السلام عليكم و رحمة الله و بركاته
هاذي أول مشاركة مني وأنا ماحب اشارك بس يمكن لأني محتاره و أريد الجواب الشـــــــــــافي
هاذي الأيام صرت أحلم أحلام تخوف اللي أتذكرهم اثنين بس اما الباقي مب واضحين او ما اتذكر عنهم شي
الحلم الأول :
كنت في مكان مغلق انا وخواتي و بنات عمي و كانت هناك معلمه او مرشده معانا و فجأة رن جرس انذار ينبه ان حد دخل بطريقه سرية او باختلاس يعني (حراااااااااااميه) و بدينا نخاف بعدين المرشده طالعتني بنظرات و قالتلي كيف تخلين الباب مفتوح؟ و بدا الكل يطالعني و انا ماعرف شو أقول لأني مب انا اللي فتحته و قعدت أقولهم صدقوني مب انا بعدين ركضو كلهم داخل غرفه من غرف (المبنى او البيت) على اساس يتخبون و طبعا انا دخلت معاهم بس الغريب في الموضوع انهم دخلو الغرفه و لا سكروها و انا مستغربه؟؟ سألتهم ليش ما تسكرون الباب؟ محد رد علي..... كلهم يطالعون الباب كأنهم ينتظرون الحراميه يدخلون عليهم .......... الكل كان خايف و كانت كل وحده ماسكه شي في ايدها مستعدين اذا حد دخل بس أنا ما كنت!!!!!!!!!!!!!!!!! تتصورون الاحساس اللي كنت احس فيه في الحلم؟؟ كنت متشنجه من الخوف مب بس خايفه......... كأني كنت حاسه اني..........
كنا نسمع اصوات ريولهم و هم يركضون للغرفه اللي كنا فيها...... فجأة.... اندفعت بسكر الباب من الخوف بس كان الوقت متأخر .... صادفتهم داخلين من الباب و أول واحد فيهم كان ماسك مسدس و مصوبه لراسي ........ ياللي قاعدين تقرون الحين تتخيلون شعور الواحد يوم يحس انه بيموت في لحظه؟؟؟ حسيت في كل لحظة من انطلقت الرصاصة لــــــــــــــــــــــــــــين دخلت راسي!!!! والــــــــــــــلــــــــــــه وعزته و جلالته اني حسيت بألم فضيع في راسي و سودت الدنيا في عيني ..... بعدين قمت من الحلم و استمر الألم بعد ماقمت بثواني......
مـــاريدكم تشخصون التفاصيل بــــس أريد أعرف شو تفسير ها الحلم الغريب اللي في حياتي ماحلمت مثله؟؟
اذا بتقولون اني شفت فلم قبل مانام اقولكم لاااا انا حلمته في فتره كنت مشغوله فيها و ماشوف تلفزيون....
بليييييز اللي يعرف في تفسير الاحلام يرد علي و يطمني
تعبت من الكتابه بكتب الحلم الثاني في مشاركه ثانية ان شاء الله.....




اضافة رد مع اقتباس
في أنك تقري آية الكرسي 
المفضلات