يا كيف تسلى وغيرك يذرف دموع ؟ !
وأنت اختياره وهذه أكبر مصيبة
عناده الطاغي ذاب وأنبت ورود
وتغيرت في حياته أمور كثيرة
سماك خله وأهداك قلب ما يخون
وبنى لفجرك الأماني بعفة وطيبة
يا كم ضحى بالغالي وأبخس الكون
لجمع آيات صدق لأرهف حبيبه
شرى السعادة بالسهر والكي والجرح
آنف بطبعه ما يمد إلا الثمينة
جند حواسه بين أرهف كفوف مزيون
هام بضحكته وأبصر حياة عجيبة
آآآه من لذة الحب ومتعته يا فتون
غدى خلك يناجي ونفسه عليلة
وآآآآه لو تدري عن لوعه خفوق
يصرخ بصمت وينادي حبيبه
وسموه يرتقي لأعذب وأجمل فنون
يرسم وهمه يمزق وريده
ثمن حروفه وفضل الصمت على البوح
عن ناقص الذات داجي السريرة
ما عادت الضاد رمز لطهر الروح
وهذه ضريبة تدفعها النفوس العفيفة
فأدمن الآهات والجرح والنوح
لا يرى ولا يسمع إلا دمه وحسيسة
غارق في همه بالصمت مستور
لا حبيبه توفي ولا حتى خويه
كم عذب وحير بقناعته ملوك وجيوش
يموت في الطيب والذات الجليلة
ودايم وأبداً يصد عن مجلس الزور
فيه الصخب ي زئر على أمور حقيرة
مافي شيء يستاهل الشرح والقول
لمن مشى على دروب الفطرة السليمة
فعند أهل الكرم طبع محمود
يتعلمها الصغير قبل يرضع حليبه
وعند ناس يبحث عن شيء محسوس
وكلاٍ يعبر عن بعض كيده
قالوا ساحر كذاب زير مجنون
وهذا عن الزلة دواته شريفة
يعيش ويموت بنفس عزيزة وشموخ
لاهي ينقب عن جمالاً يروي وريده
يتقهوى بصمت منطرب برونق الكون
هادئ الأعصاب وغيره ينكوي بغيضة
تتسابق خطاويه لما يشرح الصدور
لكل إلي يضيف ويغير ب أجابية
كيف تسلى الخلائق على النفاق والجور
وتتسابق وتتفانى لأفعال الدنيئة ؟ !
وحنا أفضل أمة وجدت على الكون
نجمع الفتافيت عقب الانجازات العظيمة !!
الله يبيد ظلام عليلي الصدور
إلي غدوا يسمعون وعيونهم ضريرة !
أرجع للكتابين وأفهم القصد يا سعود
ولا تكون حرباء أو حية وأمشي سيدة
الحكي ببلاش والحق واضح بلا زُور
يميزه أهل الطيب والشيم الحكيمة
مهما جحدنا وجعجعنا بالحروف
له بنفوسنا بلا شك ألف هيبة
الدنيا تناقض والصدق كبش مظلوم
كيف بالكذب تحيا حياة كريمة ! ؟
الله يداوي من كان عبد الظنون
والله يهني من يرتشف العطور الزكية
ويا لبى حبك يا غالية وأنا منه مأجور
والله أعلم بمكنون السريرة
والله يصبر من هوى واجتاز الحدود
والله يسامح من ظلمه باالهجر خليله .
مجرد حروف متناثرة
بقلم : شـــمـــوخ قـــلـــم




اضافة رد مع اقتباس
المفضلات