اخر تعديل كان بواسطة » ♥ .. Blue في يوم » 24-06-2017 عند الساعة » 03:13
من الحلويات العربية المعروفةشخصيا مو مره معاها و اول مره اسويها برمضان .
قوام المفروكة على علمي يكون ثقيل و اقرب للعجين تقريبًا .. لكن انا مسويتها لأخواني و الي يحبونها تصير مفككة
فلو تفضلوها مفككة كمان فسوو كل خطوات التحضير والي هنبهكم بها كمان بالطريقة باستخدام محضرة الطعام
+ هكتب لكم الوصفة نفس ما خذتها ، لكن انا قللت فيها ماء الزهر و كنافة
- 200 قرام فستق مطحون ، بالكوب المعياري جا معي تقريبًا كوب ونص و ماهو مطحون تمامًا
- كوبين كنافة .
- كوب سكر مطحون بودر .
- ملعقتين أو 3 ملاعق شيرة .
- ملعقتين ماء زهر .
- قشطة ، الافضل تستخدموا قيمر ولو م توفرت فالموجود
أولًا نضع الكنافة بمحضرة الطعام و نطحنها لين تصير ناعمة
الكنافة الي انا مستخدمتها أصلا باقي زايد من كنافة مصلحينها من فترةفمخلوط معها زبدة و صارت معي كذا
لكن معاكم هتكون النتيجة جافة اكثر مو نفس الصورة
هالخطوة ماهي مهمه و فيه ناس تستغني عنها، انقلو الكنافة لمقلاة و قلبوه بقليل من الزبدة لدقيقة أو 2 ..
طبعا أنا كنافتي خلقة شبعانة زبدة مو محتاجة زود
زي ما قلت .. مو لازم حتى يتغير لونه لكن شخصيا ما اشوف فايدة احطه بالنار إلا و انا محمرته < قصدك شبه تحرقيه اذا م حرقيته اصلا
نرجع الكنافة للمحضرة + نضيف لها الفستق ..
ممكن تحطو السكر كمان بهذي الخطوة لكن أنا حبيت اخلط الفستق أولا
و الحين نحط السكر و نكمل خلط بالمحضرة ~
طبعا نفس م قلت فوق ، اخواني يحبوها تصير مفتفته ، فهنا انا هطلعها برا المحضرة و احطها بصحن عادي واسوي الباقي بيدي
لكن لو حابين قوامها يصير اثقل ف المحضرة اسهل و اسرع لكم ^^ سوو باقي الخطوات بالمحضرة
نضيف ماء الزهر و تخلطين كانك تفركيها بيدينك + انا حطيت ملعقة وحدة فقط
ثم نحط الشيرة و نخلط نفس فوق كانك تفركينها< وصف خطير
أذكر كنت مجهزه صورة لشكلها بعد " الفرك " لكن مدري وين طارت الصورة
المهم بعد هذا كله غطوها بقلات و خلوها ساعة بالثلاجة تبرد ..
و اذا كنتم مسوينها بالمحضرة بحيث تكون ثقيلة كوروها و غطوها بقلات برضو للثلاجة ساعة ~
بعد الساعة دي نجيب القوالب و نحط من الخلطة عليها
ثم القشطة
طبقة ثانية من الفستق و تادا .. خلصنا
تحطون فوقها ملعقة شيرة زود لو حابين
انا ما احب زود الفلسفة بالزينه و عندي شكلها كذا بركةبس ممكن تزينوها بكريمة او زود قشطة .. او ورد .. الي يناسبكو
إذا أنت من فانز الكريمة هذا الشيء 100 بيعجبك إن شاء الله ، لكن انا مو من فانزها< م تحبها
لكن مع ذلك تظل شيء ظريف تحلي فيه بعد العشاء أو الفطور الرمضانيهذا اول تطبيق لي لها كمان و عطاني أكشن خاصة بالأغراض
مع ان اغراضها سهله لكن سواقنا الله يهديه حاسنا شوي غير اني مصلحته ع اللحظات الاخيرة كمان
هالشيء من الحين اقولكم ، صلحوه قبل بليله مو بنفس اليوم
- 9 صفارات بيض ، للي م يعرف يفصلهم يشوف بعض الطرق هنا .
- ثلاث أرباع كوب سكر أبيض .
- كوبين كريمة خفق .
-ربع ملعقة صغيرة ملح .
- كوب حليب .
- ملعقتين صغيرة فانيلا سايلة .
أولًا تتم إضافة السكر " لحاله بدون ماء أو أي سائل " في قدر عميق .
نولع عليه نار هادية ، ما نحرك السكر أبدًا بالملعقة و نخليه زي ما هو بدو أي تحريك
بدون أيش ؟ بدون تحريك يعني لحد يتلقف و يحرك القدر خلوه هاجد محله
مع الوقت بيبدأ يذوب السكر ببطئ ، برضو خلوه محله بدوووووووووون تحريكالملعقة ممنوووعة
خلوه معاكم كذا لين يبدا يغلي شوي و يطلع فقاعات ، حزتها حركوه بس مو بالملعقة الملعقة قلنا ممنوعة
امسكو اطراف القدر نفسه وهزوه\حركوه لين يذوب معكم السكر تمامًا .
التقاطة سريعة جدًاطبعا انا كنت لاهية مع السواق و نسيت السكر فعشان كذا تشوفو حتى فقاعاتي واجد بالصورة
الزبدة انتبهو ولا تكلمو حد مهما طال الانتظار عشان يذوب السكر
بعد م يذوب السكر تمامًا نحط كوبين من كريمة الخفق .. الطبيعي انه زي الي بيفوح عليكم ، يعني كانه يغلي و هيكون حار جدًا .. فانتبهو
+ الطبيعي انه برضو بيكتل معكم شوي لكن انتم بس كملو تحريك و شوي شوي بيذوب معكم ..
لكن في حالتيكنت قد طفيت النار ع السكر بعد ما ذاب عشان خفت يحترق .. سواقنا كان لسه م جاب باق الكريمة الخفق و كان الي عندي حده كوب
فما كتل معي يوم اضفت الكريمة الخفق مع اني رجعت اسخنه
لكن اقولكم هالجريدة عشان هالسطر المفيد " طبيعي يكتل معكم ، انتبهو لا تتسببو باصابات داخل المطبخ "
بعد ما تخلطو كريمة الخفق مع السكر و يذوب معاكم كلش تمام ، طفو عليه النار و اضيفو
الملح + الفانيلا + و الحليب و اخلطوهم بحيث يتمزجو فقط ~
ثم خذو مغرفة فقط من الخليط و انقلوه للبيض .. بالعربي لا تصبو خلطة السكر ف البيض مره وحدة
اخلطو البيض و الجزء الي خذناه من خليط السكر مع بعض ، ثم خذو جزء بسيط 2 يجي بس غرفة وحدة و اخلطوهم ^^
ثم صبو باقي خليط السكر و كملو خلط لين يتمازوجو و انقلوها لصينية أو حاجة .
الافضل قبل لا تنقلوها لصينية التقديم ، تجيبون منخلة الي تنخلو فيها الدقيق عادي
و تصبو الخلطة فوقها ب صحن 2 كبير ، عشان لو فيه شيء تكتل معكم بالبيض يصفيه لكم .. لكن انا كنت مستعجلة و م سويت هالخطوة
الحين تصبون الموية على صينية الفرن لين نصها ، لو صينية الفرن حقتكم مسطحة و م تقدر تشيل موية .
حطو صينية الحلا بوسط صينية 2 اكبر منها و صبو الموية حولها لنصف .
تدخل بفرن مسبق الحرارة بدرجة 300 F أو 148.8 C لمدة 45 دقيقة إلى ساعة كاملة .
أنا بصراحة قعد معي أكثر من كذا يمكن يجي من ساعة ونص لساعتين أذكر
تقدرو تميزو إذا استوى بالملعقة أو تحركون الصينية ، لو الوسط اهتز معناه م استوى ، لو الكريمة كلها اهتزت بنفس الشكل فهو تمام
تخلونه يبرد تمامًا في درجة حرارة الغرفة ثم تدخلونه الثلاجة لفترة لين يبرد
أخيرا وصلنا لصنف الأخيرشوكليت بودينغ
ماني من فان البودينغ برضو بس هذا كان كويس
و أهم حاجة . س ه ل جدًا
و ماقاديرها سهلة بالنسبة لي لأني موفرتها ، لكن فيه شيء ممكن ماهو متوفر بكل بيت و هو " Rice flour "
لكن بدل م تتعبو نفسكم و تبحثو عنه ، لو مكانكم هحط دقيقة عادي و اجرببيختلف معكم شوي بالنتايج بس ع حد علمي ما هيكون ذاك الفرق برضو
- كوبين حليب كامل الدسم .
- ملعقتين كبيرة نشاء .
- ملعقتين كبيرة كاكاو بودر
- ملعقة كبيرة دقيق أرز .
- ربع ملعقة صغيرة ملح .
- نصف كوب سكر .
- ثلاث ملاعق كبيرة من كريمة الخفق .
- 50 غرام شوكولاته دارك ، بالمعياري يصير ربع كوب و شششوي .
- فانيلا سايلة .. بصراحة ما احطها بالوصفة كل مره أنسىما تأثر واجد
.
نخلط الدقيق + السكر + النشاء + الكاكاو بودر + الملح مع بعض
نصب فوقهم الحليب ع دفعات مع الخلط عشان يذوب السكر و تتمازج المكونات .
ينقل على نار هادئة و تستمرو بالتحريك ، لين تبدو تشوفو بعض الفقاعات تطلع بسبب الحرارة و الخليط ثقل شوي معاكم ..
خطييين تحت ثقل معاكم مو تشوفو فقاعه تنط بوجهكم و تقولو تمام كملو تحريك لين تحسو القوام ثقل شوي .
إن شاء الله القوام واضح بالصورة
بعد م يثقل معاكم بشوي اضيفو كريمة الخفق + الشوكولاته و حركوهم لين يتمازوجو و تذوب الشوكلت
بعدها تبدو تنقلوه للقوالب
خلوه يبرد بحرارة الغرفة ثم انقلوه للثلاجة لين موعد التقديم ^^
كل م برد كل م ثقل اكثر ، يعني لو ما حسيتو القوام صار اثقل بتكه وهو يبرد بحراره الغرفة فاعرفو ان عندكم غلط و الي هو غالبا ما خليتوه يثقل كفاية قبل م تحطو الشوكليت و الكريمة .
لكن لا تخافو لو صار هالشيء لا تكبونه .. جيبو اسبريسو + زيادة حليب + ثلج + شوي من البودينغ الذي فشل
و اخلطوهم بكاس و عوافي
وبس و بكذا تنتهي مشاركتي لمسابقة القيرل للمرحلة الاولىبصراحة كنت مجهزه حلا رابع بس لو هصمم له برضو اظن م هنزل موضوعي الا بكره والي ما اظن احصل وقت فيه ابد
بحفظ الله 3>
السلام عليكم ^^
من الصور يبين كلشي لذيذ
سلمت يداكي
موضوعك مرتب و أنييق![]()
-
ماشاء الله كل صنف يقول الزود عندي
مشكلتي فوح السكر مسبب لي رعب لتجارب قديمة xd فافضل الجاهز او اختي تفزع لي
تسلم يدك و للسائق اللي كان له بصمة خفية في الموضوع
-
اللهم انصر إخواننا المسلمين في جميع أنحاء العالم ، اللهم عليك بأعداء الإسلام والمسلمين
اللهم ارفع الكرب و الشدة و الظلم عن سائر بلاد المسلمين
و احفظ أعراضنا وأعراض المسلمين في كل مكان ، يا حي يا قيوم
لا أستقبل دعوات للمواضيع في الملف !
~
السلام عليكم ورحمة الله وبركاته~
أخيرًا شفت مواضيع المسابقة <~ متحمسة أشوف كل المواضيع الثانية![]()
كلّ الوصفات شكلهم يشهي الصراحة
عاد تصدقي، ولا مرّة اشتغلت مع الكنافة والحاجات العربيّة دي، لكن شكل المفروكة جدًا سهلة وطالعة لذيذة
الوصفة الثانية أنا معك مو صحبة مع الكاسترد وهالحاجات، لكن الكراميل المالح صديقيوشكلها لذيذة، يمكن اجربها واعلّمك بالنتائج
![]()
لكن ياريت لو حاطة صورة للشكل النهائي بعد ما تجمد نفسي اشوف شكلها بالأخير
آخر وحدة منجد سهلة
وشكلها خرندعيّة الصراحة،،
عاد البودينغ احبه <~ صحيح يشبه قوام الكاسترد بس احبه وما احب الكاسترد
يعطيكِ ألف عافية يا الجميلة
وبالتوفيق لكِ..~
اخر تعديل كان بواسطة » Я I Т Λ في يوم » 25-07-2017 عند الساعة » 17:28
▲▼
عدد زوار الموضوع الآن 1 . (0 عضو و 1 ضيف)
المفضلات