السلام عليكم و رحمة الله و بركاته
قبل فترة كنت ماسكة نظام رياضة على العصر أمشي لمدة 50-55 دقيقة
المهم و في مرة لقيت الفراشة المخيفة على الجدار
طبعًا كنت خايفة منها، فجيت صورتها صورة بالجوال، بعدين قلت ليش ما أصورها بالكاميرا ؟
بس و الله نزلت جري جبت الكاميرا و هيه في مكانها، كنت بموت خوف ..
بس مسكت الكاميرا، و طبعًا ما عندي عدسة تقريب يا حظي التعيس -_-
فكنت أقرب منها شوية شوية، و أنا بموت، و مدري شفيها الفراشة متنحة ..
توقعتها ميتة، صوّرتها يمكن 5 صور و أنا شوية و أرجف من الخوف، أخاف تطير جهتي : (
المهم و أنا أكمل مشي أطالع فيها ما اتحركت، قلت أرجع أصوّرها صور أوضح شكلها ميتة
و اللا فجأة يوم قربت منها طارت، هنا روحي بغت تطير معاها، بس الحمد لله قعدت : (
هذا شكل المرعبة، كانت تستحق الخوف منها، شوفوا كيف قرونها تنطح بيها آدمي و يطيح صريع : (
آيوه، أكره الفراشات و أخاف منها كمان
المهم ما صممت لهذا الموضوع، احترت كيف أصمم و صممت حاجة قبيحة
فقلت أخلي الموضوع بدون هيدر أسلّم للجميع
و عيني في عينك، لأني كنت أطالع للفراشة في عيونها بكل صورة، أول مرة صدق أشوف وجه فراشة حقيقية، مدري حتى إذا يسموه وجه
المهم شوية كمان و راح أحكيكم قصة حياتي كاملة
+ أبغى أعرف هل فيه طريقة تخلي الكاميرا على الصامت يعني ما تطلع صوت لما تلتقط ، لأنه كان قلبي يجيله خفقان مع كل صوت التقاط : (
و بس شُكرًا لكم على تحمل ثرثرتي
المفضلات