام عليكم ..
اخباارك اختي ..
موضوع جميل ^^
بس انا قرأت هاذي القصة في النت ..
و انتي بس حطيتي اسماء غير ^^
يرجى انتباه الادارة ^^
و ارجو ما اكون ازعجتك
لا ما نسختها ..
يوجد في النت فعلا نكتة عن الحلاقين تذكر قصة الثلاثة الذين مروا على الحلاق ..
أنا أيضا شفتها و أخذت منها فكرة و حولتها لقصة و لكني لم أنسخها مثل ما تقول ..
النكتة أساسا ما كانت تتعدى الـ 5 أسطر و أنا كتبت ما يتجاوز الـ 1600 كلمة !
فكيف تقول : انتي بس حطيتي أسماء غير ؟!
العموم شكرا ..
+ إذا أحببت الرد فرد في الملف حتى لا تمتلآ الصفحة بحوارك
رائع
موفقة
لي عودة
The Y2J
وعليكم السلآم والرحمه ..~
ماشاء الله عليك رآيقه تكتبي
قصة طريفة وجميلة
بالتوفيق ..~
السلام عليكم ورحمة الله وبركآته
كيف الحال
اووه مُبدعه بالتوفيق في المسابقة
+ احلى شئ الترتيب والفيسات
I will hold my memories in my heart ♡
ĵ ǒ ђ ň ♔
السلام عليكم ورحمه الله وبركاته
اهلا هيسانا
هههههههههههههههههههه القصة رووووعه ومحبوكه
ماشاء الله شكلها جدا معقد اتعبتك من التفكير
هالقصة مشتركه بالمسابقة سمعت عنها واجد يارب تفوزين حبو
قصتك تستحق وبجدارة تكرم وتثبت بعد
اعجبني مقطع النهاية ههههههههه خلي الكرم ينفعه
لازم يبخل شوي شوي ههههههه
يسلمو على الدعوة وتقبلي مرور ي البسيط
وعليكم السلام ورحمة الله وبركاته
الحمدلله بخير وانتِ ..؟ !
اعتذر عن تأخيري عن الرد
حقا انا اسفة .. لم يكن لدي الوقت الكافي ..
الحقيقة القصة جميلة ، >> جلست سنة وانا اقرأ
و الأخير لقيت سؤال يطرح نفسه
مسكيين بو راشد .. يبغاله ياخذ الفلوس بنفسه
دام هذا الي مو راضي يجي اسمه معي .. يقول ما يبقى الفلوس
ماشاء الله ابدعتي .. استمري
الحقيقة اثار اعجابي التنسيق ، الكلام ، الألوان ، و اكثر شي الفيسات
تقبلي مروري
والسلام عليكم ورحمة الله وبركاته
عدد زوار الموضوع الآن 1 . (0 عضو و 1 ضيف)
المفضلات