( باب الصدود)

على باب الصدود القى الصبر وحشن طويل الناب
يــــكسّر ارهف ظلـــوعي يشب الجمر بــاركاني

انا لا جيت ابعثر قصتك جـــــوى الشعر يـــنساب
نظمها باجمل حروفـــــه لجل عيــنــــك وعاداني

رسمتك فيه وهم ٍ قادني يمّـــه بـــليــــّا حساب
الين اصبح حقيقة وهم حبي تـــــاج ديــــوانـــي

غريبه كيف ترخصني وانا ارخص في غلاك ارقاب
غريبه كيف تــــهجرني ودربـــــك صار عنـــــواني

تعبــــت آزيــــد بظلــــوعي شرارة موقد الحطاب
ولا القى بــــعد هذا المرّ عيــــــن تشوف نيراني

تبي بعدي اجل وشلـــه تفـــرقني عـــن الأحباب؟؟
على شنهو ترسيــــنــــي على شطّك وتجفاني

انــا مــا قلت لعيــــونك تـــحـــط بخافقي اعجاب
ولـــوما بالشعر بــــحته صداه يــــحز شريــــــاني

ولا قلت لشفاه الشهد تطلق شهدها الجــــذّاب
ولا تطلـــق سراحي يـــــوم هرجك قيد اشجاني

رجيتــك ردّني منــــك تـــــرى قلبي بصراحه ذاب
واشوف ارحم من الهجران اعيش العمر وحداني

اجيــــك بهم هجرانــــــك وتلفي للحشا باسباب
تزيــــد الشـــوق واللهفه عــلى وصلك وتنساني

انا يـــا موجعي بالشوق لوما الشوق حالي طاب
عجــــزت اخفيـــــه يومنّــــه بحبك حيــــل هتاني

قريتك حزن خلّى القلب عن فرحة زمانـــــه تــاب
ويـــومن عـــافني فرحي جهلت اشلون تـــقراني

طمحت القاك في عيـــن الزمن حلمن يدق الباب
يشيل احزان جت منّــــه ويـــــدفنها على شاني

أبي تسعف بقايــــا جروح دونــــك مـــا لها اطباب
تــــرى قربــــك دوى جرحي وبــعدك توأم احزاني

عليك الله لا جيت بكفن لي يــــــوم لا تــــرتــــاب
لاني ما قدرت احيــــــا بـــــدونـــــك والعمر فاني

على بـــاب التلهّف لك سبتــــني رمشة الاهداب
درج بالراس شيبه ميــــر تـــــو الحب صبــيــــاني

فديتك لا تقيّـــدني بـــــلا رأفـــــه ولا تــــرحــــاب
ولا تــــغرس بقلبي شوق عنّــــه قمت تــــنهاني

رياض شباط الحنيطي
المملكة الاردنية الهاشمية
عمان _ ابو علندا