مدارس الثانويه في اليابان
بسم الله الرحمن الرحيم
اليوم وانا اتصفح المنتديات عجبني هذا الموضوع فحبيت احطه لكم وراح اتكلم و اشرح عن النظام الدراسي بالياباني من مختلف النواحي
و طبعا راح يفتح نقاشات و اسئله
ان شاء الله تستفيدون منها و الاهم ان نستمتع فيها +^o^+
للأسف ما راح اقدر اشرح عن كل المراحل الدراسيه لكن اخترت اهم مرحله و هي المرحله الثانيويه الي يطلقون
عليها اسم kotogakko الي تبدء من الصف العاشر الي الثاني عشر
لا تتوقعون ان الانتساب الي مدرسه معينه في المرحله الثانويه شيء سهل بالعكس فقراره هذا مثل قرار دخول الجامعه .
يعني يضطر الطالب ان يمتحن امتحانات معينه و عن طريق النسبه الي يحصلها هي الي تأهله الي ثانويه معينه .
~+الزي المدرسي +~
يختلف زي المدارس من مدرسه لأخرى ...و الطلاب اذا شافو شخص غريب يقدرون يعرفون من اي مدرسه هو منتسب لها من خلال زيه .
و من اشهر زي مدرسي و معروف من قبل محبين الانمي هو زي " البحاره " او "Sailor Fuku"
تم حذف الصورة لانها غير مناسبه للنشر ... ( مراقب التون )
و بالنسبة للصبيان اشهر زي هو زي gakuran
* الدوام الرسمي *
يبدء الدوام الرسمي الساعه 8:30 صباحا و ينتهي 3:00 مساء مقسمه ل 6 حصص . تبدء الدراسه في شهر ابريل و تنتهي في مارس للسنه المقبله و يقسم العام الدراسي الي
3 مواسم :
الموسم الاول من ابريل - اغسطس
الموسم الثاني من سبتمبر - ديسمبر
الموسم الثالث من يناير - مارس
الاجازات و العطل الرسميه
اجازه الصيف ( سته اسابيع )
اجازة الشتاء عند حلول ليله رأس السنه
اجازة الربيع
بالاضافه الي العطل الرسميه لليابان .
يبدء الاسبوع الدراسي من يوم الاثنين الي الجمعه و ايضا سبتين من كل شهر ×__× ;;
* المواصلات *
اغلب الطلاب يختارون يا انهم يمشون او عن طريق الدراجات الهوائيه او الوسيله المعروفه هي الباصات . نادرا اذا شفت احد يروح بسياره بعض المدارس اصلا تمنع انك اتيي بسياره +_+
* الحصص الاضافيه *
تعرف ب yobiko و هذه حصص تقويه اظافيه تقدر تستمر لاكثر من سنه يأخذها اغلب الطلاب قبل التحاقهم بالجامعه
داخل المدرسه *
اول ما يوصل الطالب الي المدرسه لازم يغير حذاءه الي حذاء مخصص فقط للمدرسه ( UWABAKI )
* القوانين و اللوائح *
القوانين صارمه في النظام المدرسي الياباني ....كمثال يمنع ان الشخص يصبغ شعره او يحط مكياج او حتى يسوي شعره wavy +_+
حصص الرياضه *
من المواد المهمه عند اليابانين هي التربيه البدينه و لهم زي خاص يسمونه TAISOUGI
* الغداء *
مع ان في المدارس الثانويه عندهم كافتريا لكن اغلب الطلاب اييبون معاهم غداهم الخاص الي يطلقون عليه ( BENTOU ) يعني
علبه الغداء ووقت الاستراحه عندهم 45 دقيقه و طبعا يمنع ان الشخص يأكل غداه في وقت الحصص .
* النشاطات المدرسيه *
كل طالب لازم ان يشترك في نشاط معين و طبعا يؤخذ بشكل جدي ...يعني لو قرر ان يدش نادي التنس تلقاه يتدربون بعد المدرسه بصوره مستمره
* مهرجان الثقافه المدرسي *
يعتبر من اهم الاحداث الي ينطرها كل الطلاب و هذا اليوم الي عاده ما يكون في يوم عطلة نهايه الاسبوع تشارك كل المدرسه بنجاح هذا اليوم الي يمكن تستمر مده الاستعداد حقه لاكثر من شهرين.
هذه نبذه مختصره عن الحياة الثانويه باليابان و اكيد في اشياء ثانيه ان شاء الله راح اتكلم عنها بالمستقبل و اتمنى ان عجبكم الموضوع البسيط و ان شاء الله تستفيدون منه +^-^+
اضافة رد مع اقتباس
Click here to Shake my Pokeball!
ــــــا شاء الله عليهم 00
000
<<< لانه يتكلم عن بلادي الثانية اليابان امووت فيها لووول
المفضلات