بيضة ديناصور في صحرائنا! خبر جديد.. (التفاصيل بالداخل)

**الضفدع كامل** · 07-10-2005, 22:56

بيضة ديناصور في صحرائنا! خبر جديد.. (التفاصيل بالداخل)
القصة:
كنت في يوم من الأيام اتمشى في شوارع الرياض .. ومريت على مطعم بخاري وأكلت رز بخاري جاب لي الهم!!
وربي أغتثيييييت منجد!!
المهم قلت اطلع برى البلد يا شيخ .. منجد الرياض بلد عمل وزهق بالحيل!
ورحة للثمامة << الجود من الموجود!
طبعاً كان معي الرانجلر حقي.. وكانت ماشي 110 عشان ما يزعجني صوت العداد اذا مشيت بسرعة 120!
وبدون تنده أكيد .. والسيستم اللي ركبته معرووووف..
والله ما زدة عليكم يا جماعة الربع أن الرمل يتراقص ويشكشك من قوة الصوت!
نسيت اقول انه الوقت كان ببداية طلوع السفر!
وانا اللي بقدرة قادر .. لقيت نفسي جوى البر!
وانا اللي افتح اذاني زين .. ولاني مشغل إغنية:
مسافر .. والرمل يرقصون biggrin

المهم قلت ايه والله نطعس شوي كود الرجه اللي ترجني وتخليني مثل البيجر اهز هز من هالسيستم والمطامر من التطعيس يفكنا من غثة الرز البخاري tongue

المهم يوم شوي ولاني على كفرين .. وأشهق! أخو العياااااااال!
واجود الطاره .. والله اني اطالع الطريق بطرفة عيني!
يمين يسار .. ولاني مهجد الموتر تهجيد .. وطرقاع عالرمل وثب!
واطلع واقف من المرتبه .. واقول باعلي صوتي:
وجججججججججججع
وشذذا تصدز!
ذا مهوب رمل! هذا شين عجيب وغريب .. رفسني رفسه خلتني على كفرين الله مير يكفينا الشر!
وامشي يمه واحفر والاقي شين تسنه قطعة رخام!
قلة هااااااه وشاللي جابهم منا حقين الرخام! ماحولك قصووووووورٍ أبد!
واحفر ولانها منحنية هالقطعه!
تخيلتها بوابة القصر eek

وشوي .. ولاني راجع على ورى ومذعور من اللي شفته واكتشفته!!!
تخيلو!! بيضة ديناصور!!
وربي اللي نزل سمى ورفع أرض .. فتحة بوفيه بجنب البخاري يصلح أحلى شكشوكة بالرياض tongue

النهاية
بقلم بندروفي

**أنين السكون** · 07-10-2005, 23:42

الله يقلعك يا شيخ!!!!

أنا بجيك المحل وبترك فيه قنبلة تعبيرا عن حبي للشكشوكة اللي بتعملها!!

هاهاها

مشكور على موضوعك الحلو.... وتحياتي لك:
أنين السكون

**الضفدع كامل** · 08-10-2005, 01:01

الله يقلعك يا شيخ!!!!

أنا بجيك المحل وبترك فيه قنبلة تعبيرا عن حبي للشكشوكة اللي بتعملها!!

تسوين خير والله .. نحطها بالبخاري اللي جنبي .. يعنبو .. ماكل السوق منجد ههههه

biggrin

انتي الأحلى

**أنين السكون** · 08-10-2005, 16:46

شوف النذالة!!!

يتقطع عليه رزقه ليش يابو شكشوكة؟؟؟؟

أتاري..........!

طباخ بيض ونذل كمان؟؟؟؟

هاهاهاهاها

**عاشقه الدجتال** · 08-10-2005, 17:04

هههههههههههههههههههههه

خوش سالفه

تسلم اخوي

**الضفدع كامل** · 09-10-2005, 01:22

أتاري..........!

طباخ بيض ونذل كمان؟؟؟؟

وكمان وكمان .. هههه
وكمان وكمنجه!
وكمان طمووووووح بشكل!
cool

خوش سالفه

خوش رد << ايراني!
والله فكره اسوي مطعم ايراني ههههه

**Angel Sanctuary** · 09-10-2005, 21:09

يعني ما لقيت البيضة والله خسارة

انا نفسي اعرف ليش الدنياصورات موجودة في الخارج وتو اكتشاف عظامها وعندنا لا

وتسلمو

**الضفدع كامل** · 09-10-2005, 22:17

انا نفسي اعرف ليش الدنياصورات موجودة في الخارج وتو اكتشاف عظامها وعندنا لا

انا اقولك ليش..
احنا عندنا بترول وتم أكتشافه بالخارج!
هههههههههه
مين شاف الديناصور صاحب البيضة؟
ترا موجود عند أسواق العزيزية (التخصصي) خلي هرفي على يمينك وامشي بعدين وقف.. وطالع يمين ويسار اذا فيه ديناصورات أو لا!؟
ههههههه

**street of fire** · 10-10-2005, 12:14

هههههههههههههههههه

انا فكرتك تتكلم من جد

ههههههههههههههههه

مشكور اخوي

**الضفدع كامل** · 10-10-2005, 15:38

انا فكرتك تتكلم من جد

ازااااااااااااااي !!!!!!
وربي فيه ديناصور!!!!
محد شافه ؟؟؟؟
معقوله ههههه

**Angel Sanctuary** · 10-10-2005, 20:09

اها اها
طيب يالحبيب شوفلنا اقارب الدنياصورفي جدة
ياخي الرياض مشوار
مانبي نتعب الزوووم

**الضفدع كامل** · 11-10-2005, 01:52

اها اها
طيب يالحبيب شوفلنا اقارب الدنياصورفي جدة
ياخي الرياض مشوار
مانبي نتعب الزوووم

هههههههههههههههههه
هيا قوم أندور ندرت ديناصورات الحجاز كولها!
شوف يا ابويا .,. وربي اني من الحجاز اصلاً .. وحجازي كوح ^^
احب الحجاز وأموت فيها .. واحسن شي فيها الكعبه!
بلا دينصورات بلا هم!! وبعدين تعاااااااااال
ادينا الكونيش حقكم .. وخذو الرياض والثمامه كلبوها!

**Angel Sanctuary** · 11-10-2005, 20:50

حجازي ولا نجدي كولهم عينين في الراس
والله انا عني احب الرياض موووت رغم اني حجازي بس من المدينة وترعرعت في الطائف وبدرس الجامعة بجدة
وان شاء الله اجي اكمل دراستي عندكم في الرياض
وعاد لا اوصيك الفطور والغدى والعشا عليك (من شيم العرب)
بس من غير شكشوكة
وتسلموا

**الضفدع كامل** · 11-10-2005, 23:29

الرسالة الأصلية كتبت بواسطة black art

حجازي ولا نجدي كولهم عينين في الراس
والله انا عني احب الرياض موووت رغم اني حجازي بس من المدينة وترعرعت في الطائف وبدرس الجامعة بجدة
وان شاء الله اجي اكمل دراستي عندكم في الرياض
وعاد لا اوصيك الفطور والغدى والعشا عليك (من شيم العرب)
بس من غير شكشوكة
وتسلموا

الله مير يسلمك ويعافيك ..
انت بس زورنا بالكتفتيريا قصدي الكفتيريا وعلي لأعشيك شكشوكه ديانا-صورية زي الألف ^^
حياك وشرفتنا أخوي "الفن الأسود"
بندروفي

**Karas** · 14-10-2005, 04:22

يا ســـــــــــــــلاااااااام

ديناصــــــــــــــووورو ..... مره وحده
>>>>>......قـــويييييه.......<<<<<< .. *_*..

أقول ما دورت عدل يمكن تلقى... [[ بوكيمون ]]
اذا لقيت طرشلنا ...." O.k "