مشاهدة النتائج 1 الى 4 من 4
  1. #1

    عنـدما قـال الحـظ لـي ..ياشـيخ ضـف وجـهك

    :مســــــيكم بالخــــير .......


    مادري كنت باضغط على ايقونة ارسال رد .. وتلخبطت وضغطة على اضافة موضوع .. وقلت والله مارد نفسي خلني اسـدح لكم موضوع وش زينه وش حليله وش ملحه ( لا يكثر طيب )

    نطب في الموضوع طبه ارتوازيه بجلنط وعكسيه ... والي مايعرف الجلنط والعكسيه ... يطمرهاا .. مشواار افهمكم ( سوداني)

    كان عند جدي قطو مدلع الله ابوه كانه عايش في فندق خمس نجوم ... ومن زود الدلع نابت له قررون ... وصابغن جسمه وردي مع ليلــكي ( خكري ذا القطو ) .. والمشكله ان ذا القطو معه خمس لوغات مسفره جدي براى يدرس ( والله من النصب ).. وانا مسيكين يوم تخرجت من الثنويه قلت له سفرني ابي ادرس براى قال انثبر بس يالمراهق (( يعني ماحطمني )) ...تروح هناك وتخرب.. مع ذا البنات الحمران العطران ... قالت وش بناته ياجدي انا باااااادرس منيب صايع هناك ...قال تعلمني فيك انت مراهق عجزنا نمسكك في الرياض تبينا نسفرك .. على شان كل يوم جاينا اتصال من السفاره السعوده تعالو خذو ولدكم مسوي جريه ( مشكلت جدي انه يقراا افكاري )

    المهم... ذهبت الايام ومضت الساعة وأتـتي ( ساعه ماعرفت اكتبها ) .. الصيفيه (( طيب وذا جت الصيفيه على بال امكم بتصيفون في جنيف حدكم جده )) ..وفي بداية العطله الصيفيه .. جاء جدي من العمل وهو محزن ضايقن صدره .. قاله ابوي وش فيك سلامات .. قال عندي انتداب (( انتداب = يعني بيروح تبع العمل كم شهر )).. قال ابوي احسن لك تروح تغير جو وتشوف الدنيا ولك انتداب بعد يعني وشوله يضيق صدرك .. قال جدي المشكله رامــي ( هذا اسم القطو ) ماقدر اخذه هو الي مضيق صدر ..(( يعني ماطلع وجه احمر وتفجرت عروق جبهتي من القهر )) ..

    قال ابوي أهااااا وانا اقول وش فيك زعلانه .. لاكن ماعليك رح ورأمــي في ايدي امنه (( هو قال امنه ابوي ولا ماقاله واعطي جدي ابتسامه عدوانيه ))

    ..ويقوم يرجمني بالعصا الا معه .. يوم نشبت بظهري ... قلت ماعلينا انشالله انتقم من رأمــي ذا الخكري هو وجه الي كانه ركبة تكروني مايدهنهاا طول عمره ...

    المهم سافر جدي وخلاال رأمــي (( وانا طايرن من الفرحه ))... وفيه واحد من اخواني زاحف من جد .. وذاك اليوم مبسووط الان المعهد المهني قبلووه pb010 ...

    كان أخوي توه شاري نعال جديده وكل يوم يشخص بهاا المهم جاء ذاك اليوم لين اخـوي مفسخ نعاله عند الباب .. قام رامـي الخكر ويجي يتسدح عليهاا ويتقلب على بالله بياخذ راحته ذا الخكري.. يوم طلع أخـوي وشافه شوي وتجيه جلطه أخـوي كخخخخخخ.. يقوم يمسك رامـي الخكري .. مع ذنبه ويدوربه وطرطاخ في الجدار .. يؤؤؤؤه يوم شفت القطو ناشبن في الجدار وقسم بالله كانه عيد ذاك اليوم كخخخخخخخخخخخ (( الله ابو النذاله )) ..

    من بعدهاا ورامي ماعاد يقول شي عقل .. وافتكيت من شره ..pb010 ...

    والله وأجلس مع ابليسي.. خمس دقايق .. قل رامي وافتكيت من شررره .. ولا فيه احد تتحرش فيه من بعد اليوم .. مغيرر اكل ونوم .. ليش ماتشغل نفسك في ذا العطله Tpb02 .. منتب مسافر ولا شي مغير تطير حمام في سطحكم .. اشغل نفسك باي شي ..
    تعرف انت بازمه ها اليومين والدعوى كله هات هات بنزين وفواتير ..ولابيليو ..يعني الي تخاذه من ابوك ما يكفي لشي ( تلاحظون ان ابليـسي وش حليله يحب الخير )

    المهم انا قررت اني ادور لي شغل مع انه بيخرب على النوم مع ان نومي بصير زي الزفت بس اهم شي الاخلاق (( حكمة الشيون)).

    والله واطمر ونخيت صديقي بعد تسبدي .. اخبر ان عنده مطعم ..المهم انا رحت له بالمحل وخشيت بعينه وبدون مقدمات اخذت لي سيخ كباب ودرعمته مع البلعوم وما وقف الا بخط الثمان طعش (( الاثنى عشر )) وقلت له شف وانا اخوك انت تعرفني انسان مبلي بالفواتير اللي ماخذ اللي قدامي واللي دوني .

    واتعلق في خشمه وخذ ياتبويس .. قلت لك ولا لذيب.. عارف انه بيقول لذيب.. بس سبقته وقلت اكيد لك ..وهو راز خشته يبي يحتسي وعجز ......... قلت انا بصراحه نويت اتقدم واخطب يد تلفونكم حق المطعم !!!!!!!! .

    قال وش تقول قلت اللي انت توحي انا بتوظف بتوصيل الطلبات والرد على التلفونات ( طرار ويتشرط ) ...قال اسمع انت عزيز وغالي ومقدر ارد لك طلب عشانك صديقي بس بوظفك ولا شف المطعم مليان عمال بس يالله اليوم داومك يبداء من 12 بالليل وخلك ماتجي شفت ها السيخ اللي اكلت بدخله مع خشمك واطلعه مع اذانك . ...

    قلت طيب ابشر انت بس متاكد ان هذا اخر كلام عندك ماتطردني بالليل ..... قال يابن الحلال اسكت لا اهون ..قلت خلاص يالله بروح انام وبالليل ان شاء الله مستنر بالمحل .

    في تمام الساعه الحاديه عشره واربع واربعين دقيقة صوت ها الماخوذ الجرس يصحيني من النوم ....يوووووه لاحووول وش ها البلشه ياخي بدري جالس احلم ومبسوط انا والوساده تعطيني حنان واعطيها سعابيل الشرهه علي اللي اشتري ساعه على بالي دبلوماسي (مال امهاا دخل )

    تصدقون اني مادري ليش مركد الساعه .. الا يوم شفت الملف الاخضر الي فيه روج ( حق كلود ) .. معلقه في غرفتي على بالي برواز .. ذكرت اني متوظف ( الملف الاخضر ياهوو يجيب الهم والغم ) ..واقوم من السرير على الصاله ركض ....معلق السروال الاصفر شاريه من الهـرم بالمروحه لا يضيع .... والبس السروال واطق ذيك الفنيله البرتقاليه (( والله المزاج اصفر وبرتقالي )) واطلع من البيت ركضاً على الكراعين للمحل والحمد لله وصلت قبل الموعد بدقيقة ...

    وادخل المحل اهلين ابو سليم كيفك (مسوي تركي على شان مايعرف احداني سعودي ...تركي واشهب ) المهم ويبداء ينفخ علي ابن اللذين
    ولالالالالاك وين كننت يابن ............. مشفر
    قلت خلاص هذا اولها ينعاف تاليها المهم وين اجلس انت وجهك الي كانه عجوز تهرول ..
    وانا ارتز عند التلفون وتمر ساعه ماحد اتصل ...وش ها الحظ المخيس
    وبعد ما مليت وقلت خلاص ببطل (( موب وجه شغل )) اشوى ويدق واحد وانا الي اشرب سطل المويه حق التمسيح اللي نصه صابون من الدلاخه عشان اصلح صوتي ....

    الووووو السلام عليكم مطاعم تعال كل وبعدين رح المستشفى أي خدمه اخوي (( يسمع بالاتصالات )) .

    الووووو من معي الوووووو رد الله يرحم والديك والطلب على حسابي الوووووو.
    واشوى تكلم آآآآآآآآآآآآآآآآآآآآآآآآآآآي يازول انا داير بنشر ابو عصمان ممكن تنده لابو عصمان لو تكرمت يازول ............. قلت زول تزل رجله فوق بطنك ويطلع تسبدك قل آمين يالله فااارق (خربها )


    واجلس ربع ساعه واطفش بشكل غير طبيعي واللي غثني ان ها الاتراك يناظروني وانواع الضحك ولا ادري وش يقولون وكل ما ضحكو اتبسم على بالي فاهم وانا ادري انهم انواع الحش .

    المهم وتمر الساعه كانها شهر من الاحباط وانا بس ادعي على ها الفواتير الله لايبارك فيه خلصت دراهمي وتبي تخلص على روحي .

    قلت أي واحد يبي يتصل بجلس اسولف معه لين الفجر المهم اضيع وقت .....وبعد كم برهه من الدقايق..ويرن التلفون ....... ترن ترن ترن .... مسوي ثقيل قلت اكيد غلطان بس برد ...

    الووووووووو السلام عليكم مطاعم تعال كل وبعدين رح المستشفى أي خدمه ......
    ومادريت الا وذاك الصوت اللي طالع من الاعماق الووووو صباح الخير .........وانا تطلع عيوني ..!!! قلت خل اتأكد الوووووو من معي .
    رد الصوت القادم من الشرق : الوووووو يسعد صباحك اخوي
    ..قلت مالي خوات يسهرون لين الساعه 1 كل اهل بيتنا ينامون بعد صلاة المغرب ويصحون لصلاة العشاء وانواع الدعس للفجر (( ناوي يقص قصة حياته لها ))
    قالت ايه ياحلو كمل !!
    قلت من قال لك اني حلو بس يالله نمشيها شكلك تبغين سلف
    ميخالف اسدد عنك وش بغيتي من طلبات عندنا عصير ضبان خلاط وعصير من دموع الحيتان توه واصل جديد يستاهل بؤك وعندنا كوسه محشيه بالقرع والفول السوداني هذي بس عندنا
    يالله وش بغيتي لاتعطلينا ورانا تلفونات والعالم يحترون الخط اخلصي
    قالت اوكي انا ابغى حليب بالبطاطس بدون شطه نص استواء ( يالعن ام الطلب ) ...
    قلت طيب غيره وش عندك ماتبغين شي بارد حار جاف ممطر( وش عنده ولد كراني ) أي شي ..
    قالت لا سلامتك بس تعال ماقلت لي اهلك بعد مايصحون الفجر يرجعون ينامون ولا لا ....
    قلت اسمعي يابنت الناس انا امي تقول لايلعبن عليك البنات يالمملوح وانا بصراح اخاف على نفسي بصراحه وانتي شكلك لعابه ياوحشه ياشريره حرام عليك مالك اخوان تخافين عليهم ...واجلس اعيط واعيط قلت والله ان ماسكرتي السماعه ترا بتصل على الشرطه ....
    قالت اسمع انت وخشمك (( وش دراها ان خشمي كبير !!!)) ..الشرهه علي اللي متصله على مطعمكم البايخ هذا وانسى الطلب بس نصيحه لاعمرك تشتغل بمحلات اكبر منك يافالح .
    قلت ابشرك انا مابعت عمري خلاص من الحين بمسك ها التركي وبحلق شنبه حسبي الله عليه باخذ حقي من الضحك اللي ضحكه علي ولا عادها الله من شغله فيها تحرشات زي كذا ...الحين نهج منكم بالاسواق تلحقونا بالمطاعم
    وما صحيت الا بالمستشفى بالعناية المزكرشه جاني انهيار كهربائي حاد .


    ومن بعدهاا عرفة ان ابليــسي مافيه امل يقول شي فيه خير
    السؤال اللي يسدح نفسه ليش يسوون فينا كذا مو حرام عجزنا ندور رزقنا ؟؟

    <== وش ذا السؤال يالخبل

















    منقولة.......................................



    تحياتي

    smoker smoker smoker


  2. ...

  3. #2
    افااااااااااااااااااااااااااااااااااااااااااا ااا


    وين ردودكم ترى بازعل اذا مارديتوا













    تحياتي

  4. #3
    شوف اخوي ميرندا الصراحه

    أنا قريت بس مافهمت شي


    بس الله يعطيك العافيه


    بانتظار جديدك

    والى الأمام دائما

    مع خالص حبي واحترامي

    تحياتي لك^ـ^
    smile

  5. #4
    هههههه

    صحيح ان القصه مخربطه وماينفهم منها الا شوي الا ان الشوي هذي ضحكتني

    حلووووووووووووه

    ومشكووووووور على الموضوع

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter