السلام
كيف رمضان معكم ؟ اتمنى يكون كويس
بقالي زمان ما بدأت مواضيع وحاسس بغرابة بس يللا طز
قبل اي شئ ... فكرة الموضوع من صديقتي كاتي هي اللي اوحتلي بالفكرة .. شكرا لها
لاحظت في الاونة الاخيرة المواضيع الهجومية (اللي على حق) يعني على الشباب وخداعهم للبنات والضحك على عقولهم
مالقيت مواضيع اللوم على البنات بالكمية الملقاة على الشباب
في كل المرة البنت ضحية ومغلوب على امرها ... مع ان الوضع معكوس تماما
ما انكر ابدا ان الشباب متلاعبين....لكن متلاعبين على من ؟
1- على اللي حابة تسوي علاقات تافهة زيها
2- اللي توافق على اعطاء نمرتها للشباب وفي الاخر تقول : ماكنت اتوقع انه يفضحني
3- اللي عايشة احلام يقظة مالها داعي وبكل غباء بتتصرف في حياتها
4- اللي تتجاوب مع اللي يعاكسوها وتسوي نفسها سندريلا متمخطرة > الله يستر بس من شكلها اللي يقرف
5- اللي تترقص في مشيتها وهي تمشي وتلبس مالذ وطاب من الحاجات اللي تبين جسمها > ياريت حتى جسمها حلو ... مش متناسق اصلا
وفي الاخر يا ويل اللي يعاكسها ولا اللي يتحرش فيها .. اذا كنتي انتي حرة في قلة ادبك ... الشباب كمان احرار في قلة ادبهم لا تضايقي
المهم ... ملحوظة مهمة اخدت بالي منها ويمكن اخدت بالي منها متأخر
الواحدة مثلا تحط ميكب وتلبس مدري ايه و(تمثل) انها متضايقة من المعاكسة ... لما حد بقى ما يعاكسها تلاقوا على وجهها كل علامات الضيق
وتقول في سرها : هو انا مش حلوة ولا ما ضبطت الميكب صح ولا ايه الغلط فيا ؟ ماحد قاللي كلمة اليوم على كل المهرجانات اللي عاملاها دي
لا ويجيلها شعور بالاحباط كمان ههه
مواقف البنات اللي اعفن من الاولاد :
البنات ؟ وما ادراك مالبنات ... ان كيدهن عظيم .. وزي مالشباب مداخل للوصول الى الهدف ... هم كمان لهم مداخل
بس مش اي مداخل ... دي مداخلهم ما شاء الله متخططة وما تخيب ابدا ودايما تصيب الهدف > على عكس الولد .. يا تصيب يا تخيب
1- البنت اللي تعمل حالها متدينة (الست خضرا زي مايقولوا هنا في مصر)
مع احترامي لكل المتدينات .. لكن هتكلم عن فئة المتلاعبات فيهم (لان طبعا المتدينات الصح مش هبل عشان يضحوا بدينهم من اجل سخافات)
بلاش نقول متدينات .... نقول : اللي يمثلوا الدين
تلاقيلك البنت بقى عايشة دور رابعة العدوية ... وتقول ما اكلم اولاد والتراهات دي
لكن تلف وتدور حول ولد متدين في مسمى : اخوة في الاسلام
ما تتكلم الا بأسم الدين وكل كلامها مدعم بالايات القرآنية وكله تمام والسبحة طبعا شغالة في ايد .. والمصحف مفتوح في الايد التانية
طبعا الخير والتقوى مقطعة بعضها .... طبعا الولد متدين بقى يشوف واحدة نورانية جاية له ... يرفض ليه ؟ تحت عنوان : المؤمنون والمؤمنات
تطور الاخوة الروحانية الى صداقة وبعدين علاقة وبعدين انفصال كالعادة > لان العلاقة مبنية على اساس خطأ من الاول.
ــــــــــــــــــــــــــــــــ
2- البنت اللي عاملة نفسها معقدة وعنيفة :
دي بقى تعلن تمردها على الرجالة كلهم ... وان الرجالة طبعا مالهم لزمة في الحياة او ما يمثلوا لها اهمية >> طبعا عقلها الباطن يقول غير كده
طبعا بقى يجي ولد تافه يبقى عنده فضول ويحاول يقرب منها ... هي تنتهز الفرصة وتوقعه في شباكها مع بعض المشاحنات البسيطة عشان تثبت انه ماله لزمة عندها.
ــــــــــــــــــــــــــــــــ
3- البنت اللزقة :
بنات ماشيين بمنطق : الزن على الودان امر من السحر
يلقطوا الولد من هنا واقروا الفاتحة على روحه من هنا ... تتقرب منه وتفرض نفسها ... لو وافق عليها كان بها ...
ما وافق بقى : يا ويله ويا سواد ليله .... تلاقي بقى التهم المتلفقة له وانهيارها وظهور ولاد الحلال اللي يحاولوا يصلحوا ما بينهم > وهو اصلا الولد ما يعرف ايه اللي بيحصل
ــــــــــــــــــــــــــــــــ
4- البنت اللي تعتمد على الاغراء :
اعتقد مش محتاج اتكلم عنهم الكل عارفهم واعتقد دول البنات يوصلوا لمبتغاهم بسرعة و .... وبيتسابوا بسرعة كمان
ــــــــــــــــــــــــــــــــ
5- البنت المستظرفة :
دي على قفا من يشيل بقى ... فاكرة ان دمها خفيف
ويجي طبعا الضحية المناسبة يقول : ياااه دمها خفيف اوي ومش ناشفة زي البنت التانية ... لالا دي عسولة يللا على بركة الله
(طبعا الاخت بتكون عاملة ابتسامة بلهاء وقتها)
ــــــــــــــــــــــــــــــــ
6- اللي تعمل حالها رقيقة وسكرة :
دي في نظري من البنات البايخة المتصنعة صراحة مالها داعي في الوجود ... نصيحة : روحي العبي على كمسري ولا ميكانيكي هينخدع بسرعة
ــــــــــــــــــــــــــــــــ
7- اللي تعمل حالها مسكينة ومريضة وفاتن حمامة :
دي بقى على طول تلاقيها مشلولة .... يا شلل نصفي يا شلل رباعي
وكل شوية تقول : خلاص انا هموت والايام اللي فاضلة قليلة في العمر .. يااااا ترااااا يا ربي هلحق الاقي اللي يحبني ولا لا > انتي في ايه ولا في ايه
طبعا الولد قدامها يتأثر ويسأل ربنا معها : يا ترى هتلحق تلاقي اللي بيحبها ولا لا
وفي الاخر الولد يموت قبلها وهي جالسة زي الاسد لسه تعاني سكرات الموت بقالها 20 سنة
(يندرج تحت دي النوعيات البنت المظلومة والمغلوب على امرها وتحسس الولد انه ملجأ لها ... وهي ولا مظلومة ولا ومتعذبة ولا شئ)
ــــــــــــــــــــــــــــــــ
8- البنت اللي تعتبر الولد من باقي العيلة :
دي تجرجره واحدة واحدة ... تقولله على فكرة : امي معجبة بيك جدا >> امها هااا
الولد : هي امك تعرف انك بتكلمي ولد عادي ؟
هي : طااااااابعا وابي كمان يعرف .. على فكرة انت معزوم عندنا كمان
الولد : وهتعزموني على اكلة ايه ؟ >> حتى ما سأل عن عنوان البيت
يجوا اهل البنت المتواطئين مع البنت يعملوا نفسهم محتفلين بالولد والاب التافه يقول : اللي يبقى صديق بنتي يبقى زي ابني تمااام
الام : انت زي اخوها بالضبط يا حبيبي
الولد يشعر انه بقى في جو اسري تحفة الى ان يصير من ضمن الافراد ويصير زوج الست
ــــــــــــــــــــــــــــــــ
9- البنت اللي تعاكس الولد :
دي ظاهرة جديدة وحديثة .... بدل ما الولد يبدأ .... خير البر عاجله فتبدأ هي وتنجز عشان الوقت
والولد يحس انه ملاك من كتر المعاكسات ويبدأ يرفرف في الفضاء > ما يدري انه مشوه خلقيا
طبعا الولد يقول في سره : انا اروح للي شاريني .... ويبدأ يتعرف عليها وهي تنزل فيه مدح
ــــــــــــــــــــــــــــــــ
10- اللي عاملة حالها ام ... وعاملة حالها بريئة
دي بقى تعمل حالها حق حضانة وان حب الاطفال يجري في عروقها مجرى الدم ... يجي الولد يقول : دي هتصير ام ناجحة لاولادي ... على بركة الله
+ تعمل حالها طفلة من وسط الاطفال وتتصرف زيهم ... والولد يقول : ما شاء الله البراءة بتخر منها
بعد ما تخلف البنت بقى اولادها يشوفوا الويل .. سواء من زعيقها ولا شباشبها المترمية عليهم
ــــــــــــــــــــــــــــــــ
غير بقى البنات المصلحجيين يستخدموا الولد في الدراسة وبعدين يرموه رمية الكلاب والخ الخ الخ
كل شوية بتطلع انواع جديدة من البنات المتلاعبات واللي نسبتهم اذا ما كنت مقلل يعني : 70 %
فياريت يعني يخفوا العيار شوية من على الشاب والبت بقى اللي عاملة زي الماية من تحت تبن مستخبية ولا حد داري عنها على اساس انها ضعيفة ومكسورة الجناح >> عقبال كسر رقبتها
ملحوظة :انا مش ضد المرأة ... بل ضد نوعيات معينة منها
وشكرا
المفضلات