بالنسبة لي أنا
أحيانا كنت اتذمر من الدراسة والمدرسه ..
بس ماحسيت بمعناها ولا حسيت بالربع الا الحين وقت الاجازة
اممم خل اقولكم سالفه ابلتنا الانجليزي
بداية السنة كنا ماندانيهـا لنها كانت تاخذنا 3 او 4 حصص في اليوم كل يوم كل يوم
وكذا مرة خذتنا حصة وحده لنها كانت مشاركة في الاسياد فداوم لين 9 ونص بس
وحتى يابت طاولتها في الغرفة الي جنب صفنا عشان .. يعني لو بنطلع ولا شي لازم نمر من جدام باب الغرفة
يعني من كثر مالاعت جبدنا منها
قررنا نسوي حركـة
نتفق ان نقص على الابله ونقولها في صرصور تحت الطاولة ومانبي نقعد في الصف <<بنات +صرصور =
خططنا وجهزنا ..وعطينا كل وحده دورهـا ..
انا دوري كان افتتح المسرحية
وبعد يومين ..
قالت بتاخذنا ثلاث حصص !
قلنا لها مايصير
قالت بدرسكم حصتين والحصة الثالثه بخليكم تسولفون ((طبعا طل والف طل ولا مرة سوت اللي قالته ))
ففي الحصة الثالثه قلنا لها خلاص ملينا من كثر ماتعيدين القاعده وملينا من كثر مانكتب
قالت عيل بطلو الهوم ورك بنرجع نكتبه مرة ثانيه
انزين حالينه احنا وهي مصححة شتبي بعد
قلنا عيل مافي الا ننفذ خطة الصرصور
عاد اقولكم ..البنات يقوولون لي ..يلا مسمو يلا ..
وهي تشرح ..
انا ادز الطاولة ..واقول ..في شي يتحرك ربعي يقولون :شنو ؟
في شي يتحرك .. مادري شنو ..
رفيجتي دزت طاولتها والمجموعه كلها دزو الطاولات .. وقعدنا نسوي دوشة وآخر شي صرخنا كلنا ..
صرصوووووووووووووووووووووووووووور
وعاد ولم قلنا صرصور نص بنات الصف اطلعو برع ..خصوصا البنات اللي ماكانو يدرون بالخطة
واللي تسوي نفسها بيغمى عليهـا واللي شوي وتزوع .. واللي فيها حساسية .. <<كله تمثيل
هه واللي بتموت من الضحك
عاد الابله قالت ..
فينو الكوكوراش فينو <<صج مدرسة انجليزي ..خوفي بس تتشهد بالانجليزي ><
الابله خلت بنت تنادي العاملة مالت التنظيف
والعاملة مشتطة سحبت طاولات الصف كله ودور الصرصور
واحنا كلنا بننفجر من الضحك ..فلم الابله شافتنا جي اعرفت ان احنا نلعب عليهـا
فصرخت مرة وحدة ..: كل وحدة تترزع مكانها ..
ههههه
لا واحنا الانذال
نقولها ابله لا.. نخاف من الصراصير مابنقعد
بعدين يت بنت من صف ثاني وقالت وطو اصواتكم المديرة في الصف اللي جنبكم
عاد احنا اهني .. خفنا وقعدنا
بس ترى مع الايام تعودنا على هالابله ..يعني تقريبا الفصل الثاني ..
صرنا مانهتم لو خذتنا عشرين حصة ..صج ان نتملل
بس يعني تخيلو انا اشرب ميرندا وقاعده اجاوب عالسؤال .. عادي ماتقول شي ..
ومرة كنا ناكل كيندر سبرايز ونلعب في الالعاب وهي تشرح ..
ومرة قاعدين ناكل من كنتاكي
واذا وحده تبي تطلع ..تبطل الباب وتروح ..ماتقول شي
واذا كنا نبي نتصل اي مكان تعطينا جوالها ..
ولا تقول شي
يحليلهـا والله مافي مثلها هالابله ..
يعني اللي كنا نسويه فيهـا كلش مب شوي ..
لكن هي عمرها ماسوت لنا مشاكل او اشتكت علينـا ودايما ادافع عنا ..وتعصب لو حد غلط علينـا
يعني اتذكر مرة ابله العربي حبستنا في الفرصة دشت وهاوشتها ..
وهاي اللي عندي
اصلا في سوالف واايد .. كنت اكتبهم اول بأول في القسم الدراسي..بس راح القسم
وبعد في موضوع ثاني في الالعاب والمسابقات
اياام
وشكرا عالموضوع
المفضلات