وش رايك............؟

[مصرقع التحلية]

السلام عليكم ورحمة الله وبركاته



اخواني واخواتي اعضاء منتديات مكسات

احب اسألكم سؤال وهو


وش رايكم في قيادة المرأة للموتر (السيارة)

ولماذا ؟

[m.h.h]

يا أخي خلي الرجال يسوقوا زي الناس بعدين تعال أتكلم..


شكل أولاد التخلية خربوك يا واد

[غدير المملوحة]

سياقة المرأة للموتر؟
الموتر تقصد فيه السيارة؟
اذا كنت تقصد فيه السيارة
فهو شي زين
تشيل حمل اهلها عنها ..

[* The Empress *]

نعم ..ليه لا!
ولكن..مثل ما قال الاخ:

يا أخي خلي الرجال يسوقوا زي الناس بعدين تعال أتكلم..

بعدين خلي المرأه تسوق

[aneta**]

أنا أوافق أن المرءه تســـــــوق ^^

لازم المســـــاواه ^^

و أحســن عشان تروح السوق وحدها ^^

[matt the best]

شكل أولاد التخلية خربوك يا واد

تحلية الرياض تختلف عن تحلية جدة يا افندم

[سراب الروووح]

لن اجادل ولكنني ولله الحمد في دولة خليجية تسمح للمراة بقيادة السيارة

وسأقودها قريبا ..

شكرا لك اخي الكريم


اختكم

سراب الروووح

[super_girl]

احنا طبعا عندنا السياقة للمرا عادي جدا ومسموح بس المعاسكات ما تخلص
بس الوضع الامني حتى ما اثر فينا والسياقة اشوفها اعتيادية بالنسبة لنا احنا اصلا حلوات ونركب سيارات تجنن شوفواعاد

[matt the best]

احنا طبعا عندنا السياقة للمرا عادي جدا ومسموح بس المعاسكات ما تخلص
بس الوضع الامني حتى ما اثر فينا والسياقة اشوفها اعتيادية بالنسبة لنا احنا اصلا حلوات ونركب سيارات تجنن شوفواعاد

لاااااااااااااااااااا

احنا اصلا حلوات ونركب سيارات تجنن

اف اف اف

قوية

[مصرقع التحلية]

مشكورين على ارائكم الحلوة


لكن انا ما اوافق بسبب المشاكل اللي بتجي

من الشباب الجاهل والمتخلف

وما عنيت احد علشان ما تزعلون

وسلامتكم

[Blanc Jasmin]

تسلم على الموضوع الطيب

من وجهه نظري أنا أشوف أن في فترة من الفترات صارت المرأة تسوق بهمجية لا تحاسب أبدا أنه مثلا عندها أطفال راكبين معها لكن الأسطوانة رجعت من جديد وهو أن الرجال مع احترامي الشديد صاروا ما يعرفوا يسوقوا بالطريقة الصحيحة واليوم بالتحديد شفت 3 حوادث وسببها رجال من مختلف الأعمار

وبالنسبة للمرأة فأنا أشجع السواقة للي تعرف تسوق عدل لا تفضح نفسها مع الرجال ويصير اسمها على كل لسان " فلانه ما تعرف تسوق أو ما شابه" حتى النساء لبعضهن البعض يتكلمن عن نفسهن فالواحد يتقي ويأخذ بيديه الحيطة والحذر

تشكرات

[عاشقةالمستحيل]

راي ..

بتمنى أنهم بيخلو حريم السعوديــة يسوقوا سيارات ..

ويثبتو قوانين ضد التعرض للحريم بالمعاكسات أو أي خلافاً كان


ولكن متي او الى متى . .؟

سوف يوافقو

وشكراً ..

[Angel Face]

قياده المراه للسياره من ضروريات العصر

على الاقل مشاويرها الضروريه تسويها بروحها

واذا ما بتسوق على الاقل يكون عندها رخصه سياقه .. يعني ما تتلعوز يوم تتأزم

وشكرا عا الموضوع

[بحر الحنين]

انا عن نفسي اتمنى اسوق..........وياليت....
ومن ناحيه ثانيه...بصراحه مدري وشلون بتخيل شكل الرياض لو سقنا......
الحين بس الرجال يسوقون..والزحمه اعوذوا بالله....لازم تطلع قبل ساعه من الموعد المحدد ويالله بعد تلحق....

[مصرقع التحلية]

الصراحه محد موافق غيركن يالبنات

مدري ليش

ابغى جواب وماني لاقي

[m.h.h]

أقول في النهاية السواقة لها إيجابيات وسلبيات والثانية أكثر من الأولى..

ضررها أكبر من نفعها..

ومو إحنا إلي حنقرر في النهاية الأمر راجع لحكومتنا الرشيدة..

[عربجيه ناعمه]

احسن شي البنت تهجد في بيتهم ..

وش بتنفعها السواقه اذا حدوها ثنين ولا خمسه بزاوية ولا رصيف والله لا تلعن الساعه اللي ساقت فيها ..

وعلى كذا يبي للمرأه بودي جارد ولا محرم جنبها يمنع الشباب من معاكستها .. يعني ما جبنا جديد ..

وبعدين تراكم يا بنات منعطين وجه بزياده .. يعني من غيرك فيه واحد مسكين يوديهاويجيبها متى ما بغت ؟؟

من غيرك عندها واحد يشيل هم البنزين والاسعار حقته .. واللي يغير الكفرات لي بنشر بها في نص الطريق .. ولا الشغله اللي ما تعرفون عنها واللي هي التأكد من وزن وخفة الاطارات قبل السفر ولا المشاوير الطويله ..

اقول يا بنات تحمدوا ربكم وبوسوا ايدينكم وجه وقفا ..

ترانا بنعمه ولله الحمد ..
ولا هي سيارة ولا سواقه اللي بتحدد قيمتك ولا مستواك ..

كبروا عقووووووووولكم تكفوووووووووووون ..

[~ نـبـيـلـه ~]

من وجهة نظري

المرأه المحترمه المتحجبه و إلي تحتاج للسياقه حاجه ماسه و لظرف معين تستحق الرخصه

و المرأه الي حجابها عايفنها و اتسوق عسب مظهرها بين صديقاتها و تباهيها ما تستحق الرخصه

و خير الكلام ما قل و دل


~ نـبـيـلـه ~

[coco crazy]

السلام عليكم
موضوع مفروغ منه ومع ذلك لايزال فيه نقاش عنه
المرأه السعوديه لن تقود السياره
ليش ؟
لعدة اسباب
اولا : الوحده مع ابوها أو اخوها يالله تسلم من الأوباش وشولون عاد لو صارت لحالها
ثانيا: بعض الحريم يخربن على الحريم ..وشلون ..يعني لو اكثر الحريم وافقوا ونادوا بأحقيه قيادتهم للسياره كان ممكن يصير شي واحتمال كبير يطنشونهم لان المراه في البلاد العربيه مستحيل ينسمع صوتها الا في ما ندر وعلى حسب شخصية المراه
ثالثا: اكثر النساء وللأسف حقوقهم ضايعه وجايين ينادون باحقية قيادة المرأه للسياره
خلو بعض الرجال اولا يؤدون حقوق زوجاتهم وبناتهم عليهم , خلو المجتمع اولا يرحم المرأه من نظراته القاسيه
اذا ماتزوجت تكلموا فيها ,وان تزوجت وش فيها ما تجيب عيال ,وان صارت مشكله بينها بين زوجها تدخلوا وقالوا هي الغلطانه حتى لو كان هو الغلطان عيني عينك وان تطلقت ياويلها وياسواد ليلها وان ترملت بهد نفس الشي والــــــــــــلـــــــــــه يــــخارجـــــــنا
رابعا:اصلا اولياء الامور مستحيل يخلون بناتهم يسوقون واغلب البنات يخافون وراح تصير مشاكل كثييييييييير في المجتمع تكثر الفتن وهي اصلا كاثره والله يخلف وبيصير زحمه وحوادث
الكلام عن هالموضوع كثير ومتشعب بس لا تنسون انه فيه ايجابيات مثل مافيه سلبيات وهو انه راح يزدهر سوق المال ويربح اصحاب المعارض واصحاب المحطات وتكثر الوظائف النسائيه وكلام كثير وقرقر كثير كثير
وفيه ردود اعجبتني منها

يا أخي خلي الرجال يسوقوا زي الناس بعدين تعال أتكلم..

حلو هالرد !!

تشيل حمل اهلها عنها ..

ما اعتقد ياغدير ..اهلها وراها وراها

أنا أوافق أن المرءه تســـــــوق ^^

لازم المســـــاواه ^^

و أحســن عشان تروح السوق وحدها ^^

وانا رايي مثل رايك بس بالنسبع للسوق فهو مو كل شي في حريم حاجتهم اهم من السوق مثل مستشفى او وظيفه صح ولا لا ياقلبي ؟

تحلية الرياض تختلف عن تحلية جدة يا افندم

ماادري عن تحلية جده بس اعتقد انه زيد اخو عبيد

لن اجادل ولكنني ولله الحمد في دولة خليجية تسمح للمراة بقيادة السيارة

وسأقودها قريبا ..

رد قوي وصريح , واعجبني وهذا الاخير هو الاهم

احنا طبعا عندنا السياقة للمرا عادي جدا ومسموح بس المعاسكات ما تخلص

وانتي تقولين ,وبعدين المساله مو معاكسات وبس الا خطف واعتداء وسرقات ومشاكل !!!

من الشباب الجاهل والمتخلف

والله انك قلتاها يامصرقع وهذا هو الداء فأين الدواااااء

ويثبتو قوانين ضد التعرض للحريم بالمعاكسات أو أي خلافاً كان

ابتسمي فانتي في السعوديه !!

ولكن متي او الى متى . .؟

اذا حجت البقر او اذا عجزنا وراحت علينا (وحده تحطم!!)

قياده المراه للسياره من ضروريات العصر

كلاام سليم بس مين يسمع!!

على الاقل مشاويرها الضروريه تسويها بروحها

ياويلك بياكلونك ..الحين عند بعض الناس المراه ممكن انها تنحرف مع الهوا وشلون عاد لو راحت بروحها مثل ماقلتي !!كلامك صحيح اولا واخيرا

انا عن نفسي اتمنى اسوق..........وياليت....

وانا اكثر واكثر

...بصراحه مدري وشلون بتخيل شكل الرياض لو سقنا......

حتى انا ؟؟!!

وش بتنفعها السواقه اذا حدوها ثنين ولا خمسه بزاوية ولا رصيف والله لا تلعن الساعه اللي ساقت فيها ..

اما موقف !!وعشان بعض الشباب اعوذ بالله الشيطان اهجد منه وابرأ !الا الشيطان هو اللي يتعلم منه اللعانه!!

وبعدين تراكم يا بنات منعطين وجه بزياده .. يعني من غيرك فيه واحد مسكين يوديهاويجيبها متى ما بغت ؟؟

بس النفس في طرف الخشم
ومو كلهم عندهم من يوديهم ويجيبهم على قولتك !!ومتى ما بغت , والله فيه حريم عندهم ظروف

اقول يا بنات تحمدوا ربكم وبوسوا ايدينكم وجه وقفا ..

الحمدلله على كل حال
واعتذر على الاطاله
باي