السلام عليكم هاذا المرثيه قريتها بأحد المنتديات
وقد قام احد الاعضاء بالقائها بصوته
اترككم مع القصيده
على حطة يدك شاعر يخوض الشعر ما يهابه
على حطة يدك عاشق خجول يخونه التعبير
مثل منتي خبرتيني على حطة يدك مابه
مشاعر تستحق منك غياب الشوق والتقدير
انا عن نفسي مسامح ظلام البعد واسبابه
ولا فكرت من رحتي أدور للهجر تبرير
بلاي اللي اذا غبتي يصيح يقول يا بابا
يا بابا وينها ماما !! عسى المانع يا بابا خير!
يقول ويحترق قلبي غيابك غيب العابه
وانا والدمع فعيوني كسير ولا هنا تفسير !
اقول انك تلحفتي بثوب ابيض من ثيابه ؟
اقول ان القضى جالك وهو عاده طفل وصغير؟
افسر شي لو قلته احس الروح مرتابه !
يمين الله لو يحصل يموت المعنى بالتصوير
ابوك اليوم يا بابا ركز بالحزن مخلابه
غزاه الشيب من بدري من الهوجاس والتفكير
ابوك اليوم لو تقرا قصايد ضمت كتابه
تشوف ان الألم صاير كتايب تعتزي وتغير
فطر قلبي غياب امك وشرع للبكى بابه
وصار الضحك في صدري مثل سرٍ في قاع البير
وعلى حطة يد العتمه اقول الشعر والهى به
وابين للي يقراني ترى الدنيا بعدها بخير !!
المفضلات