تــــقـــريـــر عـــن الأنـــمـــي الــراائـــع (Karin ( chibi vampir
السلاام عليكم ...
شخبااااركم مكسااتييين ؟؟
جبت ليكم تقريير عن أنمي جناااان أني أحبهـ...
و أمووت فييهـ ...
و من متاابعيهـ....
أقول بسي كلااامـ...
و أبدأ التقرير أحسنــ صحـ...؟
الاسم بلإنج : (Karin ( chibi vampir
تصنيف الرسوم: رومانسى , كوميدى ، خياالي
الشخصيات :
Maaka, Karin
كارين
بطله القصه امتعنا اسمها كارين و هى فتاه مش عاديه فهى من عائله مصاصى دماء الا انها تعتبر مميزه عن العائله امتعها فهى ماتمصش الدم بل اتزيده و الصفه التانيه للتتميز بيها كارن انها تقدر تمشى للمدرسه اى تطلع فى ضوء النهار عكس مصاصى الدماء ليرقدو الصبح و اينوضو فى الليل ... فى يوم من الايام ايجى طالب جديد اسمه كينتا للمدرسه امتع كارن
( شكله راسمينه اتقولو ايشيقو ) و هنا تبدا المشاكل لكارين كل ما تشبح كينتا يبدا خشمها ينزف
Usui, Kenta
كينتا
كينتا طالب جديد كيف حول لمدرسه كارين و هو الشخص الوحيد ليعرف سر كارين و عائلتها بعد ما شاف كارين اتمص فى دم شخص فى المتنزه و وعد كارين انه حايحفظ سرها بالمقابل كارين حاتجيبله غداء للمدرسه كل يوم طبعا فى البدايه عائله كارين ماعجبهمش الامر لكن بعدين رضخو للامر لان كينتا هو الوحيد ليقدر ايساعد كارين فى اثناء النهار
وينا سينكلير
من عائله مختصه بمطاردت مصاصى الدماء و قتلهم ينتقل وينا لمدرسه كارين ويقع بحبها من اول نظره و طبعا ما عنداش اى فكره ان كارين مصاصة دماء ... و الحاجه لميعرفهاش و كارين ما تفكرتش انه كان اول ضحايا كارين كيف كانت صغيره و هذى حاتشبحوها فى اول حلقه لكارين
Tokita, Maki
ماكى
وهى الصديقه الحميمه لكارين منذ الطفوله و ماتعرفش حقيقه كارين ... ماكى ميته فى وينا لمايشبحش فى الدنيا غير كارين و من كثرة غيرات ماكى لين تولى اول ضحايا انجو اخت كارين
Usui, Fumio
فوميو
وهى والده كينتا و تشبحوها فى الرسوم دائما بائسه و حزينه لانها مش قادره اتحصل على خدمه تابته لان ديما اتصيرلها مشاكل فى الشغل فتطر اتسيب كل مره مما ايخليها امغششه طول الوقت
عائلة كارين ،،
ملاحظة : لكل من عائلتها نوع واحد من الدم يفضله
.
عائله كارين حاليا تعيش فى اليابان و لهم حوالى قرنين مستقرين هناك و هم هاجرو من مكان تانى مش معروف هربا من صيادى مصاصى الدماء و افراد هذه العائله يتكونو من :
Maaka, Anju
انجو
انجو هى اخت كارين الصغيره و متعلقه بكارين هلبا و هى مازالت ماتحولتش الى مصاصه دماء بعد ... انجو شكلها ديما جامد اتخليك اتحس انها الفرد الناضج فى العائله رغم صغر سنها و تشبحوها فى الرسوم شاده لعبه اسمها بوقى كون لديما ايثرثر... انجو فى الحلقات الاولى لم تصبح فامباير او مصاصة دماء بعد ... انجو تتحكم بالخفافيش لديما تبعث فيهم بش ايراقبو كارين اثناء النهار ... حاجه تانيه تتمتع بيها انجو انها عندها قدره على مسح ذاكره الناس و القدره هذه كارين ما تمتلكهاش
و على فكرة انجو عندها دمية متحركة و تتكلم و ثرثارة بعد
هذه صورتها :
رين
Maaka, Ren
رين هو الاخ الاكبر ليكارين و احشيشته انساوين و خاصه النساء لواقعين تحت ضغط نفسى ... رين ديما ينتقد فى كارين و مش عاجبه انها مش زى الفامباير التانين و خوفه الوحيد هو من جدته ايلدا
هنرى
Maaka, Henry
هنرى والد كارين عنده نزعه لحمايه و مره قريب هب لانقاذ كارين فى وضح النهار مخاطرا بحياته لاجل كارين و هنرى كاى اب ايخاف على كارين و بدات لما كارين اتكون مع كينتا
كاريرا
Shinohara, Emi
كاريرا والده كارين وهى واحده حرفا و مسيطره على هنرى المسكين سيطره مش عاديه ... عدوة كاريرا الوحيده هى حماتها ايلدا
ايلد
ما في صور آسفة
ايلد جده كارين و هى نسخه طبق الاصل لكارين الفرق الوحيد لبيناتهم هو ان ايلدا شعرها طويل و لونه ترطارى و مش حاتطلع فى الرسوم للحلقه 15 ... ايلدا عندها قصه حزينه وهى كيف كانت شابه احبت شخص من البشر لكن القريه و والد الشخص منعو هذه العلاقه و طاردو ايلد بش يقتلوها ... طبعا ايلدا اتادث هلبا من الحادث هذا و حاتحاول انها تحمى كارين و ماتخليهاش تمر بلهى مرة بيه
جاسوس العائله
فى كل حلقه حاتشوفو الخفاش هذا و هو ايراقب فى حد ياما انجو او هنرى باعتينه
حلقات المسلسل :
بالنسبه لعدد حلقات الرسوم فهم 24 حلقه
الحلقه الاولى
http://www.megaupload.com/?d=WP450YYA
2
http://www.megaupload.com/?d=SAJWDYQK
3
http://www.megaupload.com/?d=2HUEXFXY
4
http://www.megaupload.com/?d=ONPXJO93
5
http://www.megaupload.com/?d=GM3W0GG3
6
http://www.megaupload.com/?d=Y890X3B7
7
http://www.megaupload.com/?d=F4YLMBGI
8
http://www.megaupload.com/?d=8FB28UVH
9
http://www.megaupload.com/?d=KMCY0K5D
10
http://www.megaupload.com/?d=YY1J2ODO
11
http://www.megaupload.com/?d=FVBE35EZ
12
http://www.megaupload.com/?d=493UPMKI
13
http://www.megaupload.com/?d=PP1NKO2H
14
http://www.megaupload.com/?d=RIUMLZQV
15
http://www.megaupload.com/?d=5DB02DE5
16
http://www.megaupload.com/?d=9O923UJM
17
http://www.megaupload.com/?d=AZZ1UL0Q
18
http://www.megaupload.com/?d=L6QYQ9NM
19
http://www.megaupload.com/?d=BXIZIWBB
20
http://www.megaupload.com/?d=VUVPJEGD
21
http://www.megaupload.com/?d=6MO8EN6U
22
http://www.megaupload.com/?d=47UE0GDG
23
http://www.megaupload.com/?d=RHWHIEF0
الحلقه الاخيره
http://www.megaupload.com/?d=R9X9W0QQ
ملاحظة : اذا الحلقات ما تعمل << أصلى ما اعرف أحمل لهناك ...
بعطيكم أياهم في موقع أكوكييهـ...
اتمنى يعجبكمـ..
التقرير المتوااضعـ...
تحياتي
اضافة رد مع اقتباس
المفضلات