فساد مدارس البنات..

[غدير المملوحة]

السلام عليكم..
شخباركم..^^
بعد الغيبة رجعت بموضوع يديد..هو عبارة عن موضوع نقااشي..اكثر من انه سؤال ..ارجو تفاعلكم مع الموضوع..

طبعا كلنا نعرف ان انتشر بالمجتمعات ظاهرة اسمها البويات..
اترككم مع هذه الرسالة...اقروها ونبي تعليق منكم على هذي الظاهرة اللي تهدد المجتمعات..







بانتظار آآراءكم ومشاركاتكم..عن هذي الرسالة..

[طبيب المستقبل]

محجووووووووووز ,,
لي عودة ..

هـــــــــــا قد عدت >> سريع

----------

السلام عليكم ..
كيف حالك غديــــــــــــــــــــــــر ..؟؟

آمل أن تكوني بخير .. لم ألتقي بك منذ مـــــــــــــدة ..
آمل أن تكوني على خير ما يرام ..

---------


البــــــــــــــــــــــــــــــــــويزات


هذه الظاهرة العجيبة الغريبة .. لم أجدها معنا فالسلطنة .. لكني أقرأ عنها .. و لي خلفية عن الموضوع .. ومؤخرا كذلك قرأت بعض القصص ..

ظاهرة لا أدري بما أصفها .. يتشبهن بالجنس الآخر و يتلاعبن بأنفسهن قبل أن يتلاعبن بغيرهن ..
وأصبحت الفتاة تغار على - حبيبتها- وتعتبرها إذا جارت أحد زميلاتها .. تخونها .. غيرة .. حسد .. حب .. اجتماع وفراق .. والخـــــــــــــــــــــــــــــــــــــــافي أعظم ..


لا أدري ما فائدتها .. لكن أظنها أموور سخيفة .. تنشأ لأسباب عديدة كضعف الوزاع الديني ، و كثرة وقت الفراغ .. بالخليجي * لا شغلة ولا مشغلة*

الغريب الآن ليس فالتصرفات فقط * بويز * حتى الملابس الآن ..
منذ أيام .. ذهبت لأحد المجمعات .. اقتربت من شخص يرتدي جينز وتي شيرت حمراء اللون ..ضيقة ..
وقلت .. هذا أحد الشباب .. ذوي الحركات .. التي لطالما رأيناها .. وعند اقترابي .. استغربت المكياج ..
فقلت .. غلطان بالنمرة .. ظهرت أنها فتاة .. ووالله أني ظننتها صبي ..



أما الرسالة المعروضة .. فلا أدري ما أقول ..
لكن .. الله بصير بعباده .. وكل شيء محصور ضمن كتاب محفوظ


وكل أدرى بنفسه ..

---------------------------



غديــــــــــــــــــــــــــــــر

ابذلي قصارى جهدك في دراستك .. وآمل أن تعودي للمنتدى كما عهدناك ..
تمنياتي لك بالتوفيق ..

دمتم بخير ..

[غدير المملوحة]

محجووووووووووز ,,
لي عودة

هلا احمدووو..^^
حياااك..
اوكي ننتظر عودتك بس مو تطوووول..ويختفي صندوق تعديل المشااااركة خخخ
على خيير..
انا بقوم ادرس لامتحاني..ولي عودة بوقت ثااني^^

[tahar]

امر مؤسف حقا اذا اصبح هكذا صحيح انو فيه امور من هذا النوع تحصل لكن مش لهذه الدرجة من السفالة ...

[missme]

هلا غدير

تدرين ان هاي اول اول اول مرة في حياتي اقرا رساله من هالنوع والله ..

يمكن كنت اسمع .. وكنت استخف بيهم وبتفكيرهم

لكن لهدرجة وصلت السالفه صج اني غشيمة ولاادري

اففف ..

فساد مدارس البنات ترى بسبب قلة الدين+ الاخلاق اللي رايحه فيهـا +عدم رقابة الاهل + كلمة "عادي"


وحتى باين ان البنات اللي من هالنوعية .. حياتهم كلها هموم وحتى موجود الدليل في الرساله اللي انتي حاطتها

"اكبر مصيبة يابعد عمري.... الخ"

لدرجة صار هالشي مصيبة ؟؟!!!

الله يستـر

[Ed Gein]

مشكلة واااايد من البنات أن عندهم فراغ عاطفي كبير طبعاً الأهل يلعبون دور كبير و لازم يوجهون بناتهم و يعلمونهم الأصول عشان يكونون متأدبين و عارفين الأصول و الحدود لأن كل شي لحده

أنا ما أقول إلا الله يهدي بناتنا و يصلحهم و ييسر أمورهم

تقبلوا أحلى تحياتي

[ياقوت]

السلام عليكم ورحمة الله وبركاته

هلا والله باختي الكريمة

اليوم في الدوام صادفت مثل هذه الرسالة

لي عودة

[الحلم النائم]

مشكوره على هذا الموضوع

والصراحة اني بعد ماتوقعت الامور في المدارس واصلة الحد هذا

وين الاهل من كل هذا وين الرقابة الذاتيه

هم مايخافون من ربهم الله يعافينا ويرحمنا

[أنـس]

السلام عليكم

مرحبا أختي الكريمة غدير

بصراحة لم أفهم الرسالة تماماً لكنني أعتقد بأنني عرفت المشكلة

الأمر المؤسف أن مثل هذه الظواهر في انتشار كبير وبصمت غريب !!

لكن أريد أن أستفسر ما معنى ( بويات ) ؟

هل هو الـ BoyFriend أم ماذا ؟

في أمان الله

[missme]

لكن أريد أن أستفسر ما معنى ( بويات ) ؟

هل هو الـ BoyFriend أم ماذا ؟

انا القاموس مالك

يعني مسترجلة

[أنـس]

انا القاموس مالك

يعني مسترجلة

ههههههه شكراً جزيلاً لك مسمي على التوضيح

الآن فهمت ..

الحمد لله لم أصادف كثيراً من المسترجلات !! حتى أنني أحس أنهم غير موجودين عندنا

إلا أن الحقائق تشير إلى أنهم موجودين لكنني لا أراهم

لكن الطريف في الأمر أن عندنا مسترجلتان في الحي حتى أنه يصعب تمييزهما من الأطفال الذكور

لا من حيث الشكل ولا من حيث الصوت وطريقة الكلام والتصرفات

لكن المضحك في الأمر أنه تم إلقاء القبض على واحدة منهن في المسجد تصلي التراويح مع الرجال في رمضان الماضي

وكانت تغطي وجهها

لا حول ولا قوة إلا الله ضحكنا كثيرا حينها .. لأن شر البلية ما يضحك

إلى اللقاء

[THE LEADAR]

أولا: مشكووووور على طرح المشكلة هذي لانة أنا من زمان أسمع عن القصة هذي

ثانياً: أنا أعتقد إنة هذي الضاهرة صارت مع العولمة الجديدة إلى الغرب يدعون لها

ثالثا: أعتقد أنة الاهل لهم الدور الكبييييير في الموضوع هذا لأنهم الاساس في التربية

[ياقوت]

انا القاموس مالك

يعني مسترجلة

هذا معناها

اليوم طلبت المديرة مني تفتيش شنط الطالبات

طبعا من الفضاوة الي عندي ما كأن عندي تصحيح

الموهيم

نحن نفتش بحثا عن جوالات امور مريبة يعني

وجدت رسائل وانا اقرء

صراحة الكلام فقط اريد ان اعرف هو موجه لفتاة ام لشاب

كلمات حب وغرام وشئ فوق الخيال

بين الازواج لا نجد مثلها

المهم في الاخير اكتشفت ان الرسالة موجه لفتاة

والله اهون عندي تكون موجهها الى ولد على الاقل موافقة للفطره

عموما لي عودة بذكر اسباب ذلك

[واثق الخطى]

السلام عليكم


اشلونج غدير




لا ادري ما اقول لك لكن



مثل هذه الاشكال تضحكني وتبكيني ايضا


تضحكني لما اصبحت عليه من شكل غريب ليس رجوليا وليسا نسائيا



وتبكيني لما وصل اليه شباب المسلمين في هذه الايام





كانت اختي تحدثني عن مثل هذه الاشكال في الجامعة عندهم وكيف الواحدة منهن تدخل الجامعة بعبائتها

وباحترامها وبعد عبورها البوابة وابتعاد السيارة تخلع العباءة والنقاب والحجاب وتظل هكذا حتى اخر الدوام

حين تلبسها مرة اخرى وتخرج بوقارها من الباب الى السيارة


قالت لي ذات مرة ان احداهن كانت جالسة مع صديقتها وكلاهما دون حجاب فدخل شخص اجنبي لمكان

جلوسهما فقامت البوية بتغطية صاحبتها وهي تقول لها ( رجٌال) تغطي





إلى الملتقى

[missme]

طبيب المستقبل

وأصبحت الفتاة تغار على - حبيبتها- وتعتبرها إذا جارت أحد زميلاتها .. تخونها .. غيرة .. حسد .. حب .. اجتماع وفراق .. والخـــــــــــــــــــــــــــــــــــــــافي أعظم ..

صح ..
لدرجة وايد ربع تفرقو بسبة هالشي ..


أنس

لكن الطريف في الأمر أن عندنا مسترجلتان في الحي حتى أنه يصعب تمييزهما من الأطفال الذكور

ليش كم عمرها تقريبا ؟


----------

على فكرة ..هاي يسمى اعجـاب
الاغلبية يقول عادي خل نعجب في غيرنا شالمشكلة
نفس ماتعجب اي وحده في ممثلة وتموت علينا بسبتها
بس في وجهة نظري الخاصة .. ان هالاعجاب مب طبيعي .. وهو يقود والعياذ بالله الى الشذوذ

ذكرتوني برفيجة اختي

العام وهي كانت في اول اعدادي ..

اول السنة اعجبت فيهـا بنت ..
انا فهمت اختي ان هالشي غلط وجي .. وهذي مشاعر غير طبيعية ..
فابتعدت عنهـا ..
بعدين كل يوم اتيي تقولي شتسوي فيهـا البنت .. هههههههه
البنت كل يوم تطرش هدايا ..
وكل يوم تتصل البيت .. مادري من معطيها الرقم بنت اللذين

واختي متبعه تعليماتي ومطقعه لها ...

وبعدين اللي صار ان البنت جاتها حاله نفسية وتحطمت .. وصارت تصيح في كل الحصص
لم قالت لها اختي انها تعتبرها مثل صديقتها مب مثل ماتظن ..

يعني هاي نتيجة هالتفكير ..

امم اتذكر يوم كنا في المدرسه كانو قولون لنا ..
ان هالاشياء تصير ...بسبب النقص العاطفي لدى البنت
يعني اهلها مايحبونها في البيت وماتحس ان احد يحبهـا .. فلو شافت حد طيب معاها تمووت عليه
وتبيع الدنيا عشانه ...

استغفر الله ..
هذه الفئة ضاله وتعتقد انه شيء طبيعي ..
ولكن للاسف انه شيء مب طبيعي تماما ..
ولو تلاحظون ان مافي هالايام شي اسمه "صداقة" ..

[زمـرد]

سنعــــود بعد قلــــيل

[نوره الحلوه]

احب اهنئك على حسن اختيارك للموضوع ..


موضوع المسترجلات موضوع خطير ويتطلب منا التكاتف كمجتمع لتصدي لهذه الظاهره الغريبه الدخيله على مجتمعاتنا.

لما كنت ادرس في الثانوية كانت هناك انواع الحب والغزل بين الفتيات ...

تخيلوا الطاولات مليانه شعر وغزل .. تتكلم عن قصص الحــــــــب و الفــــــــراق و الخيـــــــــــــــانه ..

وانواع البلاوي ..


والطامه الكبرى ....


في الساحات ...


في كل زاوية تلقى لك بنتين و ( البقيه مشفر )

والله كانت حالتهم صعبة وكنت من جد اشفق عليهم ..

تخيلوا اعرف وحدة كانت زميله لي اصيبت بالتهاب في الكلى ونقص وزنها وكرهت الدنيا وكانت دايما مهمومه..عشــــــــــان ايش ؟؟؟


عشان حبيبتها تخونها مع بنات غيرها!!!

والله شر البلية مايضحك ..

حتى لما تكون ايام امتحانات نظطر نجلس في المدرسه الى ان تنتهي فترة الاختبار وكنا كل يوم انا وصاحباتي نجتمع ونجلس ..

وبعدين ما ندري الا المسلسلات المكسيكيه بدت تعرض على الشاشة ( الله يحوم كبودهم ماكانوا يخلونا نتهنى بالجلسة)


بس الســـــــــؤال الاهم :

ماهي الاسباب؟

من وجهة نظري السبب الاول هو الفراغ العاطفي .. يعني البنت تشوف مسلسلات و تسمع اغاني حب وغرام وتتخيل نفسها مكانهم بس ماتلقى اللي يبادلها نفس الشعور فتسلك المسار الخاطئ.

ثانياً : غياب توجيه الاهل يعني مثل البنت اللي قلت لكم عنها وين اهلها ما يسألون وش فيها ؟ ليش صارت حالتها متدهوره؟

وحتى اهل البنت المسترجله كيف يرضون على بنتهم ان تكون بهالشكل ؟ مااتوقع انسان واعي ومدرك يترك بنته تسوي هالاشياء!


واخيرا وآخراً ادعوا الله ان يصلحهم ويريهم طريق الهدايه ويجب علينا تنبيههم بخطورة مايفعلونة ونذكرهم بأن قوم لوط حل عليهم العذاب بسبب هذا الامر..

نسال الله هدايتهم.

[Angel Face]

استغفر الله العظيم

ها السوالف انتشرت بشكل كبير بين بنات المدارس و الجامعات

والسبب لا أعرف ماذا!!!

شو السبب اللي يخلي البنت تتخلى عن انوثتها؟

وشو السبب من انها تطلع عن فطرتها السليمه؟

حتى اذكر عباره انكتبت على جدار (الحمام الله يكرمكم) في الجامعه.. ان وحده كاتبه

(( فاطمه + ريمان = حب الى الأبد))

وعباره ثانيه حذالها ( اتروحين تتعرفين على ولد ابرك لج من ها يا ×××× <<< sensored ... على الأقل تميتي على الفطرة السليمة)

شي خاطري افهمه!! وين أهلها عنها؟ يعني لها الدرجه اهلها منشغلين عنها وما يلاحظون انها صارت بويه؟

انا مره قصيت شعري قصير (بس مو بويه.. يعني قصير بناتي) و حصلت كف من أمي وقالت لي تتشبهين بالاولاد يا اللي ما تستحين (مع ان القصه كانت بنوتيه كثير خذتها من مجله ) ومن يومها كل ما ابي اقص شعري اراوي امي القصه.. عشان ما احصل هزاب بعدها

وشكرا عزيزتي غدير على الموضوع المتميز و الذي يتحدث عن مشكله كبيرة في مدارس البنات في الخليج.

سلام ^^

[松本潤]

هاي
كيفكم بس بدي أقلكم إن هدي الضاهرة منتشرة من سنوات
عندنا في مكة البنات يبكوا على بعضهم
إدا الـ(حبيبة) غابت أو وحدة أتكلمت عليها
تطيح من البكا
و تسوي هيلامان لين ما تعتدر إلي أتريقت




لي عودة


مشكورة على الموضوع




سلامي
باي

[missme]

زمـرد

سنعــــود بعد قلــــيل

سبيس توون ؟

_____

نوره الحلوه

تخيلوا الطاولات مليانه شعر وغزل .. تتكلم عن قصص الحــــــــب و الفــــــــراق و الخيـــــــــــــــانه ..

هه اي والله

بس الســـــــــؤال الاهم :

ماهي الاسباب؟

على فكرة ممكن وحده من بينا تكون راعيه هذي السوالف
وتلقينها قاعده تسب في اللي يسون هالشي
اي فعـلا ..
مرة خذنا في المجتمع مادري علم الاجتماع عن المشكلات الاجتماعية ..

والمهم .. وكان الموضوع فعلا جريء ان نتكلم عن ظاهر الاعجاب ..

اقولج .. كل اللي اعرف ان عندهم سوالف الاعجاب وجي .. كلهم وقفو ويصارخون ويستنكرون هذه الظاهرة <<

وكل وحده تقول انا استغرب شلون البنات يسون جي .. <<ماتشوف نفسها بالاول ..

يعني هم مايدرون بالضبط .. محتاجين توعية ...

وعلى طاري التوعية

احنا ماسوو لنا محاضرة عن هالموضوع الا مرة ((وراحت علينا الفرصة ماكلت ))

واللي مسويه لنا المحاضرة .. استغفر الله

قالت لنا حتى حرام نسلم على بعض .. والله قالت حتى باليد لاتسلمون
ولا جن الرسول عليه الصلاة والسلام وصى بهالشي ..

قلنا لها انزين احنا من عاداتنا وتقاليدنا ان نسلم على بعض .. باليد او نحب عالخد .. قالت : لالالالالالالاع

هه يعني اكيد بينتشر التخلف مادام ايبون لنا هالسيدات ..الفاهمات ..