شبابنا المصونين..سوالف يومية ..من تعديل أنعم عربجية
بــسم الله الرحمن الرحيم
السلامووو عليكمووو
كيف حالكووو..؟
شخباااااررركو..؟
كيف احوالكووو الجويتو والارضيتو<<من زود الدفارة رايحة اخذ لغة
تصدقون انتم الوحيدين اللي مؤشركم دايم فوق يعني كل يوم حبكم يزيد وماتوقع بيوقف عند رقم معين ..
المهمووو
اليوم جايبة لكم موضوع بيوسع صدرونا شوي مع بعض من لماستي الخاصة ((تعديل)).....
هاذي بعض سوااالف شبابنا المصونين اليومية .....
طبعا انا بتكلم بصيغة اليوم النفرات لاني عجزانة اطلع اسماء ..
نفراااات<<<مو اقولكم اخذت لغة
~~~~~~~~~~~~~
عشاق الكورة((هذة الفئة محبوبة لدى الجميع))
كـان ودي ادخل الارسنال ضمن السالفة بــس والله مشوااار
نفر (1) :: يا خووك احلى شي عاد لين الهلال تصدر الدوري
نفر (2) :: ايه والله .. شفت قول آيتوو عاد شق المرمى شق فديته هالريال
نفر (3) :: رححححححح ياشيخ .. بييكم الشبح المدريدي بيشوت هالعيال
نفر (1) :: روح روح .. مدريدك هذا الحمدلله فازو على الدرجه الثانيه
وتقوم الضرابة والتكفيخ .. وتلقى واحد منهم مسدوح عـ الارض
والثاني معلق على الباب ((الله الله تخيلو معي شاعرية هذ المنظر))
المغازلجـيـه: ((هذة فئة مكروهه من الجميع والله عليهم دلاخة مو طبيعية))
نفر (1) :: اااخ يا الحبيب شفتهاا .. هذي الي قاعدة ورى السواق
نفر (2) :: تقصد هذي ام العباة فيها ستين فراشه ؟!
نفر (1) :: لااا يا حظي العوج .. اللي عباتها الخفاش ..
نفر (2) :: ايه هذي يابووك بس يقولون ماتعطي وجة
نفر (1) :: ما عليك منها .. بتطيح بتطيح ..
عاد الاخو ايجيب تاريخ اهلها واجدادها على اساس ان انا اعارفها ترى !
الحش والتتطنز ( راعيين المطنزه ) ((اوووه عاد هذولي يبيلهم سالفة لحالها))
نفر (1) :: شوف شوف .. هذي ام عباة كتف صدقني بطيح
نفر (2) :: شدراك انها بطيح ؟! الا اذا عينك حارة:
نفر (1) :: يا العله بتشوف الحين
" البنت بتنزل من الباص "
نفر (1) :: ياحلووووو عبااتك
طـــــــخ طـــرااااخ ( طيحه على الوجه )
نفر (1) & (2) :: هههههههههه
وتقعد تسب فيهم وتلعن وهم للحين يضحكون عليها
عشاق الكتب ( ما يشيل راسه من الكتاب ساعه يلا كل واحد يبعد من هالفئة الظاهر من يوم ماطلع على وجه الارض والكتاب مايفارقة)
نفر (1) ( قاعد يراجع اخر درس من الماده )
نفر (2) :: وين وصلت ؟!
نفر (1) :: رقم 6 بس مب فاهمها .. تشرحها لي ؟!
نفر (2) :: اوكي ..
ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين ايجيهم السواق ويقولهم يلاااا فكوني بروح بيتنا
شباب على غير العاده " هاذيله في حالهم" ((زين اذا يدرون وين ربي حاطهم))
نفر (1) :: هلا شلونك ؟!
نفر (2) :: بخير الله يسلمك شلونك انت ؟!
نفر (1) :: الحمدلله بخير يعافيك
انتهت المحادثه .. واحد يطالع من الدريشه والثاني سرحان والا راقد
عشاق الورق و الاونو((هذولي حبايب قلبي))
نفر (1) :: العـــــب وخلصنا وخل راسك مرفوع .. تبرع لي بــورقتين عشان نربح
نفر (2) :: وعشان اتجيك الاكـلـه العدلـه ( يلعبون كوت )
نفر (1) :: يا أحووول .. بنشوف ترى الجوكـر جايك جايك
نفر (3) :: العب العب حبيبي يقولك جوكر ما عليك منه زين
والصراخ ينسمع للسواق .. ولا كنه احد يمهم .. ويجوز احيانا ان الكل ينزل الا هم يبقون بالباص طبعا من عقب الشباب حقيين الدراسـه والكتب
عشاق الاغانـي والطقطقه ((هذولي بــس ودك تجلس جنبهم وتضحك ))..فلــة &رجــة..
نفر (1) :: يا مونيتي يا سناااا خاطــــررري وانا احبك يا سلام
نفر (2) :: ياهووو .. هلا هلا روووح ررروح
نفر (1) :: ليه الجفااا .. ليه تهجرنــي وانااااا وانا وانا احبك ..
نفر (3) & (4) :: احببببك .. احبببببك يا سلاااااام حبيبي انتـه روووح
مساكين والله.. تلقاهمـ يفكرون يغنون في عرس .. ويوم فكروا و راحو شاتوهم باالجزم (الله يكرمكم)؟
فئة الموضـه ((هاذي لااحد يتكلم عنها ولا يقول شئ لانهم ستايل وماعمرهم مامشوا مع الستايل ))
نفر (1) :: شفت وائل كفوري شمسوي والله عجيييب شعره مالي الا اروح الريتز يسوونه لي صاير مو شي ( ياييييي يحليلك اسم الله عليك )
نفر (2) :: لالا ما عجبني احلى شي قصة عمرو دياب بس ناقصه صبغه اشقر على صوب والله يطلع كووول
هذولي صدق صدق ينرحمون و مساكين بعد .. اخرة هالقصات بيسوون تسريحة المطربة ((صباح)) !
فئة البناتـيـه ((مين يساعدني بتكفيخهم ))لانهم من جد صارو مجرد ذكــر
نفر (1) دايس على رجلي الثاني عن غير قصد
نفر (2) :: آآآي يعوورني
نفر (1) :: اوه سوري عورتك وايد ؟!
نفر (2) :: لا لا خلاص حبيبي
نفر (1) :: لا صج عورتك ؟ اسف يا قلبي ما كان قصدي اجرح مشاعرك <( اه ه ه ياليت تنقرض عندنا هالفئة )
وتقول شوي ومن زود الرقة بيقعد يبكي وخوية
يقالة انه بساندة وهو يزيد الطين بلــة
~~~~~~~~~~~~~~~
لا اكيد عجبكم صح اشوفكم وانتم تبتسمون للشاشة ((كل هذا عشانك مستخدم معجون))
مروركم نور موضوعي بــس الردود تنور اكثـر
أختكم:
أنعم عربجية
اضافة رد مع اقتباس
حطتك عضوو شرف عندهم في النا دي وانا عاد مصدق ومبسووط
<<اي صح نسيت انك محشش اهم شئ انت والتحشيش واحد
المفضلات