اهلين fbs
ماشاالله شايف النشاط نازل عليك اليومين دي
بالنسبة للموضوع... انا حاتكلم بكل صراحة بدون مجاملات
فيه نقطتين حاب اوضحلك هم بغض النظر عن الموضوع كله:
اول شي, صح انه الافلام الاباحية و غيرها خطا و ماحد يقدر ينكر دا الشي
بس ياخي مالها داعي توصف الناس بالحيوانات! ترى حتى لو انسان
غلبته شهوته مرة, مو معناها انه خلاص صار انسان فاسد!
لما احد يقولك "احنا في عصر تكثر فيه الفتن" غالبا هي مجرد تصريفة او حجة
يستخدمها عشان يبرر خطاه, انا معاك فدا الشي
بس ياخي برضو الكلام من ناحية صحيح, في عصرنا دحين الصور و الافلام الاباحية
صارت منتشرة بشكل فظيع فكل مكان, لدرجة اخوانك الصغار تخاف تخليهم يتصفحو فالنت!
فيه واحد اعرفه ما كان يقرب الاشياء دي, بس مرة بالغلط حمل فلم, انمي كمان!
و طلع اباحي, و طبعا الفضول غلبه و فتح الفلم و اتفرج!
كمان فعصرنا دحين الشباب صارو يتزوجو متاخر, و سمعت انه بعض المحرمات تصير مباحة
اذا كانت بغرض منع الشاب من الزنا, انا ما بادافع عن احد بس باقولك كمان لا تفكر فالناس
انهم خلاص صارو فاسدين و طاحو من عينك عشان خطا ارتكبوه!
الشي التاني اللي حاب اوضحلك هو, انه ياخي هادي خصوصيات, مالك اي حق تسال الناس
عنها! انا بس ابغى اعرف, انت ايش علاقتك بيهم اذا كانو يتفرجو افلام ابحية ولا لا؟!
ايش همك فالموضوع؟! ياخي ربنا ستر الناس, مالها داعي تحاول تكشف عنهم الستر!
خلاص, دام انك الحمدلله ما بتقرب الاشياء دي, انت سويت اللي عليك
بس على اي اساس تقعد تسال الناس عن خصوصياتهم؟!
اذا كنت تبغى تخطب اوكي من حقك تسال, بس اصحابك و غيرهم من الناس اللي
حولك, ما يحقلك تسالهم!
غير انك ياخي حتتعب نفسك عالفاضي, والله ماحتستفيد شي!
غير كده لاحظت شي غريب من القصة الثالثة! قريبك دا اللي اكتشف انه زوجته
تتفرج افلام اباحية, هو اللي حكاك القصة دي؟! ولا احد فضحه و حكاك عنه؟!
اذا كان هو اللي حكاك, ترى مع كل احترامي, عيب عليه يحكي عن مواضيع زي دي!
هادي خصوصياته هو و زوجته! اسرار بيته المفروض ما تطلع بره! و اعذرني, المفروض انك
انت كمان ما تتكلم عنها قدام الناس! ياخي من ستر مسلما ستره الله يوم القيامة!
المغزى من ردي كله, انه ياخي الموضوع اللي تتكلم عنه هو خصوصيات للناس
و شي بينهم و بين ربهم, و حتى لو كنت داعيه, مالك حق تسال او تتكلم عن
خصوصيات الناس, غير انك انت حتتعب نفسك لو تبغى تحاول تعرف كل شي
عن اللي حولك
الشي الاخير اللي حبيت اوضحلك هو, انه غلط تحكم على بناتنا و تقول انه ماعاد
فيه عفيفات في زمننا! اول شي انت الظاهر سالت الفئة الاسوا! حتى لو كانو 70
ترى مجرد انهم بنات يرضو يكلموك, هادي لحالها تعطيك احتمال 50% انهم من دي
الفئة! ايش كنت تتوقع منهم؟! بعدين الحمدلله بناتنا احسن و اعفف بنات فالعالم
لا تتكلم عنهم بدا الاسلوب بسبب احصائية سخيفة زي دي! ترى ياخي دام انك
انت انسان عفيف, ربنا باذن الله ما يزوجك الا بنت عفيفة, امور زي دي مالها
الا تتوكل على الله و تؤمن بيه, اما الاحصائيات اللي قاعد تسويها ماحتجيبلك غير
الوسوسة
في النهاية, ابغى اعتذرلك لو قلت اي كلمة ضايقتك, اذا ضايقك شي كلمني
احنا اخوان و تعرف اني ما اقصد الا الخير و سامحني اذا طولت في الرد
و اتمنى يكون كلامي وصلك, و مشكور على الموضوع
و جزاك الله خير
المفضلات