اما اللي كانو يضحكوني مارد الثلج ومارد النار دائما يتناقرو وكل واحد يشوف نفسه اقوى انا عجبني مارد النار لمن يقل لمارد الثلج كفاك كلام اكبر منك وفي النهاية يقتله بعض ومارد الزيت الاسود لمن مسكين علي بابا يورط ويصحيه ويقوم يااااااااااع من ايقظني انت لا بد انك انت ويقول لسندباد ساحول صديقك الى حجارة من نار بصراحة عمر الشماع مبدع في صوته الخشن في غاندال في جريندايزر وسندباد وجيزيل نصر وسمير شمص وابراهيم مرعشلي وانطوانيت ملوحي في سندباد الاسماء هذي اعمدة الدبلجة العربية مو بس اللبنانية بيخلوك تعيش جو الكرتون بمزاج
نجي للكرتون الجميل النسر الذهبي كنت ومازلت اعشقه بصراحة مبدع خصوصا بيبيرو شهم وعنده رجولة عكس استكو في البداية اناني وبعدين يتغير كمان حلقة الذئاب حلوة وممتعة وحلقة الجزيرة اللي فيها حريم وكمان مقدمته حلوة مرة
يا ببيرو يا خير البنين
في وفائك صادق أمين راسخ شامخ عالي الجبين تريد خير الناس أجمعين صالح ناجح... ببيرو نسرك الذهبي في الأعالي حصانك الأبيض في الجو يطير ببير
الكلمات لحالها حكاية
نجي لسانشيرو افتكر في بداية التسعينات انتشرت اشاعة انه في جومارو حقيقي نزل في بلاد الالعاب في شارع التحلية ورحنا نجري وطلع كذب
اجي لكرتونيا لمفضل الامريكي thundercats هذا اعشقة كثير الكرتون حتى اشتريت كل مواسمه لمن نزلت dvd من امازون وجودتها صافية وقصته مرة حلوة انه فيه شخصيات تشبه النمور تجي من كوكب اسمه امدير نتقريبا وتسكن الارض وتقابل وحش اسمه ممراه ابو سنون شكله كان يفجعني وانا صغير خصوصا لمن يتحول ممرررررررررراه
هذي صور ال dvd تبعي
http://
كان زمن جميل وكل شي بسيط وحلو فيه هذي الصورة 88م تقريبا
انا دحين متفوق عليكم بالذكريات ةالحاجات القديمة مين ينافس
ههههههه شكلك في صغرك كنت عنيد
رحم الله والدي ووالدك وجعل مقامهم في عليين في الفردوس الاعلى
ما أعز من الولد إلا ولد الولد
سامحوني ياجماعة اذا قصرت في حقكم واذكروني بالخير
أسيادي الكرام السلام عليكم
على سيرة جوز الهند والاناناس والدوم واللوز المغلف قبل اخراجه والسيقان الكاملة لقصب السكر واللوز الهندي واللوز البجري والحبحبوه المغلف والحومر الجاوي وورق شجر الحومر وتقشير البرشوم والاوكودنيا والبندق والقعقع او الجوز والشفلح والحبش كلها عشنا معها تجارب وذكريات في حياتنا جميلة ومثيرة وخصبة ورائعة لعلي افرد بعض طرائفها مستقبلا بعون الكريم
مادام جيبت سيرة الاكل حوريك صورة فيها تورتة وصحن شاورما اشتريناه يومها من شاورما شاكر ايام عزها زمان المحل اللي كان في الركن قدام المحطة حاليا وجنبه مدرسة مهجورة هو هذي محل شاكر القديم اكيد انتا لحقته اكثر مني انا فاكر في الثمانينات كان المعلم واحد متين يمني بعد حرب الخليج مشي بس كان يزبط الشاورما صح بس دجين مو مثل زمان بصراحة كم مرة رحت اكلت من عندهم وهذي صورة للمحل حاليا عشان تفتكره
"]http://[/URL]
نجي للعمارة هذي ياريت تفيدني هذي مو اللي في سوق الخاسكية ؟ ركز في الصور فيه مكتوب الدار السعودية للنشر والتوزيع بجانبها هل الدار نقل محل ثاني او قفل ؟
http://
الصورة العلوية في البلد العمارة لسه فيه وتحتها محلات ملابس وبسطان حق هنود وقدامها القطار واللي على اليسار البرحة محلها دحين المسجد وخلفه مؤسسة النقد والشاشة هذي انهدت العامرة اللي بعدها محل البيك زمان ومحلة دحين الطازج
الصورة اللي تحت منظر جميل للبلد وفي الواجهة مكتبة تهامة زمان قبل ما تنقل بجانب فندق انترناشيونال اللي اسمه اتغير الى فندق البيعة اللي يشوف الصورة ما يصدق انه جدة هذي في الثمانينات الصورة هذي اخذها من كتاب عندي عن جدة في الثمانينات وتاريخ الكتاب 84م
http://
وهذي لمستشفى اسمها مستشفى جدة الطبي ياريت صافي تعطيني معلومة هل هذي هي نفسها مستشفى ابو زنادة اللي في البغدادية خلف عمارة ابراهيم شاكر وخلف سوق مرحبا القافلة سابقا او لا هذي غيرها لانه نفس تصميم مستشفى ابو زنادة ونفس البرحة تقريبا
http://
والصورة الثانية فين موقعها لاني ما اعرفها اللي هية لمستوصف جدة الاهلي وهل مازال فيه
http://
اخر تعديل كان بواسطة » mrmavado في يوم » 26-09-2016 عند الساعة » 07:26
صور من الزمن الجميل لاغلفة من فيديو عصام والوان لاشهر افلام رعب في الثمانينات مغبرة الاغلفة
http://
عدد زوار الموضوع الآن 1 . (0 عضو و 1 ضيف)
المفضلات