السلام عليكم ورحمة الله وبركاته
زمان والله عن المطبخ
شخباركم جميعاً؟ ويش مسويين؟
في ليلة من الليالي.. بمعنى أصح البارحة
قلت أقوم وأسوي باستا الخضار اللي سويتها ديك المرة !
وكنت مخططة أسويها أفضل من قبل
عاد رحت المطبخ وطلّعت الأغراض
زيما مبيّن في الصورة
فلفل أسود مطحون
علبة قشطة (قيمر)
جبن بوك (بنحتاج منه 4 ملاعق تقريباً)
علبة معجون الطماطم( الكمية حسب الرغبة)
صحن أوصال دجاج
خضروات مشكلة
وكيس مكرونة بالشكل اللي تبغوه
كركم
ملح
نبدأ باسم الله
اسلقي المكرونة
ولا تنسي تحطي ملعقة زيت
في هذه الأثناء
اغسلي الدجاج ونقعيه في ماي ساخن
إدا حسّيتي إنه تفكك عن بعضه
قطعيه بالشكل اللي يعجبش
أني قطعته صغار، حتى يصير خفيف دم
والحين اسلقي الخضار المشكلة
وخليها لين تغلي
الحين حطّي الدجاج على النار وقلبيه لحدما يتغير لونه
رشي كركم حسب الرغبة وقلبي الدجاج شوي
الحين حطّي معجون الطماطم
قلّبيه شوي
وأضيفي الخضار
وقلبي الخليط شوي
لحدما يصير جدي ^^
صبّي كاسين ماي عالخليط
وحركي لمدة 3-5 دقايق
والحين جا دور المكرونة
تأكدي إنها صارت لينة وقابلة للأكل
وصفّيها من الماي عدل
بعدين رجعيها للقدر اللي هو الطنجرة اللي هو الصفرية
وحطي الخليط فوقه وقلبيه عدل
جبن تايم
فرغي علبة القشطة بالكامل وبما يعادلها من جبن بوك
أو إدا تحبي نكهة واحد منهم تطغى على الثاني، كيفش
قلبيه عدل لحدما يصير زي الصورة
وانتهينا
إن شاء الله تعجبكم زيما عجبت أخوتي



























اضافة رد مع اقتباس















وصفة حلوة جدًا وخاصة أن الدجاج مقطّع بالأساس 









) .




المفضلات