بسم الله الرحمن الرحيم
السلام عليكم
شخباركم ان شاء الله مرتاحين ؟
المهم اخليكم مع الخاطرة
وقفت عند قاع جرف المنيه انتظر سمعت القاع ينادي يا فلان اقترب
مالك في الدنيا رجا وقفت اصبر عسى اسمع من وراي صوتك ينادي يا فلان
انا في دنياك لا تنتحر
لقيت الدمع يسيل على الخدين من نار الهجران وضيق البعاد
والصوت راح من صرخت ظلم الأقدار مابقى غير جسد بدون روح
والعقل مشدوه والعين محمره والقلب مكسور بس سمعت النفس تسأل شو الي حصل
وعيت على سؤال النفس واسترجعت شريط الذكريات ذكريات وصلتني قرب منحدر
اللارجعان منحدر الموت والكتمان قلت يا نفس تذكرين الخلان والاحباب والاصحاب
قالت:آه وكيف انسى من سلبني الحياة
قلت اولهم (S)
كانت حب صادق أهديتها حنان وعطف ولا بخلت فيوم وكانت تبادلني بهالاحساس
بس للاسف ما كانت شريكت الحياة الله يخلي رفض الاهل والاصحاب
سنه من تبادل الاحساس يضيع برفض طير النوم من الاجفان
الثانيه (M)
يت بعد حب ضايع قلت يمكن هذي إلي بتداوي الجراح ولكن طلعت ثعبان
مدته اسبوع غير جلده وراح راح بلدغه على جرح حاول يلتأم بعد ضياع الاحباب
الثالثه (X)
كانت تتعمد الخصام تبي تتسلى بغيرتي جرحت قلبي وشعوري وما حسبت حبي الكبير
الرابعه (X)
كان الاهتمام باين في عيونها وملتني بحنان ولفتني بعطف ماله مثيل ولكن خذت كلمات عقلها
على كلمات قلبها واختارت الرحيل خافت من الايام ما درت انه ممكن يستوي المستحيل
الخامسه (S)
حسيت بحب يتدفق من الاعماق ووده يلمني ولا يتركني هذي كانت معاني كلماتها ولكن
كلمات افعالها كانت لا مباليه يوم كنت ابي اشك الهموم ما الاقيها تواسيني ويوم ابي تشاركني الافراح
ما الاقيها يمي تفرح شسوي في حبيب يقول احبك قول بدون فعل ؟ لا تلوميني يوم سرت لغيرج
السادسه (H)
حست بالحنان والاهتمام سلمت قلبها لي بكل امان حفظته بين ضلوعي نصحته ولا قصرت في يوم
ولكن في مره حس بمعاني الكلمات ؟ مشت على هواها ولا اهتمت بالكلام يوم طاحت في مصيبتها
ذرفت الدمع وقالت ياليت سمعت الكلام شو الفايده بعد ما صار الي صار ؟ وهي بنفسها قالت
كيف بعد الي صارمازال الاهتمام ما درت ان قلبي مهما انجرح بيضل منبع حنان
السابعه (H)
يت بعد معاناتي كانت أصغرهم وأرقهم حنانها نبع من صغر سنها تشبه الملاك الصغير بكلماتها بضحكتها
بهمستها بس جرحها كان في شكها شكت بقلب لمها وخلت الغير يحاول ياخذ قلبي منها غلطت وكانت الغلطة القاضية
هدمت الي بيني وبينها
الثامنه والتاسعه (L)(A)
صديقات تشاركنا مع بعض الضحكات والافراح شفت فيهن العزة والكبرياء شفت عطاء بدون ثمن
شفت قلوب مرهفه مفعمه بالحياة منها قلوبجديدة ومنها فيها جراح
الثامنه (A)
قالت انا مابي أتعلق اكثر وانسى الي صار لبيت وما جبرت وتغيرة طريقة الكلام
قالت انت متغير بعد ما قلبها حظن قلب ثاني تبي تعرف شو الي صار تبي تعرف الاسباب
تسال ليش التغير ما حيدك جافي ماحيد أنك تبيع الحياة وغد ريال وارجع ترى مابي تطيح من عيني اكثر
دام اني طحت من العين وصرت ولا شي خلاص شو فايدة السؤال ؟
التاسعه (L)
عاشرتها اقل عن صاحبتها بس هي كانت البداية هي بنت الي بيني وبينها بدون قصد من اهتماماها ساندتني يوم ما لقيت احد
اهتميت لها ولصاحبتها لكن ما ادري اذا كان الي بينا متبادل بس الي اعرفه انه غيري قال احبج واظن صوبهم الاهتمام
والحين انا مخاوي الجفا مع الخلان
العاشرة (H)
كانت اعجبهم لمتني اهدتني حنان عطف صدق أمان كانت بمثابت حلم للانسان كانت الصراحه تطلع من بين كلماتها
وفعمرها ما كذبت ولاجرحتني ولكن قبل لا اعرفها غيري اسرها بس انا اشهد انا خذيت الي ما خذوه احبابها
ولكن بيضلون احبابها وانا مجرد انسان عبر في حياتها
خلاص انتها الحب والعشق كلهم جراح أبي اعرف ليش بعضهم يقولون أحبك وهم هب قد الكلام ؟
وليش أحصل اهتمام من قلوب مأسورة ؟ أساله بدون جواب تهز الحيل وتكسر الخاطر
بعد كل هذا يا نفس وما تبيني اوصل لجرف المنيه هذيل جزء من الاحباب وهذا غير ظلم الاخوة والخلان يا قاع
صدقت مالي في الدنيا رجا ليش اتعب القلب وخلي الجرح يكبر وعقب اندم يا جرح سامحني انت ابتلتي بي بدال ما اداويك
ازيدك بلا رحمة هذي الدنيا شفت منها هموم اكثر من الافراح
الجرح قال صحيح كانوا اهموم بس والله ادري انه ودك قلب يسمع قصتك وياخذ بايدك ويمسح
جروحك ودمعتك ويحن عليك هذا انت دنيتي وياك عذاب ولكن انا وانت في الهم واحد مهما زادت علي تراني جرحك
واذا هان عالقلوب تلعب او تهجر او تحب بدون معاني وتزيد من عمقي ترا مثل ما انا اتالم انت تتالم
ضحكت والدمعة في العين ضحكت من الضيق الي مايواسيه غير جرح مبتلي بس ابي اعرف
شو الي بدر مني راحوا ولاكأني كنت لهم حبيب في يوم ؟للي هجروني بدون اسباب
وابي ااعرف ليش لاموني على تغيري وهم الاسباب ؟
والي متواصلين ابي اعرف انا الحينه شو بالنسبه لهم ؟
ما اظن بعرف الجواب هذا انا وهذا القاع وما في قلب وصل يسحبنيقبل لا اوصل القاع
والسموحه طولت عليكم
المفضلات