[ .. "ناصر الرميثي" /مُصور وليس عارض أزياء..]

[missme]

السلام عليكم ورحمة الله وبركاته

باسم التصوير الفوتوغرافي وروعة تصوير البورتريت
حبييت اضيف لكم هالموضوع ياشعب مكسات

اكيد كلكم سمعتو عن العارض الازياء الاماراتي ..

فعلا انتشر الموضع بسرعة البرق ..

لكن ها ماعاش اللي يطلع اشاعات ويشوه صورة التصوير

اسمعو السالفة الله يسلمكم

الاخ / ناصر الرميثي .. مب عارض أزيـاء !



ناصر الرميثي مصور ومبدع في البورتريت !

وشنو هو البورتريت ؟
الله يطول في عمركم ..ويوفق منتخباتكم اللي تشجعونها ..
البورترت هو فرع من انواع التصوير الفوتوغارفي ..
يعني في هالتصوير يتم تصوير اشخاص

وطبعا انتشرت صوره .. والناس جي بس فيهم حكة لازم يطلعون اشاعات وقالو انه عارض أزياء .. وناس اغلطو عليه وووو .. ولبلبات .. والخ



يعني هالصور اللي تشوفونها هل هي دليل على انه عارض ازياء؟

تذكرت سالفه القرد اللي غسل قطعه السكر والله

ترى ترويج الاشاعات مب زين ^^ ..

واعتقد ان الامر مضايق الاخ .. !

فبس حبييت اوضح لكم وياريت لو توضوحون للجميع

لو كل واحد حط نفسه مكانه .. ولو كان مجال مختلف .. وخل نقول اقرب مثال البنات ..اللي الاشاعات مثل الذيل وراهم
شنو بيكون شعوركم لو حد طلع عليكم كلام

فانتبهو !

واعرفو انه مب عارض ازياء ولا شي ..
هو مصور ..

والصور اللي منتشره من تصويره .. يعني واايد ناس يحبون يصورون نفسهم وجي

والكثيير من الناس يطلعون اشاعات ويستمتعون فيها

فبنفتح محور للنقاش اهني .. :-

مـارأيك في آخر الاخبار؟ هل تتاكد منها او تصدقها وتنشر الخبر على طوووول ؟

صانعي الاشاعة ومروجيها ؟ في ظنك ماهي حالتهم النفسية\ام انه شي طبيعي ؟

هل مررت بتجربة ان احد طلع عليك اشاعة ؟ اذكر التجربة ؟

وفي الاخير سوري عالموضوع جي مخربط .. هالامتحانات خربطت وايرات مخي ..

مع السلامة

[V З И U S]

محجوز <=== عناد في كيلمو

مااخلي عنادي

السلام عليكم ورحمة الله وبركاته

و عليكم السلام و رحمة الله و بركاته

باسم التصوير الفوتوغرافي وروعة تصوير البورتريت
حبييت اضيف لكم هالموضوع ياشعب مكسات

و باسمي و باسم الشعب المكساتي اشكركِ

الاخ / ناصر الرميثي .. مب عارض أزيـاء !



ناصر الرميثي مصور ومبدع في البورتريت !

ياحبيبة ألبي أنا عرفت ناصر عن طريق سبيس ღ♥ღ لايــــــــــتــــــــــو ــو ــو ღ♥ღ

راح تلاقي صور ناصر بألبوم الصور / و له ألبوم خاص

كان عندي فضول تجاهه <=== عشانه حلوو كان على بالي فنان انا ووجهي

سألت لايتوو عنه قالي أنه إماراتي و حالياً [ لما كان يقولي ] يدرس بأمريكا

و هو محترف تصوير و عارضين عليه يكون عارض أزياء و انه وافق

سألته وأنت كيف تعرف كل هذا ؟ قالي أنه يعرفه و عنده بالماسنجر

و صورلي ماسنجره / ناصر بمجموعه لوحده و حلف لي انه يعرفه شخصياً ^^

يعني معقوله مااصدقه ؟

اعرف لايتو من سنه تقريباً و مااعرفه يكذب

الله يطول في عمركم ..ويوفق منتخباتكم اللي تشجعونها ..

فكرتيني ... ابغى اسألكـ سؤال ؟

فيه بمنتخبكم لاعب اسمه ناصر مفتاح أو محمد مفتاح

اووووووووووف نسيت اسمه مو عارفه كذا او لا

بس امي تحبه تقول لاعب فنان بس شكله تقاعد

تذكرت سالفه القرد اللي غسل قطعه السكر والله

مااعرف هالسالفه قوليها لي مسمو :سخريه: <=== اول مره احط هالسمايل

ترى ترويج الاشاعات مب زين ^^ ..

واعتقد ان الامر مضايق الاخ .. !

مو قصدي يعني

بس ليش يضايقه ؟

واعرفو انه مب عارض ازياء ولا شي ..
هو مصور ..

أنتِ من فين تعرفين كل هذا ؟

مـارأيك في آخر الاخبار؟ هل تتاكد منها او تصدقها وتنشر الخبر على طوووول ؟

مو كلها / من مجلات مشهوره و ناس اثق فيهم

<==== نشرة الأخبار المفصله

و اذا عرفت انها اشاعه انشر كمان انها اشاعه يعني اكون عملت اللي علي

مو كل شئ اصدقه مو هبله لهالدرجه انا و بعدين مااحب اظلم احد

يعني الكلام اللي فيه تجريح لشخص مااحب اقوله حتى لو كان فيه دليل

صانعي الاشاعة ومروجيها ؟ في ظنك ماهي حالتهم النفسية\ام انه شي طبيعي ؟

صانعي الإشاعات / امممممممممممممم

ممكن مقهورين من هالشخص او ماعندهم سالفه فيعملوا اشاعات على كيفهم

مروجيها / مثلي يعني

أعتقد أغلب الناس تقريباً يعتبرون من ضمن مروجيها

يعني انا كيف اعرف انها اشاعه ؟ كل الناس تقولها ومااحد انكر

هل مررت بتجربة ان احد طلع عليك اشاعة ؟ اذكر التجربة ؟

يس مره هنا بمكسات ... غبت مدة تقريباً 5 شهور

لما رجعت قالي شخص ان الاعضاء يقولون اني مت

وربي ساعتها ضحكت بجد

وفي الاخير سوري عالموضوع جي مخربط .. هالامتحانات خربطت وايرات مخي ..

ربي يوفقك و يسهل عليكـ و يوفق الجميع ^^

و يسلموووووووو مسموو عالموضوع ^.^

خلاص صدقتكـ انه مو عارض ازياء

أختكـ / لوس كلاريتا

[.:GENERAL:.]

شكرا على المعلومات ,,

والإشاعات ما تسيب حد في حاله ,,

يعني لو كان صور قاعدة أمريكية كان اصبح ضمن تنظيم القاعدة ,,

شكرا على الموضوع مرة ثانية

تحياتي ^___^

[غدير المملوحة]

اها..
وضحت الصورة..تسلمين مس مي على اابلاغ..فكل مرة يقولون لنا ان عارض ازياء.

[BLUE $TAR]

يحليلي وانا اللي مصدقة انه عارض ازياء...,,,
مشكووووره عالتوضيح...
....................

تذكرت سالفه القرد اللي غسل قطعه السكر والله

ههههههههههه....

يعني واايد ناس يحبون يصورون نفسهم وجي

.
ههههههه....انا احب اصور نفسي....<<<مب من زينج...
....................

مـارأيك في آخر الاخبار؟ هل تتاكد منها او تصدقها وتنشر الخبر على طوووول ؟

احب اقرا اخر الاخبار.....اول شي لازم اتأكد بعيدين انشر عشان اكون عارفه ان الخبر صحيح وما انشر خبر خاطئ.....

صانعي الاشاعة ومروجيها ؟ في ظنك ماهي حالتهم النفسية\ام انه شي طبيعي ؟

ربما تكون حاله نفسية او لا اعلم....

هل مررت بتجربة ان احد طلع عليك اشاعة ؟ اذكر التجربة ؟

لا و الحمدلله ان محد طلع علي اشاعة من قبل وان شاء الله مايصير....
.......................
مشكوووره عالموضوع والتوضيح....

[Ran Moory]

الســـــــــلامـ عليكمـ ورحمة اللهـ وبركاتهـ

مشكــــــــورة اختي على التوضيح

تحياتي ...........

[سراب الروووح]

هلا وغلا خيتو مسمو

ما اخبارك ؟؟؟

الصراحة انا سمعت كثير عنه ..والاكثر قالوا انه عارض ازياء

بس عموما شكرا على التوضيع

يعطيك العاااااااافية على اظهار الحقيقة

محبتي

سراب الرووح

[Rachel Benning]

السلام عليكم ,

كيف الحال مسمي ؟

بالنسبة لناصر فأنا أعطيك بشارة بأني لم اسمع عنه أبداً..

لكن الناس لن يسلم الانسان منهم .. ولو عاش في حفرة بئيسه لقالوا يخبىء الجواهر فيها ..

بارك الله فيك ان وضحتي سيرة انسان ليس له من تلك الشائعات نصيب ..

ثم مابال الصور لم تظهر ؟

نرجو رفعها على سيرفر مكسات << مشرفه

أراك بخير ..

[Sandy Allegro]

هههههههههههـ

يحليلك مسمووو

مواكبة الأحداث والرياضة والفضايح

السلام عليكم ورحمة الله وبركاته

وعليكم السلام والرحمة

باسم التصوير الفوتوغرافي وروعة تصوير البورتريت
حبييت اضيف لكم هالموضوع ياشعب مكسات

>>> ياحبي له

.
.

هي هي هي !!

أنا عارفة أنه مو عارض أزياء

مسكين الحجي .. هاوي تصوير .. وطلع عنه كلام كثير ..

تابعت قضيته .. وشفت كلام مو شي عنه .. الله يغربل الاشاعات ..

.
.



أعــــرف مصدر معلومات موثوق على اتصال مباشر مع نصوري >>>

والكثيير من الناس يطلعون اشاعات ويستمتعون فيها

ايوا الله يخارجهم

.
.

اقتبــاس من : قاسي مشـــاعر

عارض الازياء هو بالاساس مصور, مصور مختص Portrait Photographer, مهنة كنت اتمنى في يوم من الايام ان اجيدها. مصور له روح ابداعية راقية, مصور استطاع مزج الابداع الغربي التي نفتقده بالروح العربية الاصيلة.

تسائل وتسائلنا من قبله, عن سبب الاشاعات التي تلاحقه منذ مايقارب الاربعة اعوام, وماسبب كل هذه الضجة الاعلامية التي تحيط به, وماهذه الهالة التي تتسم بالتلفيق والكذب؟ تسائل عن سبب الهجوم البغيض من الصحف, والمنشورات الكويتية خصوصا, وعلمت بأنه اراد بعض الراحة فحذف معرض الصور. قرر الاختفاء والتنازل عن تميزه , قرر حرمان نفسه من نفسه وحرماننا من ابداعاته, ابداعاته التي اعجبت بها واعجب غيري بها, ابداعاته التي اعجبت كل من شاهدها, وستعجب كل من سيشاهدها.
قرر الاستسلام طلبا للهدوء وراحة البال, ولكني اعتبرها فترة اعادة حسابات وتفكير, فقد عاد للمعركة بعد ان ادرك بأن التصوير هو ناصر, وان ناصر هو التصوير. قرر الرجوع ليعلن بأنه لن يستسلم بسهولة امام اعداء النجاح, فعودا حميدا يا ناصر وهذا ما اردناه.

.
.

فبنفتح محور للنقاش اهني .. :-

مـارأيك في آخر الاخبار؟ هل تتاكد منها او تصدقها وتنشر الخبر على طوووول ؟

صانعي الاشاعة ومروجيها ؟ في ظنك ماهي حالتهم النفسية\ام انه شي طبيعي ؟

هل مررت بتجربة ان احد طلع عليك اشاعة ؟ اذكر التجربة ؟

ااااخ بس من الاشاعات ومن اللي يطلعوا الاشاعات

عن نفسي .. من يوم أسمع خبــر من مصدر .. وعقلي يستنكره ..

على طول ابدأ أبحث في صحته ..

يعني صراحة مو شي الواحد يلعب في حياة الناس ..

هذا وناصر ولد .. الأدهى لما تطلع اشاعات على بنت

ولهالحظــة !!

مو عارفة سبب مقنع أنه الواحد يطلع اشاعات .. غير الحقد والانتقام ..

مثلاً يكون زعله الشخص .. ينتقم منه يطلع اشاعة ..

يومين العالم كلها وصلته ويصدقها .. فيكون شفى غليله ..

غير كذا .. شو بيستفيد ملفق الاشاعات ؟؟؟

الله يهديهم بس

.
.

بالنسبة لاحد طلع إشاعة عني .. يوووه كثير >>> مشهورة مو بإيدي

بس الحين مو في بالي ..

لي رجعــة بعد أصفي ذهني ..

.
.

وفي الاخير سوري عالموضوع جي مخربط .. هالامتحانات خربطت وايرات مخي ..

بالعكس !!

فلاوي الموضوع

تسلم أناملكـ

وكلنا الامتحانات خربطت وايرات أمخاخنا >>>> جمع مخ

.
.
.

[ALEメA]

فعلاً الصور انتشرت في كل المنتديات تحت عنوان
"عارض ازياء اماراتي" او "ملك جمال الإمارات"

وأشكرك لأنك كتبتي الموضوع والله يكون بعون الآدمي
اشوف كثير ناس يتصورون بورترية بـ Flicker مثلا ً

بس ماعمري شفت حد ياخذ صورهم
ويقول عنهم عارضي ازياء

أتمنى انه مايتنازل عن موهبته
لانه اكيد من حقد عليه يبغا يحطمه

مـارأيك في آخر الاخبار؟ هل تتاكد منها او تصدقها وتنشر الخبر على طوووول ؟

أقرا الخبر بس ما اصدقه لو كان مستحيل التصديق
وعن نفسي مو من نوعية الناس اللي اذا وصلها خبر
تحاول تنشره على طول << طبعا هو حذر بس اكثره كسل

صانعي الاشاعة ومروجيها ؟ في ظنك ماهي حالتهم النفسية\ام انه شي طبيعي ؟

لا مو شي طبيعي
الاشاعات عمرها ماكانت شي طبيعي وتدخل تحت الكذب, او البهتان
وتدمّر بيوت,
استغرب من اخواني المسلمين اللي بيعملوا كذا..
ممكن يروح بسببها كثير ناس يعني الآن هالمصور شذنبه؟

هل مررت بتجربة ان احد طلع عليك اشاعة ؟ اذكر التجربة

لو باقول الإشاعه اخاف البعض يصدّق
او ارجع واسمعها من جديد

مشكوورة ميسمي وموفقه بالامتحانات
وبالتوفيق لكم بخليجي 18

NORY
تامرين امر يا مشرفتنا

[missme]

Los Clarita

ياحبيبة ألبي أنا عرفت ناصر عن طريق سبيس ღ♥ღ لايــــــــــتــــــــــو ــو ــو ღ♥ღ

حلوة التصاميم <<شدخل ياهانم

يعني معقوله مااصدقه ؟

بس لا ..
يعني شدخل عارض ازياء
هو بس كان يصور نفسه .. ^^ ولم الناس شافو صوره يمكن قالو عنه جي
بالعكس كل حد لم يساله يعبر عن مدى حزنه وأساه لم قالو عنه انه عارض ازياء فكيف بيوافق

فيه بمنتخبكم لاعب اسمه ناصر مفتاح أو محمد مفتاح

اووووووووووف نسيت اسمه مو عارفه كذا او لا

بس امي تحبه تقول لاعب فنان بس شكله تقاعد

.
.
لوس يالوس

اللاعب لم يترك الرياضة يقولون عنه اعتزل مب تقاعد ..

اي اسمه منصور مفتاح

تعرفي هاذي ام كشه اللي في توقيعي .. هو جي شعره يمكن من ايام شبابه وقال ماحلقه الا سنه 2006 .. في الاسياد .. وفعلا حلقه وكان في حفلة الافتتاح محلق ..
عالعموم سلمي على امج

مااعرف هالسالفه قوليها لي مسمو :سخريه:

هه الله يسلمج
في ثاني ابتدائي خذنا قصة اسمها .. " التقليد الاعمى "
يعني في ولد غسل التفاحة عشان ياكلها
قام قرده وقلده وغسل قطعة السكر عشان ياكلها
يعني المعلومة اللي كنت ابي اوصلها ان الناس صارو يقلدون ولا يدرون شسالفه

بس ليش يضايقه ؟

امم اعتقد مب عدلة انسان مسلم يكون عارض ازياء .. - في وجهة نظري الخاصة-

أنتِ من فين تعرفين كل هذا ؟

هه معانا في فلكر
بس لا .. انا عمري ماحتكيت فيه بس عور قلبي لم كل حد تكلم عنه وكان متضايق ..
كل حد كان يقوله طنش ..
يقول: شلون اطنش والناس تتكلم عني وتطلع اشاعات .. وانا اقولهم لا .. ومازالو مستمرين في الاشاعات

يعني الكلام اللي فيه تجريح لشخص مااحب اقوله حتى لو كان فيه دليل

شي حلو تصدقين

ممكن مقهورين من هالشخص او ماعندهم سالفه فيعملوا اشاعات على كيفهم

تدرين .. انا قبل فترة طلعت اشاعه .. يعني انا ووحده من الربع فكرنا فيها عشان ننتقم من المدرسه
اولا محد اهتم للإشاعة , وثانيا ندمت واايد
هه مب هو احنا مداومين 6 شهور .. وخرابيط الدوام وجي
وعلى الايام الاخيرة ..قالو بيسون حفلة .. وكانت في نفس يوم الكريسمس ..
وفي الحفلة نفسهـا .. كانو بيرشحون ملكة جمال المدرسة - الاخلاق والشطارة-
فانا قلت حق ربعي ان هالحفلة عشان الكريسمس
حتى حق ابله الانجليزي ..
بس كل حد قال لالا .. هذي اشاعه <<اكيد اشاعه عيل شلون
المهم وكل حد طقع لي بالنسبة لكلامي ..فطنشت انا ..
ومر اسبوع يمكن .. وكل حد يحاول يقنعني اني اروح الحفلة الا انا ماحب اجواء الحفلات نهائيا ..
المهم تخيلي يرجعون من الحفلة وقالو لي ان اني كنت من المرشحات ..شنو ندمت لني مارحت لن الغو اسمي لني مب حاضرة

يعني انا كيف اعرف انها اشاعه ؟ كل الناس تقولها ومااحد انكر

فعـلا ..
صعب انج تلقين اخبار موثوقة ..
لدرجة ان حتى القنوات الفضائية والجرايد وكل شي صار الواحد مايقدر يوثق فيهـا !

لما رجعت قالي شخص ان الاعضاء يقولون اني مت

الله يرحمج
ههههههههههههههههههههه
بعد عمرن طويل

، لي عودة تعبت من كثر ماقرقر .. من الصبح اللي يغربلني

[أوراق الـــورد]

مـارأيك في آخر الاخبار؟ هل تتاكد منها او تصدقها وتنشر الخبر على طوووول ؟

أتأكد منها في البداية..
فنحن نعيش في عصر الاشاعات والاقاويل الكاذبة..

صانعي الاشاعة ومروجيها ؟ في ظنك ماهي حالتهم النفسية\ام انه شي طبيعي ؟

بكل بساطة صانعي الاشاعات هم أناس مريضين نفسياً..
أو أناس تملكتهم الغيرة مع الشعور بالنقص..فيحبون تشويه صورة الآخرين حتى يقنعوا أنفسهم بأنهم ليسوا الوحيدين الذين تعتريهم صفة النقص..وعدم الكمال..
وأعتقد ان مروجوا الاشاعات هم من الفتيات ..
وتعد هواية بث الجديد من الاشاعات..هواية مميزة عندهم..

هل مررت بتجربة ان احد طلع عليك اشاعة ؟ اذكر التجربة ؟

الحمد لله..
لا..
\
\
تشكري ع الموضوع..
وبانتظار جديدك..

[Rachel Benning]

أهلاً مسمي مرة اخرى ..

أحببنا نسلم على الغالين :

NORY
تامرين امر يا مشرفتنا

بارك الله فيك .. بغيت اروح للمشرف العام وابلغه بالمخالفه ..

بس يوم شفت ان الامور عدل .. غيرت رايي





اذن هذه الصور .. اممـ ياللأسف .. ظننتها صور فاضحه

ALEメA

بارك الله فيك مرة اخرى .. لقد ارحت قلبي من التطفل ..عندما رأيتها صوراً عاديه << اي شيء مايطلع تحسبه محجوب


missme.. ايضاً من هذا المقام السامي نقدم اسمى التباريك والتهاني ..لـ ..

لـ .. لهذا الموضوع الجميل الرائع الذي يأخذ بالألباب

السلام عليكم ..

[*Light Angel*]

اهاا
الحين استوعبنا
بس شكله حلو هع
شكرا

[missme]

شكرا على المعلومات ,,

والإشاعات ما تسيب حد في حاله ,,

يعني لو كان صور قاعدة أمريكية كان اصبح ضمن تنظيم القاعدة ,,

شكرا على الموضوع مرة ثانية

تحياتي ^___^

هه اي فعـلا .. ^^
شنسوي هاي الدنـيا

اها..
وضحت الصورة..تسلمين مس مي على اابلاغ..فكل مرة يقولون لنا ان عارض ازياء.

اي .. مع ان ماكان في تصريحات حقيقة .. يعني كله كان كلام منتديات

يحليلي وانا اللي مصدقة انه


ربما تكون حاله نفسية او لا اعلم....

لا و الحمدلله ان محد طلع علي اشاعة من قبل وان شاء الله مايصير....
.......................
مشكوووره عالموضوع والتوضيح....

اي فعلا اتوقع انها حاله نفسيه
والعفو

الســـــــــلامـ عليكمـ ورحمة اللهـ وبركاتهـ

مشكــــــــورة اختي على التوضيح

تحياتي ...........

العفو

[Angel Face]

سلام !!!

شباب في إلتباس في موضوع عارض الأزياء الاماراتي...

هناك فعلا عارض ازياء اماراتي ولكنه ليس ناصر

انا كنت من اللي يتحرون ان ناصر هو العارض الاماراتي بس المسكين طلع مصور محترف و يحب يصور عمره

المهم عارض الازياء الاماراتي اسمه أحمد الهاشمي.. بس للأسف ما لقيت له صوره في النت

انا اتذكر اني قاريه عنه في جريده خليج تايمز قبل كم من سنه على اساس انه اول عارض ازياء اماراتي وكان حينذاك طالب في جامعه دبي الامريكيه

وشكرا!!