هلا..
اشحالكم ربكم الا بخير وسهالة
شو مسوين عاد انا مسوية سواتي
يياينكم اليوم بفكرة فنتكة مشتركين فيها احنا الاثنين
صبية روعة + راعية الخقة
علينا سوالف اخ بس انتوا اقروها واحكموا
بس على فكرة ها اهون شي بنحط اكثر اذا شفنا تفاعلكم ويانا اتفقنا..
السالفة الاولى :
الله يسلمكم استوت وياي ويا راعية الخقة
في حصة الكيميا والابلة وحليلها مندمجة في الشرح
( هيه ما قلتلكم يومها خقاقة كانت ييابة موبايلها )
نرجع للموضوع الاخت فتحت الموبايل بس خلته على السايلنت وفجأة رن الموبايل رقم غريب رن واحنا نقعنا من الضحك >>>> تعرفون حركات البنات
واحنا نضحك يت الابلة وعاقبتنا بس مو على الموبايل على الضحك ههههههههه
وعشان الابلة تعاقبنا قعدتني جدام وخلتها ياسة اخر وحدة هي مستانسة تلعب بالموبايل كانت تبا ترد على الرقم وتسمعه صوت شرح الابلة بس ما قدرت قولوا ليش هعهع
زخوها ههههههههههههههههههههههه
السالفة الثانية:
بس ها المرة ويا خقاقة بروحها هع
طبعا ربيعتي واااااااااايد شاطرة فتخاف على درجة ولا درجتين فما بالكم اذا صارت ثلاث درجاااات هع
الاخت يابت في امتحان الفيزياء 17 من 20 يعني ناقصة 3 درجات شوي وبتصيح لانها ما شافت السؤال
اقولكم ذلت الابلة ذل على ها 3 درجات اسبوع كامل وهي ورا الابلة داشة طالعة ( من
الحمام ، من الصف ، من السستر ، من غرفة المدرسات ، من غرفة الوكيلة ) اخ وراها
وراها ابلة حبيبتي ، فديتج امووووووووووت فيج اعرف انج طيبة حطيتيلي عشرين
والله ما اقول الله يعين الابلة اكيد لعنت ابو ها الاسبوع لعن وآخر شي الابلة ملت وحطتلها
عشرين قالت يمكن تفكني بس طلع تحليل الابلة غلط الا زادت الطين بلة الحين بس
تشوف رقعة ويها من بعد عشر متر >>>> بل شكبر مدرستكم
تقولها فديتج انا والله ما ارف ليش احبج انت وايد طيبة ما اطيب عنج >>> اعلمكم كيف تغازلون الابلوات هعهعههع
اقولكم مو جنها مصلحجية ههههههههه
السالفة الثالثة: ( احنا الثلاثة ) >>>>>الفرسان الثلاثة هع
الاخت عشوقة ( هاي الثالثة في الشلة) خاطرها في فرقة معلاية
الابلة تطلع من هني والثلاثي يبدا من هني
عشوقة : تدق
خقاقة: تغني >>> صوتها عفانا الله اوي سوري قصدي عذاااااب
وانا: امرحل>>>> بس ما اعرف كيف هع
زين ما شافونا بعدهم جااااااااان سولنا فصل شهر هههههههههه
اقولكم تعبت من الكتابة بكمل بعدين بس ابا اشوف ردودكم الى تبرد الخاطر
تحياتنا :
صبية روعة..... sallam
خقاقة ( راعية الخقة )....... سلامي لكم
,, و لا تنسوا زيارة 
اضافة رد مع اقتباس
!!
..
..
..
والا أرسبك ..
..
..
..
المفضلات