الصفحة رقم 1 من 2 12 الأخيرةالأخيرة
مشاهدة النتائج 1 الى 20 من 34
  1. #1

    أخبار الأنيمي في الرياض

    السلام عليكم

    طبعا أنا مو جديد على هذا المنتدى لكني ما أشارك كثير بسبب ظروف صعبه وحبيت أكتب موضوع جديد من نوعه وهو أخبار الأنيمي في الرياض ومحلاته وإن شاء الله الموضوع يعجبكم

    يالله نبدأ:



    أولا ظهور 3 محلات لبيع الأنيمي في الرياض ظهورا جبارا حيث أنها استطاعت سحب سوق الأنيمي من محلات جيم ماستر والمشهوره بقائمتها الكبيره واسمها Game Nation

    ثانيا أقيمت أول دوري للعبة Yo Gi Oh على مستوى الرياض أمس الأربعاء والتي شارك فيها أكثر من 20 مشترك من أنحاء الرياض وانتهت بفوز أحد اللاعبين ذو ال16 سنه وسيقام الدوري كل أربعاء وستكون هناك جوائز قيمه ولكل من أراد الإشتراك الرد على هذا الموضوع لأعطيه وصف المحل الذي سيقام فيه الدوري

    ثالثا ظهور محل جديد لبيع الأنيمي ويعتبر متعاونا مع محلات Game Nation لتوحد قائمة الأنيمي وإسمه Grand Games ويعتبر متخصصا في مسلسلات الروبوت

    رابعا انخفاض أسعار جيم ماستر بالنسبه لمسلسلات الأنيمي بعد الهجوم الذي كاد أن يسحق سمعته من منتديات الأنيمي والزبائن الذين ذهبوا محلات Game Nation و Grand Games



    إن شاء الله يكون الموضوع قد حاز على رضاكم وإن شاء الله يكون متجدد ولكل من يعرف شيئا عن الأنيمي في الرياض يضعه هنا لتعم الفائده


  2. ...

  3. #2
    ياليت أسافر الرياض واروح لها
    أو ياليت يفتح محل يكسر الدنيا
    بالمدينة ولو أني أستبعد وجود نسبة
    كبيرة من عشاق الأنمي بالمدينة frownعالعموم
    مشكورين وجزاك الله خير ,, smile

  4. #3
    لحظه اخوي ســـمــارتي بالله تقول لي وين مواقعهم وجزاك الله خير على العناء
    df048af3e605be281b96e5d4fb97c04e
    One by one my leaves fall
    Day by day my life is fading away

    70e09117a22b27ec94ac93b06c0d7680

  5. #4
    مشكووووووووووور على الخبر وودي اسال
    وين يقام دوري يوغي؟؟؟
    قوانين المنتدى
    التوقيع مخالف من ناحية الحجم
    ^^^^^^^^^^^^^^^
    هههههههههه
    يقولون إن التوقيع مخالف لقوانينهم
    biggrin biggrin biggrin

  6. #5
    مشكووووور اخوي وانا بعد مثلك اعرف الجيم ماستر ودايم اخذ منه الانيميات اللي ابغاها
    واذا اشتريت منه كثير يعطيني مجاناً ....

    والله الرياض محلاتها فله ...روعه ....



    سلام المحبchiaki

  7. #6
    مشكوووووووووووووووور بس ممكن تعطين ارقام ووصف المحلات بسرعه ومشكووووووووووووووور
    e12aa89da9

    . . يسـلمـو سمسـومـة ع التوقيـع الجنـآآن . .

  8. #7
    السلام عليكم
    مشكوووووووووووووور أخوي على الموضوع
    وانا والله كل أجازة وانا برياض
    والله مأعرف المحلات ممكن توصفلي أياهم
    وبعد أبي أعرف وين يقام دوري يوغي بأي محل
    ياليت الله يسلمك جاوب على أسلتي وأنشاء الله ناثقلت عليك



    والله صحيح آنيتا ياليت تكون المدينة فيها محلات مضبوطة
    بس فيها محل سوني مضبوط وهو جيم ماستر
    ومحل فديو بس فيه أفلام جديدة أجدد الأفلام تجي عنده وهو أسمه فريد
    attachment
    ~...No regret

  9. #8
    انا اعرف وصف جيم ماستر
    شارع التحليه بجمبه محل اسمه جنوط المروحيه ولوحة جيم ماستر سوداء مكتوب عليها
    Play Station2

  10. #9

  11. #10
    السلام عليكم
    أولا أنا آسف على التأخير وأنا راح أرد على جميع ردودكم إن شاء الله

    لحظه اخوي ســـمــارتي بالله تقول لي وين مواقعهم وجزاك الله خير على العناء
    أولا محل Grand Games في حي الورود والذي يقع فيه دوري يوغي كل اربعاء وهذا هو الوصف حقه

    تمشي مع طريق الملك عبدالله وإذا ماكدونالدز على يدك اليمين في قدامه شارع إسمه شارع الأمير أحمد بن عبدالعزيز لف معاه وامشي قدام شوي بيجيك يمين اجباري لف معاه وبعدين امشي قدام شوي بتحصل على يمينك مغاسل الرهدن المحل جنبه على طول ولوحته كبيره وبيضاء ومكتوب عليها PS3
    وهذا المحل يتميز بأن قائمة الأنيمي عنده فيها اشياء رائعه مثل بعض مسلسلات السوبر روبوت ومسلسل كونان ياباني من حلقه 1-84 ومتجدد


    ثانيا محلات Game Nation محل جدا رائع من ناحية الأنيمي وهو ثلاثة فروع وأنا أعرف اثنين بس وهذا هو الوصف
    أولا حي القدس:
    اطلع مع مخرج11 (الدائري الشرقي) وامش علطول مع اشارة المخرج
    قبل مخرج 10 (اللي يطلعك على شارع اللملك عبدالله) في محطه-أول محطه تقابلها في الطريق بعدها علطول خذ يمين على (ترا الشارع هذا بين محطتين يعني في محطه قبله وبعده أنتم أول محطه تقابلوها بعد مخرج11 لفوا معها يمين)

    بعد ما تلف يمين من المحطه راح تحصل شارع هذا هو الشارع اللي عليه المحل
    المحل راح يكون على يدك اليمين ومرسوم عليه شخصيات ننتندو اسمه جيم نيشن أو مملكة الالعاب

    العروبه:
    1-اطلع على شارع خريص
    2-امش علطول الى ما يجيك مخرج على شارع العليا على يدك اليمين المخرج هذا اتركه وامش علطول
    3- امش الى ما يجيك مخرج التخصصي اطلع عليه يمين عشان تصير على شارع التخصصي
    4-امش الى ما يجيك تقاطع العروبه مع التخصصي ممكن 5 اشارات
    5-اطلع على مخرج العروبه يمين وامش على شارع العروبه
    6-أول ما تدخل شارع العروبه احسب دقيقه وراح تحصل المحل على يدك اليمين محشور وسط المحلات الثانيه جنب استديو تصوير.
    أتمنى اني ما قصرت بالوصف...

    وين يقام دوري يوغي؟؟؟
    في محل Grand Games وهو كل اربعاء لكن الأسبوع هذا راح يكون يوم الخميس لظروف المحل الخاصه وأي واحد يبغى يشترك يروح للمحل ويسأل عن واحد إسمه فيصل

    مشكوووووووووووووووور بس ممكن تعطين ارقام ووصف المحلات بسرعه ومشكووووووووووووووور
    أنا آسف أخوي ما عندي خلفية بالنسبه للأرقام بس شف الوصف فوق

    طيب قل لى وين مكان المحلات
    أنا قلتها قبل شوي وإن شاء الله يكون الوصف سهل gooood


    وفي آخر الموضوع إن شاء الله إني أكون قد وفيت

  12. #11
    thank youuuuuuuuuuuuuuuuuuuuuuu كبر السماء اخوي Smarty

    ,ووعد لو لقيت المحل بدعيلك من كل قلبي الله يسلمك

  13. #12
    بالعكس لا شكر على واجب

    وعلى فكره تعامل المحلات مو تعامل بائع مع مشتري بالعكس كل المحلات الأربعه تعاملهم من مدمن أنيمي إلى مدمن أنيمي آخر وماراح يقصرون إن شاء الله وإذا تبون أحط أسعارهم راح أحطها إن شاء الله قريب


    وأي واحد يبي أرقامهم يراسلني على الخاص راح أعطيه أرقام المحل

    وإن شاء الله أكون أفدتكم

  14. #13
    السلام عليكم :

    هل صحيح أنه يوجد محل لبيع الأنمي القديم أمام مستشفى الشميسي

    وهل يوجد لديه أنمي قديم
    attachment

    ليدي ليدي ما أروعها.. ليدي ليدي هيا معها.. ليدي ليدي ما أروعها
    .. ليدي ليدي هيا معها.. ليدي من حسن وجمال تبقى معنا ليل نهار.
    . رحلتها سحر وخيال في أرجاء الكون الواسع.. بين سماء الدنيا تبهر..
    تبقى معنا ليل نهار.. بين قصور الدنيا ترقص وتغني كل الاطيار..
    هيا نصغي لحكايتها نبقى معها ونتابعها لنهايتها لنهايتها لنهايتها..

  15. #14
    السلام عليكم :

    هل صحيح أنه يوجد محل لبيع الأنمي القديم أمام مستشفى الشميسي

    وهل يوجد لديه أنمي قديم
    للأسف أخوي مافي فيديو يبيع الأنيمي القديم أمام مستشفى الشميسي

    وإذا كنت تقصد الأنيمي القديم الياباني فما بتحصله بالشميسي وتلقاه بالمحلات اللي قلتلك عليها
    أما الأنيمي القديم العربي فتلقاه بفيديو حزوى بالملز لكنه غالي شوي وما يبيع إلا Vhs

  16. #15
    فصولي smile
    والله صحيح آنيتا ياليت تكون المدينة فيها محلات مضبوطة
    بس فيها محل سوني مضبوط وهو جيم ماستر
    ومحل فديو بس فيه أفلام جديدة أجدد الأفلام تجي عنده وهو أسمه فريد
    ليش ايش دراك tongue لتكون من أهل المدينة << مستبعد بس المحل ذا فينه rolleyes

  17. #16
    آنيتا

    ليش ايش دراك لتكون من أهل المدينة << مستبعد بس المحل ذا فينه
    أيه من المدينة ^-^
    أي واحد جيم ماستر ولا فيديو فريد

  18. #17
    إقتباس الرسالة الأصلية كتبت بواسطة فصولي؟؟
    أيه من المدينة ^-^
    أي واحد جيم ماستر ولا فيديو فريد
    غريبة اول مرة أدري أن أحد من الجيم أو تون من أهل المدينة biggrin biggrin tongue يلا
    تشرفنا ,gooood gooood ,, بس فين فريد أنا أعرف ان جيم ماستر بسلطانة لكن فريد أول مرة أسمع عنه rolleyes \
    ترا بتسوي فيا خير لو تقول لي مكانة asian asian biggrin biggrin

  19. #18
    الجيم ماستر رووووعه كل شي عنده ..بس اسعاره مرتفعه مرررررررررره


    سلام المحبchiaki

  20. #19
    معقول جيم ماستر إلي بالمدينة
    لا لازم اروح له بس أكيد مايدخل حريم
    مالت علية لو كذا بس مو مشكلة غالي رخيص
    المهم نلقى شي حلو

  21. #20
    إقتباس الرسالة الأصلية كتبت بواسطة Anita
    معقول جيم ماستر إلي بالمدينة
    لا لازم اروح له بس أكيد مايدخل حريم
    مالت علية لو كذا بس مو مشكلة غالي رخيص
    المهم نلقى شي حلو
    موب بس في الرياض...جده بعد عندهم محلات كثييييييره لبيع الانيمي...


    سلام المحبchiaki

الصفحة رقم 1 من 2 12 الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter