مشاهدة النتائج 1 الى 10 من 10
  1. #1

    كويس ( اذا كان قلبي قوي تفضل )

    بسم الله الرحمن الرحيم

    هذي سالفة جدا رائعة:

    هذا فيه واحد على نياته مرررره تزوج وحده على نياتها برضو وبعد سنه جاهم ولد , وللاسف ماسموه باي اسم وبعد شهر توفي الوالد فتكفلت الوالدة بتربية ابنها حتى وصل عمره 6 سنين وبغى يروح المدرسة .

    راح الولد بيسجل بالمدرسة قالوا له : وش اسمك . قال : ما ادري . فقاموا بكرشه من الدرسة . راح بيتهم قافلة معه : انا مالي اسم ليه. قالت امه ( على نياتها ) : خذ عشرين ريال حديد ( ايام الفقر ) واشتر لك اسم وانا امك.

    راح الولد للسوق وفر لين اذن مالقى اي محل يبيع اسماء . وسأل شايب ( لعين ) : يا عم فيه محل يبيع اسماء
    الشايب : اكيد انا . كم معك ؟ الولد : 20 ريال الشايب : جبها . سميتك كويس .

    راح الولد فرحان للبيت . وسوى بروفه هو وامه . وقف ورا الباب ونادته امه : يا كويس . وطل من ورا الباب ( الاسم يشتغل صح) .

    ومن بكره راح يسجل بالمدرسه . وابتدا مسلسل الطنزه هذا يقول له: كويس والا خربان والثاني : يقول له: كويس والا مفهوم.
    الزبدة الولد حقد على الشايب وبدا يفكر بالانتقام . واول ما خلص الثانوية اخذ عندهم حمار ( الله يعزكم ) وحط في مؤخرته ثلاث ريالات حديد وراح للسوق وبدا يحرج : الحق على الزين يا ولد حمار يضرط قروش . واول ما لمح الشايب
    نغز الحمار اللي ما كذب خبر وضرط فطار الريال الاول وبعدها بشوي نغزه فطار الريال الثاني
    قال الشايب: تبيعه كويس : بخمسين الف
    الشايب: تم بس خلني اجربه فنغز الشايب وبالفعل ضرط الحمار وطار آخر ريال .
    وقبل ما يمشي الشايب قال له كويس : بس الحمار لا زم تنومه على سرير وتأكله تمر سكري وتشغل له سبلت.

    راح الشايب وما كذب خبر سحب فراشه هو والعجوز وحطه على الارض ونوم الحمار على السرير وشغل له المكيف
    وفي الصبح قام الشايب وبدا ينغز الحمار وفي كل مره تكون الريحة اقوى لين نغزه نغزه قوية فمات الحمار وعلى طول طاح الشايب .
    وقعدوا يعالجونه ثلاث شهور ويودونه للشيخ ويكوونه.

    وبعد ما تعافى راح الظهريه لبيت كويس يبي يذبحه . طلع له كويس وهو لابس سروال سنه وفنيله علاقي : خير وش فيك
    الشايب: ابي اذبحك لعبت علي كويس : اقلط بس وعين من الله خير.

    جلسوا بالحوش جنب الماسورة النازله من السطح . راح كويس وكلم امه ثمن جاء ومعه دله وابريق فاضيه
    انهبل الشايب : وش فيك ؟ كويس : اصبر. والله ويمسك كويس الدله ويطق الماسورة ويصارخ : قهوة قهوة
    امه بالسطح : على طول تصب القهوة بعد شوي يصارخ : شاهي شاهي
    وامه على طول تصبه. جينا للغداء ويجيب كويس الصحون فاضيه ونفس الشي يطق الماسورة : رزز - قرصان -الخ

    الشايب: تبيع الماسورة؟ كويس: بمية الف. الشايب: تم . جابوا سباك وفك الماسورة ونقلها لبيت الشايب
    ومن ثاني يوم ويعزم الشايب جماعته . ويوم جاء وقت العشاء قلط الصحون فاضيه
    الخلق: اش المجنون هذا يقلط الصحون فاضيه
    ويمسك الشايب الصحون ويطق الماسورة : رز رز ما فيه شي . قرصان - قرصان ما فيه شي
    اندومي - اندومي ما فيه شي والله ويطيح الشايب ويغمى عليه ويعالجونه لمدة 6 شهور عند الشيخ والصمعاني.




    توجد تكملة ( الجزء الثاني ) للاسف لاني تعبت وانا اكتب .

    رجاء خاص اذا اعجبتكم خلوني اكملها . اذا لا فريحوني وعلموني. شكرا[/size]


  2. ...

  3. #2

  4. #3

  5. #4
    احب اوجه عناية الاخوة المشاهدين ( مسوي مباراة ) ان الجزء الثاني موجود تحت عنوان:
    لعيون الاخ Die كويس الجزء الثاني
    مع اطيب الامنيات

  6. #5
    السلام عليكم أخ صيدلي
    هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههه

    ويش هذا الله يقطع شرك موتني من الضحك

    هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه

    مستنين الجزء الثاني

    مشكور جدا جدا جدا

    >>>تحياتي<<<
    كل عام وســعوديتي بخير وسلام

  7. #6
    اود اني اشكر الاخ Yu-Gi-Oh
    واحب ارجع واقول ان الجزء الثاني موجود تحت عنوان:

    لعيون الاخ Die (كويس الجزء الثاني)

  8. #7

  9. #8

  10. #9

  11. #10

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter