مشاهدة النتائج 1 الى 10 من 10
  1. #1

    يوم في حياتي.. اول مرة ركبت فيها بوسكليت بدون مراقبة !!

    هذيك اليوم قبل مليون ستين سنة( مني جاي من عصر الديناصورات هههه ).. يعني قبل تعالوا نقول 15 سنة... ما كان

    عندي بوسكليت.. فكونيت ما اصدق اشوف حدا من الجيران او القرايب معه بوسكليت خليني اطلب منه لفة زغيرة ( عاد

    مني بعرف اسوق بس استنو شوي).. كونيت اقوله لصاحب البوسكليت مش مهم مين هو .. كونيت اقوله.. اعطيني لفة

    زغيرة... بعرف اسوق ولو.. كان يقول لي لع.. هسا غسلته( عاد غاسل فراري الي بسمع).. غسلته ولا ما غسلته بدي لفة

    ( لفة = فتلة = جولة مش لفة شوارما)... وبالاخر بعد ساعة الى ربع من المحاولات.. بسمع كلمة خذلك لفة بس دير بالك


    عليه.. طبعا محسوبكم... كان يقول لعععععع ولاو شو دير بالي كنك مش عارفني بعدك.. انا بسوق كل يوم بوسكليت

    ابن خالة جار ست عمي ( عاد بعيدة هاي.. تراني ما سوقيت الا بوسكليت لما كان عمري سنتين اعتقد كان ربحة من

    التروبيت)... المهم قال لي خذ هالبوسكليت , وطبعا اخذته وانا مكيف.... وهيلا هوب بدي اطلع اقعد على الكرسي..

    وهيلااااا هوب واول وقعة.. البوسكليت عالي.. صاحب البوسكليت صار يصرخ انزل انزل كسرتلي البوسكليت.. قولتله لع

    لع تفهمنيش غلط هاي اجري بتوجعني شوي عشان هيك مش عارف اطلع.. المهم وقعة عوقعة وتكسرنا.. وبتعرفه لازم

    الاقي الحل.. شو العمل؟؟ فكرت فكرت.. امممممم لقيتها... لقيت الحل بدون ما ابعث الرسالة لزاوية مشاكل وقلوب حائرة

    ( وبصراحة انا اكتشفت اني ذكي ازيد من اللزوم عشان هيك اشتريت بوسكليت)... البوسكليت الي اشتريته اسمه

    كان "بطة" ( اسم مشهور في عالم البايسيكل)... جهزته مليح... ركبتله دعاسات جداد وصار يلمع لاني كونيت اغسله ك

    ل يوم... وهذيك اليوم وانا طاير ببوسكليتي وهذيك تجي سيارة مسرعة , وانا بديلهااااااااا عان عان عان جنبولي افتحه

    الطريق( فش تامين لانها الشركة مسكرة كخخخ ههه).. وشو عاد مكيف... وتجيك هالسيارة مسرعة وكان تدهسني

    وتشحط بريك اوووووووهههههههههههئ .. بصراحة قلبي بطل يدق ( مش عالخشب) بطل يدق عالدرمز ( بمزح يا جماعة

    شو منتو بتعرفوني) قلبي بطل يدق من الخوف وعيوني طلعووووو لبرا زي الصور متحركة... وهوب راح توازني

    ووقعت... بصراحة صح ما صارلي اشي وقوميت انظف بحالي زي الولاد الشاطرين.. بس بدكم الصراحة موتيت خوف

    .. نشفت زي الغسيل.. قام سالني السواق.. صارلك اشي؟؟ قولتلو لع ما صارلي , ركبت بوسكليتي وبديت من جديد عان

    عان عاااااااان بيب بيب طوط طوط.. بتعرفه متهوس للزامور... ووصلت الدار.. وما وصلت الدار الا الاشاعة واصلة العيلة

    بالليلة.. وعاد انا شعري مهنفش وشكلي زي مفتاح السردين وبتعرفه شكلي بوحي لواحد ساكن بجورة غبرة..


    وبالعربي سالوني مالاك هيك زي الي شايف شبح .. قولتلهم لا ولا اشي... بس لو شوي اندهست... صارو يحرجو فيي

    ويسالوني اندهست ولا لو شوي اندهست... قولتلهم.. لعع الله ستر ما اندهست.. وطبعا ماي بوسكليت في خطر.. يعني

    بالعربي بدهم يوخذوه مني... وهون صارت المشكلة الكبيرة... كيف يوخذوه مني وانا ما اتهنيت فيه؟؟؟ بسيطة..

    .
    بشتري بداله واحد جديد بعد شهر.. لانه بصراحة كان العيد قريب... وثاني يوم بعد النص دهسة شوفيت عمي وهو حامل


    البوسكليت بايده وماخذه يرميه... بصراحة وهو حامله شعرت انه زي الي ماخذه يدفنه صوريت بدي اعيط من الزعل..


    صوريت امشي وراه... وقام شافني صار يقولي ارجع ارجع.. قولتله وين ماخذه , قالي بعنكش ارجع عالدار.. سكتت

    شوي... وصوريت امشي وراه شوي شوي واراقب فيه... واخر اشي اخذه ورماه بقلب كوم شوك بمنطقة الدار... اتخبيت

    لحتى راح.. وقفزتلكم زي سوبرمان بالشوك وانا طاير من الفرحة يشش يشش يوهوووووو وانقذته البوسكليت من ايدين

    الاشرار... بوسته بوسة زغيرة وركبت من جديد عليه... بعد ساعة مرقت من جنب الدار.. هناك كانو قاعدين القرايب لما

    شافوني بسرعة صارو ينادو علي... تعاااااال تعاااال وانا طبعا ما رديت على حدا... وبعدها بخمس دقايق مرقت عنهم

    وصوريت ازمر طوطو طوط .. صارو يضحكو... فاستغليت الفرصة وقلتلهم.. الحقوني ... الحقوني.. يلا مين بدو يلحق( اووه

    كاين متحمس).. هومي بصراحة شافو قديش بحب البوسكليت... فخلص استسلمولي.. بس بدكم الصراحة انا مجنون ( راسي

    ناشف) وانا اقولهم الحقوني الحقوني كانت فيه سيارة واقفة... قوميت صدمت فيها... وهوب 1 -2-3 عمي مسكني...

    سحبني بايده اليمين وبالايد الشمال حمل البوسكليت.. وصار يبحلق فيي ويقول... انسى من يوم وطالع البوسكليت...

    مرقت الايام... وكبرت ( بس ظل جوا قلبي طفل زغير مش قابل يكبر) وكل ما اشوف ولد على بوسكليت بتذكر حالي.. يلا

    قولي وراي يا حلالي ويا مالي..



    صار لازم امشي.. وبعد هالرمشة مش رح اكون هون.. ايها المواطنون..



    تشاو بعلبة كاكاو..
    اخر تعديل كان بواسطة » فارس الرومنسية في يوم » 28-09-2005 عند الساعة » 14:48


  2. ...

  3. #2
    ههههههههههه
    والله انك خفيف دم

    كتير حلوة قصتك
    انتظر جديدك
    attachment

  4. #3
    وانا بصراحة صرت من متابعين قصصك من بعد قصة نانسي عجرم

    بيني وبينك كاصدقاء من شو قاعد بتهرب؟
    واذا عامل حالك مش فاهم السؤال بوضحلك وبحكيلك
    شو ساجن ورى ضحكتك؟
    واذا ما فيها غلبة شو برجك؟
    لانه محسوبتك بتحب تحلل الشخصيات الغامضة
    ملاحظة:انا من فلسطين الحبيبة بس عايشة برة

  5. #4
    ههههههههههههههه

    والله قصتك حلووووة
    انتظر جديدك
    attachment

  6. #5
    مشكــــــــــــــــــــــووور على القصه ..... gooood

    صراحه قصتك تضحـــــــــــــــــــــــــــك ...... biggrin tongue

    وننتظر جديــــــــدك ..... gooood

  7. #6
    شو ساجن ورى ضحكتك؟
    سر
    واذا ما فيها غلبة شو برجك؟
    العقرب
    لانه محسوبتك بتحب تحلل الشخصيات الغامضة
    وااااو
    ملاحظة:انا من فلسطين الحبيبة بس عايشة برة
    [/quote]
    اهلا وسهلا

  8. #7

  9. #8
    برج العقرب تخصصي من سنين وشخصيته إلها وقع خاص علي

    بس اكيد مو كل اللي من هالبرج نفس بعض
    لانه كل واحد اله بصمة خاصة بتميزه عن غيره
    يعني نظراته...... بسمته.....احرفه اللي بنثرها فوق السطور......واكيد اللي بخبيه بين السطور
    هاد كله بساعد على صياغة مفتاح لشخصيتك

    مجرد اعترافك بانه في اشي مخبيه هاد بسعدني وبزيد ثقتي اني بقدر اقرا ما بين السطور
    وكلمتك وااااو مقبولة مبدئيا مع انها مليانة سخرية وثقة كبيرة بنفسك بس مو مشكلة انت ما بتعرفني لسه وهاي ردة فعل طبيعية من برج العقرب
    وبدون ما تعصب انا مش بس بقرا ما بين الاسطر انا كمان بشعر بالاحرف وبحس بشعور الكاتب لما كتبها بشرط تكون طالعة من القلب مش واجب ومفروضة
    انا وباقي القرّاء بانتظار كتاباتك........................................... .................................................. ...........

  10. #9
    شكرا على القصو كتيييييييير حلوة





    attachment
    اهداء من صديقتي لولوكاتي

    attachment

    0.68701178365766

  11. #10
    هههههههههههههه
    شكرا يا خفيف الدم
    كثير حلوة القصه

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter