[ ليه اشكي الجرح ]

[Neku Sakuraba]

لـ قلب .. من إختار الرحيل .. وابتعد !!




الجرح والظلم .. ضيّع باقي سنيني
..................................واللي بقالي .. من فراقك .. وخليته




ليه اشكي الجرح ؟ وانت اللي يداويني
..................................قلب ٍ يحبك ( تعب ) ماجيت .. داويته




حسايف اكتبْك وانت اللي مجافيني
..................................قلبي تمسك .. بحبك .. لين هديته




صحيح احبك .. ولكن وينك و ويني
..................................أهديتك الحب .. كله بسّ .. رديته




( واليوم كان انت في .. سلوى .. وناسيني )
..................................بنساك .. ياللي .. جرح قلبي .. وحبيته !!




لاعاد تسأل .. عن اخباري ../.. عناويني
..................................قلبي تناساك .. صحّاني .. وشافيته




وش ينفع الدمع ؟ مهما .. طاح من عيني
..................................وش استفدت .. انت .. لو غاليك .. بكيته




جمالك اللي .. تحسبه .. هو .. يناديني
..................................غلطان والله .. انا كلك .. تناسيته




بهديك .. طعنه .. تشابه .. طعنتك .. فيني
..................................واحب غيرك .. مثل ما الغير .. حبيته !!

[moon20]

السلام عليكم أخوي اسمحلي على الكلام الي بقوله بس أنا بصراحة حاسة إن القصيدة محتاجه للتنظيم من أول ويديد وذالك لعدة أسباب:-

أولا:- يوم أنا قريتها حسيتها مب سلسة.
ثانيا:- الواحد يوم يقراها يشعر إنه في كلمات مب موضوعة في وضعها الصحيح يعني الواحد يحس في خلل في القصيدة.

عالعموم أخوي تسلم إيدك على الكتابة وإنت لك الحرية فيا تقبل نقضي لك أو الطنشه ما أعرف يمكن حد غيري تعجبه الأبيات ويكون له راي مخالف لرايي وانشالله ما يكون زعلت من رايي؟

وشكرا

[البجعة]

يسلمو ع الكلمات المعبرة...............