ناقش..&* تحب التخميس والسرعة الجنونية ؟ ادخل عندي سؤال لك *&

[شـــوق]

**السلام عليكم ورحمة الله وبركاته**

:

:

:

كيف الحال؟

عندي أسئلة موجهه لمحبي رياضة(التخميس) هذا إذا كانت تعتبر رياضة!!:

ليش معظم الشباب يحبون يمارسون( التخميس)في الشوارع؟

هل هو نوع من التمرد؟! أم للمتعة ؟

أم للفت الأنظار والأستحواذ على إعجاب الحاضرين اللي ماشاالله قايمين

بالدور وزيادة من تشجيع وهتافات وتصوير!!

آنا عندي فعائلتنا أشخاص ما شاالله عليهم مشهورين بالفريج بهالسوالف

لا وبعد مصورين بالفيديو والشباب يتناقلوه فهواتفهم !!

ولما يصير عرس تلاقيهم يجهزوا سياراتهم مو عشان الزفة..لاااا .. عشان (التخميس)!!!

لأن ألحين صارت الأعراس من أشهر المناسبات لتجمع الشباب وممارسة هالرياضة !!

هاي هي الموضة اللي صايرة ألحين!!

يعني فالسابق كان في الأعراس تقام الرقصات الشعبية

ألحين صارت السيارات ترقص بدل الرجال!!!

وأول ما يسمعوا أن الدورية خذت خبر باللي قاعد يصير ..

على طووول يبدأ مشهد الهروب وكل واحد يركض يخبي سيارته فمكان !!

ليش كل هذا؟!

ليش لما تمارس هالشي ما تفكر بنفسك؟!

تخيل لا سمح الله السيارة انقلبت وحياتك انتهت فجأة وانت فعز شبابك وبعدك ما ادخرت شي لآخرتك!!

سؤال أخير :

ليش وانت تمارس هالإستعراضات الطايشة ما تفكر ولو للحظة بوالدتك أو والدك أو أهلك؟؟

..شو بيكون حالهم لو فقدوك للأبد بسبب لحظة طيش؟!!!

[The L●rd]

السلام عليكم ورحمة الله وبركاته


يفعلون ذلك ,,

للشعور [ بمعنى الحياة ] ,, حين يواجهون الموت !!

لان حياتهم خلت من المعاني وافتقدتها !!


فكرت في ذلك كثيرا ,,

ولم اجد سوى هذا السبب ,,

اعتبروها

[ حكمة مجرب ]

وانا واثق مما اقول

ولو فكر فيه كل من يفعلون ذلك ,, سيجدون نفس السبب ^^


صحيح ,, حتى لا تنظروا الي بحقد !! ^^

مجرب سابق ,, تركت هذه العادات !!!


شكرا لك يا [ شوق ]


في امان الله

[Ńo Limit]

السلام عليكم ...

لأن ألحين صارت الأعراس من أشهر المناسبات لتجمع الشباب وممارسة هالرياضة !!

أول مره ادري ان الاعراس من اشهر مناسبات التجمع عموما



اختي سبب ذلك برأيي شخص لايقدر قيمة النعمة التي هو فيها


لم يعمل ويكد ليشتري هذه السيارة بنفسه لكن ما نقول الا الله


يهديهم

[THE-KILL]

ان اقول انه ما عنده شخصيه يبغاء ثبت لنفسه ولاصحابه بأنه

رجال امام اصحابه

[طبيب النيل]

شكرا على الموضوع

[شـــوق]

السلام عليكم ورحمة الله وبركاته

يفعلون ذلك ,,
للشعور [ بمعنى الحياة ] ,, حين يواجهون الموت !!
لان حياتهم خلت من المعاني وافتقدتها !!

وعليكم السلام ورحمة الله وبركاته،،

فعلاً ..فمن يدرك قيمة حياته لا يجعلها سلعة رخيصة لمجرد إشباع رغبة!!

فكرت في ذلك كثيرا ,,

ولم اجد سوى هذا السبب ,,
اعتبروها
[ حكمة مجرب ]
وانا واثق مما اقول
ولو فكر فيه كل من يفعلون ذلك ,, سيجدون نفس السبب ^^

صحيح ,, حتى لا تنظروا الي بحقد !! ^^
مجرب سابق ,, تركت هذه العادات !!!

وما الأجمل من أن تحصل على نصيحة صادقة من مجرب عاش تلك التجربة وذاق مرارتها..

أحييك بحرارة على القرار الذي اتخذته بترك تلك العادات..

شكرا لك يا [ شوق ]

في امان الله

العفو أنا اللي أشكرك على الكلام الصادق والرد الطيب..تسلم..

السلام عليكم ...

إقتباس »
لأن ألحين صارت الأعراس من أشهر المناسبات لتجمع الشباب وممارسة هالرياضة !!

أول مره ادري ان الاعراس من اشهر مناسبات التجمع عموما

وعليكم السلام ورحمة الله وبركاته،،

غريبة آنا ع بالي إن هالعادة منتشرة بدول الخليج!!

بس شكلها بعدها ماتعدت حدود بلادنا ولله الحمد!!

اختي سبب ذلك برأيي شخص لايقدر قيمة النعمة التي هو فيها

لم يعمل ويكد ليشتري هذه السيارة بنفسه لكن ما نقول الا الله

يهديهم

فعلاً ..الحياة صارت عند البعض رخيصة..وشوف عاد ضخامة الفرق بين هذا اللي فقد حياته نتيجة لحظة طيش واستهتار لأنه ما عنده أي إحساس بقيمة حياته..

وبين هذاك اللي في فلسطين والعراق ولبنان اللي فقد حياته دفاعاً عن أهله ووطنه..ضحى بحياته لأجل شي عظيم لأن حاس بقيمة حياته..


تسلم أخوي..بصراحة فرحت بردودكم الطيبة..

خاصة وانتوا شباب!!

يعني مثل ما يقولون : " الدنيا لسه بخير "!!

يعطيكم العافية..

[شـــوق]

هذي بعض الصور اللي نقلتها وحبيت أعرضها لكم..


أولها متـعة:










لكن نهايتها:













مادري إذا ظاهرة عندكم ؟!

لكن نصيحة أقدمها لكل من يمارس هالعادات:

تدخل سيارتك..تغلق الباب.. عيونك تناظر الشباب اللي متجمعين حواليك..يهتفون لك ..

يصفرون ..يصفقون..تبتسم لهم ابتسامة الواثق..المنتصر اللي بعده لم يخض السباق!!

وأخيراً تاخذ نفس عميق استعداداً لبدء العرض المنتظر..وتضغط ع المكابح.....

لحظــــة..

قبل لاتضغط.. غمض عينك شوي ..وفكر..فكر بالوالدة المسكينة اللي قاعدة فبيتهاوماتدري عن شي!!

فكر..: أمي ..أمي لوقاعدة تشوفني ألحين شو بيكون موقفها؟!..أبوي..أخواني..

شو راح يصيرلهم لو صابني شي؟؟!!

وآنا ..شو مصيري لو الله أخذ روحي ألحين؟!!

[cops & cars]

**السلام عليكم ورحمة الله وبركاته**

:

:

:

كيف الحال؟

عندي أسئلة موجهه لمحبي رياضة(التخميس) هذا إذا كانت تعتبر رياضة!!:

ليش معظم الشباب يحبون يمارسون( التخميس)في الشوارع؟

هل هو نوع من التمرد؟! أم للمتعة ؟

أم للفت الأنظار والأستحواذ على إعجاب الحاضرين اللي ماشاالله قايمين

بالدور وزيادة من تشجيع وهتافات وتصوير!!

آنا عندي فعائلتنا أشخاص ما شاالله عليهم مشهورين بالفريج بهالسوالف

لا وبعد مصورين بالفيديو والشباب يتناقلوه فهواتفهم !!

ولما يصير عرس تلاقيهم يجهزوا سياراتهم مو عشان الزفة..لاااا .. عشان (التخميس)!!!

لأن ألحين صارت الأعراس من أشهر المناسبات لتجمع الشباب وممارسة هالرياضة !!

هاي هي الموضة اللي صايرة ألحين!!

يعني فالسابق كان في الأعراس تقام الرقصات الشعبية

ألحين صارت السيارات ترقص بدل الرجال!!!

وأول ما يسمعوا أن الدورية خذت خبر باللي قاعد يصير ..

على طووول يبدأ مشهد الهروب وكل واحد يركض يخبي سيارته فمكان !!

ليش كل هذا؟!

ليش لما تمارس هالشي ما تفكر بنفسك؟!

تخيل لا سمح الله السيارة انقلبت وحياتك انتهت فجأة وانت فعز شبابك وبعدك ما ادخرت شي لآخرتك!!

سؤال أخير :

ليش وانت تمارس هالإستعراضات الطايشة ما تفكر ولو للحظة بوالدتك أو والدك أو أهلك؟؟

..شو بيكون حالهم لو فقدوك للأبد بسبب لحظة طيش؟!!!

أنا عن نفسي أعشق السرعة الجنونيه مثل بيكهام واعتبرها رياضه ومفروض أنك ايضا تخصصي جزء من كلامك ان السرعه تعتتبر رياضه كـ الفورمولا 1 , ونسكار وووو

لكن لا امارس التخميس والتفحيط بايع روحي انا بس اعشقها في المياادين الرياضيه فقط كرياضه

دمتي بود ..

[شـــوق]

ان اقول انه ما عنده شخصيه يبغاء ثبت لنفسه ولاصحابه بأنه

رجال امام اصحابه

بس اللي ما يعرفونه إنه عمره ما كان الإستهتار بالنفس رجولة!!

تسلم أخوي عالمرور وإبداء رأيك..

شكرا على الموضوع

العفو أخوي..وتسلم عالمرور..

أنا عن نفسي أعشق السرعة الجنونيه مثل بيكهام واعتبرها رياضه ومفروض أنك ايضا تخصصي جزء من كلامك ان السرعه تعتتبر رياضه كـ الفورمولا 1 , ونسكار وووو

لكن لا امارس التخميس والتفحيط بايع روحي انا بس اعشقها في المياادين الرياضيه فقط كرياضه

دمتي بود ..

ومـا الفرق بين السرعة الجنونية و(التخميس)؟؟!!!

كأنك تقول: أنا لا أمارس الشر لكن أشجعه!!!

بس المهم إنك ما تمارس هالسوالف وهذا أمر طيب بحد ذاته..

يعطيك العافية.. ودمت في حفظ الرحمن..

[cops & cars]

بس اللي ما يعرفونه إنه عمره ما كان الإستهتار بالنفس رجولة!!

تسلم أخوي عالمرور وإبداء رأيك..




العفو أخوي..وتسلم عالمرور..




ومـا الفرق بين السرعة الجنونية و(التخميس)؟؟!!!

كأنك تقول: أنا لا أمارس الشر لكن أشجعه!!!

بس المهم إنك ما تمارس هالسوالف وهذا أمر طيب بحد ذاته..

يعطيك العافية.. ودمت في حفظ الرحمن..

إذا أنتي من محبي السرعه ولا أعتقد ذلك ومن محبة الفورمولا 1 ومن محبة فريناندو ألونزو , كيمي رايكونن , روبنس بارتشيلو , رالف شوماخر حتقدرين السرعه بعدين انا قلت احب السرعه ماحب التخميس شكرا على مرورك وهذا رائي ...

[شـــوق]

إذا أنتي من محبي السرعه ولا أعتقد ذلك ومن محبة الفورمولا 1 ومن محبة فريناندو ألونزو , كيمي رايكونن , روبنس بارتشيلو , رالف شوماخر حتقدرين السرعه بعدين انا قلت احب السرعه ماحب التخميس شكرا على مرورك وهذا رائي ...

أكيييييد آنا أحترم رأيك..مادري شكلك فهمتني غلط أو أنا ما فهمت ردك الأخير!!

بس آنا أقدر حبك للسرعة وهذي حرية شخصية ما قدر أتدخل فيها أو أغيرها..

بس مجرد إني حبيت أوضحلك وجهة نظري وهي إني أشوف السرعة والتخميس واحد لأن نهايتهم وحدة..

والعفــو إذا بدر مني شي يزعجك..

تحياتي..
شـــوق

[cops & cars]

أكيييييد آنا أحترم رأيك..مادري شكلك فهمتني غلط أو أنا ما فهمت ردك الأخير!!

بس آنا أقدر حبك للسرعة وهذي حرية شخصية ما قدر أتدخل فيها أو أغيرها..

بس مجرد إني حبيت أوضحلك وجهة نظري وهي إني أشوف السرعة والتخميس واحد لأن نهايتهم وحدة..

والعفــو إذا بدر مني شي يزعجك..

تحياتي..
شـــوق

عـفـوا ولكن السرعه والتخميس نهايتهم ليست 1 لأننا نحتاج السرعه أحياناً

مشكوره على ردك وانا فاهمك

[Kill'em All]

وعليكم السلام ورحمة الله وبركاته ،،

شكراً على هذه اللفته الجميله ..

يا ليتني قريت حاجات زي هذي من زمان ، قصدي من قبل ما اسوي حوادث وكلها بسبب السرعة
طبعاً التفحيط والحمدلله ما ادانيه ولا احبه ابداً لكني كنت مجنون سرعة

و ما شاء الله . الشوارع عندنا تقول الزود عندي

إلى درجة أن أعلى سرعة سجلتها هي السرعة القصوى في سيارتي السابقة
كانت 210 كم .. كل ما اتذكر هذاك اليوم حالياً أقول عن نفسي يا مجنون والله كفر واحد بس يوديك في داهيه
لو انفجر كفر واحد بس كانت نهاية مأساويه خاصة أن الخط ما كان خط سفر ، كان خط سريع يربط الدمام بالخبر

الحمدلله الحمدلله ستر ربي عليا و عقلت قبل ما يطيح الفاس على الراس

شكراً على الموضوع مرة أخرى

دمتي في حفظ الرحمن ،،

[lo$t iN lOvE]

مشكووره لطرحج هالمووضوع

قبل كنت اتخبل ع إالي يسوقون بسرعه و يفحطون ><

CoooooooooooooooL

لاكن لما يكون هالسبب ف انج تخسرين ناس تعزيهم

تكرهين شي اسمه عدادسرعه ....

lo$t iN lOvE

[القسامي]

طبعا يفعلون ذلك مباهاة واستعراض

انا لا اؤيد هذا طبعا

يعني انا من دون تخميس سقطت من سيارة وكان رحت فيها

شكرا على الموضوع

[شـــوق]

عـفـوا ولكن السرعه والتخميس نهايتهم ليست 1 لأننا نحتاج السرعه أحياناً

مشكوره على ردك وانا فاهمك

العفو أخوي..أسعدني ردك..

وعليكم السلام ورحمة الله وبركاته ،،

شكراً على هذه اللفته الجميله ..

يا ليتني قريت حاجات زي هذي من زمان ، قصدي من قبل ما اسوي حوادث وكلها بسبب السرعة
طبعاً التفحيط والحمدلله ما ادانيه ولا احبه ابداً لكني كنت مجنون سرعة

و ما شاء الله . الشوارع عندنا تقول الزود عندي

إلى درجة أن أعلى سرعة سجلتها هي السرعة القصوى في سيارتي السابقة
كانت 210 كم .. كل ما اتذكر هذاك اليوم حالياً أقول عن نفسي يا مجنون والله كفر واحد بس يوديك في داهيه
لو انفجر كفر واحد بس كانت نهاية مأساويه خاصة أن الخط ما كان خط سفر ، كان خط سريع يربط الدمام بالخبر

الحمدلله الحمدلله ستر ربي عليا و عقلت قبل ما يطيح الفاس على الراس

شكراً على الموضوع مرة أخرى

دمتي في حفظ الرحمن ،،

أخي kill'em All يشرفني مرور عضو متألق مثلك في موضوعي..

حلو إنك تحكيلنا تجربتك الشخصية..والأحلى مثل ما قلت:"الحمدلله الله ستر وعقلت قبل ما يطيح الفاس بالراس"

210كم؟؟!! الحمد لله إن السالفة عدت على خير

يعطيك العافية وتسلم عالمرور..

مشكووره لطرحج هالمووضوع

قبل كنت اتخبل ع إالي يسوقون بسرعه و يفحطون ><

CoooooooooooooooL

لاكن لما يكون هالسبب ف انج تخسرين ناس تعزيهم

تكرهين شي اسمه عدادسرعه ....

lo$t iN lOvE

العفو هذا من ذوقك..

والله حتى آنا لما كنت صغيرة أتخبل ويّا أخواني على مشاهد المطاردة والسرعة الجنونية فالأفلام!!

كنت ياهل أشوف أخواني متخبلين ويصارخون وأصارخ وياهم!!

وفعلاً لما تفقد شخص عزيز عليك بسبب حادث سرعة..تكره شي اسمه شارع مو بس سرعة!!

تسلم ع المرور الجميل..


[/quote]

انا لا اؤيد هذا طبعا

يعني انا من دون تخميس سقطت من سيارة وكان رحت فيها

شكرا على الموضوع

العفو..

يسعدني كونك من المعارضين..

أكيد السقطة خلتك تكره شي اسمه تخميس..يعني كانت فال خير عليك

بس الحمدلله ع السلامة لو إنها جات متأخرة

مشكور عالمرور الطيب..يعطيك العافية..

[Senichi]

كلامك صحيح 100 %


و لكن أنا أستعرض فقط لا غير

فمثلا . عندما فازت السعوديه على اليابان سهرت إلى الصبح و أنا بالتحليه مع اخوي

لكني ما أخمس بالمدن

أنا أخمس بالطعوس بس


شاكر لك طرح هذا الموضوع


ملاحظه / أنا أمس رجعت من المنطقه الشرقيه . أبوي يمشي حوالي 190 >> وناااسه

بأرفع صورة العداد عشان تتأكدون من سرعة عائلتنا الجميله

[lo$t iN lOvE]

تسلم ع المرور الجميل..

الله يسلمـــــــج

انا بنت ><

[setooooo]

برأيي ان الشباب لما يفحطون او يسرعون يبون المتعة

و انا عن نفسي لو كنت ولد بسوي هالحركات
لاني اعتقد انه فيه اثارة

[Wakashimazu]

يسلمو على الموضوع الحلوو واتمنى المزيد منها