إنك تكوني في حياتي
أو متكونيش
قلبي خلاص اندبح
اصبح عدم
حياه مفيش
منكرش اني حلمتي بيكي
وكنت عارف اني مليش
جوه قلبك اي وجود
ومهمنيش
كنتي شيء اكبر من اي معاني
تنكتب
ومن احساس جميل
جوايا عايش
ومعاه بعيش
كل كلمه بينا حفظتها
وكتبتها
جوه قلبي سمعتها
وكنت عارف انها
متهمكيش
كنت بشوفك في السما
اميره في توب العفاف
بتشرقي كل صباح
مع شمس تطلع في ليل قمر
ينور عيون
يوم نجمها كان انطفا
واقولها مدمعيش
صوره جميله فضوء قمر
ملاك في زي بشر
ونجم سابح في الفضا
رايح لدنيا تانيه
متحبنيش
وقلت برضه كل ده ميهمنيش
محتاج لحضن يديني الحنان
اعيش بقربه واحس بأمان
ولما انام
كنت احضنه
طفل بريء محتاج حنان
واخاف يروح
ميرجعش تاني
وافقده
وازاي اعيش
بس النهارده
كانت نهاية حلم جميل
عشت معاه
وانتهي
ياريته كان يوم الوداع
مجرحش قلبي
ومجرحتنيش
samir






اضافة رد مع اقتباس


المفضلات