|مرسى نقاشات الأفلام |

[kiwiz]

The 5th Wave

[AL PIONEER]

اخذت لفّه على القناة السعودية الثانية .. يازين الافلام الي تجي فيها
صحيح انها قديمة بس جوّها عليل xD

[PopGamba]

^^

اذكر على ايام البث الارضي
يوم الخميس الساعه 1 او 2 بعد منتصف الليل كانت تجي افلام محترمه كنا نسهر عشان نتابعها
--------

عندي سؤال لكل واحد فيكم ..
ماهو الوقت المفضل بالنسبة لك لمتابعة الافلام؟
و هل تتابع افلام بشكل يومي او شبه يومي؟
و هل يكفيك باليوم فيلم واحد او فيلمين او ثلاثة؟

[AL PIONEER]

ياخي ايام ماتنّسى ..#

..
وقت ما اكون فاضي فالليل طبعًا خصوصًا فالويك اند .

شبه يومي .

احيانًا فلم باليوم او فلمين واحيانًا انقطع عن الافلام فترة .. اكمل حلقات المسلسلات الي تنقصني .
بديت ارجع اتابع الافلام القديمة افلام ايام الـ تسعينيات

[* RA!N *]

ماهو الوقت المفضل بالنسبة لك لمتابعة الافلام؟
من الساعه 11 الليل حتى 5 صباحا هذا افضل وقت ^^
و هل تتابع افلام بشكل يومي او شبه يومي؟
مسلسلات يوميا اما افلام لا لي 4 ايام حتى الان لم اشاهد اي فيلم
و هل يكفيك باليوم فيلم واحد او فيلمين او ثلاثة؟
غالبا فيلم واحد واحيانا فيلمين

[K ! R A]

ماهو الوقت المفضل بالنسبة لك لمتابعة الافلام؟
من 10 الى 5 صباحًا ، مثل رين تقريبًا

و هل تتابع افلام بشكل يومي او شبه يومي؟
على حسب المزاج ، والفضاوة ، صار لي فترة ما اتابع ،
اخر فلم داديز هوم تابعت نصه

و هل يكفيك باليوم فيلم واحد او فيلمين او ثلاثة
على حسب الفراغ و مزاجي ، اكثر عدد شفته 4 افلام ، نادرًا جدًا ،
قبل كم شهر كان فلمين ، حاليًا فلم واذا تحمست اثنين

يعطيك العافية

[EnG.aLr7aL]

عندي سؤال لكل واحد فيكم ..
ماهو الوقت المفضل بالنسبة لك لمتابعة الافلام؟
و هل تتابع افلام بشكل يومي او شبه يومي؟
و هل يكفيك باليوم فيلم واحد او فيلمين او ثلاثة؟

بعد الساعة 12 إلى الساعة 9 الصباح
-
يعتمد على المزاج
مرات بنفس اليوم أكثر من فلم
ومرات يمر شهر ما تابعت فيه ولا فلم
،
إذا كان الفيلم الاول ممتع جداً أتابع فلم ثاني
بس في الغالب ، فيلم واحد باليوم كافي

[Jαωαd]

أفضل وقت بالنسبة لي لمشاهدة الأفلام هو أي وقت أكون فيه لوحدي....هدوء+يمديني أركز وي الفيلم
-
بين فترات متباعدة
-
واحد ونادرا أشاهد ثنين بنفس اليوم

[K ! R A]

X-Men Days of Future Past 2014

انتهت قبل كم يوم من اخر فلم من سلسلة اكس مان ،
الفلم جميل ، بس مو مثل مدح الناس له ، يعني الفلم عادي ،
مع ان الكثير قالو بأن الفلم هذا افضل فلم في السلسلة ، بس في فلم
بداية السلسلة افضل منه ، ماعرف أي جزء ، بس افضل منه في نظري ،
كنت تمنى التركيز على الماضي أو الحاضر ، فما عجبني تركيزهم على الاثنين ،

التمثيل رهيب ، ونشوف الجزء القادم

8/10

[* RA!N *]

شفت عدة مراجعات لبات مان ضد سوبر مان المراجعات سلبيه وتحطم لييييييش !!!
ليست سيئه جدا لكن كفيلم مثل هذا الفيلم المفروض ماتقل عن ممتاز ><

[K ! R A]

شفت عدة مراجعات لبات مان ضد سوبر مان المراجعات سلبيه وتحطم لييييييش !!!
ليست سيئه جدا لكن كفيلم مثل هذا الفيلم المفروض ماتقل عن ممتاز ><

ممكن يكون مقلب ،
لأن افلام السوبر هيرو ، دائمًا تكون مكتسحة ،
وهذا الفلم له جماهير ينتظروه

[S A L E M]

شفت عدة مراجعات لبات مان ضد سوبر مان المراجعات سلبيه وتحطم لييييييش !!!
ليست سيئه جدا لكن كفيلم مثل هذا الفيلم المفروض ماتقل عن ممتاز ><

طبيعي لأن الناس من فترة طويلة كانت متوقعه شيء عظيم من الفيلم
و الآن مثلا أجاك نقاد و يعيبوا في بن أفليك أنه مطلع باتمان كبير في العمر ... ألخ

يعني أشوف صعب ينال الفيلم اعجاب الجميع
اكيد الردود والنقد السلبي وارد

لكن الصراحة ما اعرف كيف مستوى الفيلم
ومو كثير مهتم فيه مثل بقيت الناس


+

أنا ما اعجبني غير فيلم ديزني الأخير Zootopia
ظهر من دون توقعات عالية ، وحقق نجاح كبير ونقد ايجابي في النهاية
اقدر اتحمس أكثر مع هذه الافلام

[K ! R A]

^
دائمًا الافلام العائلية و الانميشن ، تشوف نجاحها اكبر من الافلام الثانية
حسب نظرتي ، أشوف اغلب العوائل يروحو سينما عشان يلّهو عيالهم ،
وما يكون لهم اهتمام بالقصة والاعجاب والخ .. المهم يشوفو عيالهم مستانسين ،

أما الشباب دائمًا ما يبحث عن القصة ، والخ .. ،
وممكن ما ينجذب للافلام الثانية ، وممكن الفلم نفسه يكون ممتع
مثل ذا مارشن السنة الي فاتت ، الفلم عادي وما يبي له تفكير ولا شيء ،
عادي العوائل يشوفوه ،

+

اما فلم باتمان ، ما اظن بنشوف مدح للفلم
انا ما انجذب لافلام السوبر هيرو ، بس ما افكر اشوفه حتى لو كان موجود مدح ،
اما انتقادات ونقد سلبي ، حتى لو بفكر اشوفه ما راح اشوفه

+

لو يخلو الشخصيات في حالهم ، ويدورو لهم شخصية جديدة من الكوميك أحسن لنا ،
كريستيان بيل قدم الشخصية بشكل مميز ، فخلوها في حالها ،
لازم يخربو الشخصية مرة ثانية ، مثل الجوكر
هيث لادجر قدّم الشخصية بأفضل صورة ممكنة ، ولو حاولو من اليوم للسنين الجاية
ما راح يوصلوا لقوة اداءه والكاريزما ، صار الكل اذا جابوا اسم الجوكر ، على طول يجي
شكل هيث ، مع ان جاي فلم اظن فيه الجوكر / بس اتوقع ما يكون مثل التطلعّات ويكون عادي أو اقل من عادي ،

[Emily ~]

^
دائمًا الافلام العائلية و الانميشن ، تشوف نجاحها اكبر من الافلام الثانية
حسب نظرتي ، أشوف اغلب العوائل يروحو سينما عشان يلّهو عيالهم ،
وما يكون لهم اهتمام بالقصة والاعجاب والخ .. المهم يشوفو عيالهم مستانسين ،

بالعكس بعض افلام الانيميشين فيها كمية ابداع من كافة النواحي
ومو شرط تكون كلها الوان وكواته xD



هالفلم اصبح من رموز الهالويين وممكن تشوف جمجمة جاك بكل مكان
من افلامي المفضلة ولو اعيده مليون مرة مستحيل امل منه




آيضا عمل جميل يكفي انه من بطولة جوني ديب و اخراج برتون 3>




هالفلم فيه كمية سودواية ويخوف آكثر من افلام الرعب xD

[EnG.aLr7aL]

^
غريبة ما أذكر إني شفت هالافلام ، رغم إني من محبي أفلام الانيميشين
بضيفهم باللستة إن شآء الله ^^

[K ! R A]

نكتب النص من جديد ، وش ذي المشكلة

//

Wild Tales

الفلم يتكلم عن 6 قصص مختلفة في الشخصيات و الاحداث ، ولكن تبين فكرة معينة وهي
انفعالات الانسان والى اين تصل .

الفلم رهيب ، التصوير وزواياه رهيب جدًا ، وراح تستمتع وانت تشوف الفلم
الساوندتراك رهيب بعد ، وراح تستمتع فيه

القصة الاولى ،
الطيارة

القصة جيدة ، وتقدر تقول تعريف بالفكرة الرئيسية للفلم مع انها قليلة الاحداث ،
بس حمستني اني اوقف الفلم واشوفه على التلفزيون بدل اللابتوب

القصة الثانية
المطعم

القصة جيدة ، مع انها غير منطقية ، يعني كره شخص معين لا يدفعك للوصول لهذي النتيجة
فأشوفها مبالغة نوعًا ما ، لكن جميلة

القصة الثالثة
السيارة والشجار
القصة رهيبة ، راح تستمتع فيها ، راح تشوف مناظر طبيعية رهيبة مع احداث تشد واكشن يعجبك
واشوف انها واقعية مع شوية مبالغة ، يعني لو تصير بالبلدان العربية ممكن توصل لمرحلة أقل من الموجود
في الفلم ، بس ما توصل مثل الفلم ، النهاية رهيبة عالعموم

القصة الرابعة
الحجز على السيارة

احلى قصة في الفلم ، الفلم يلامس الواقع ، وممكن تنفعل مثل البطل ويصير الي يصير
انا لو كنت مكانه ممكن يصيدني مثل الانفعال ، عجبني بعد النهاية ظهوره كبطل للشعب

القصة الخامسة
الاغنياء والجريمة

القصة هذي كانت جيدة ، وحلوة ، عجبتني فكرة الاب وبعد طمع البقية حاول يفقد ابنه
والنهاية رهيبة ، وحققت الفكرة الرئيسية للفلم

القصة السادسة
الزواج

لم تعحبني هذي القصة ، حسيتها مملة ومافيه احداث تشّد
كانت تحاول تركز على الكوميديا ، فما عجبتني ، والنهاية ايضًا ما عجبتني

8/10

[K ! R A]

بالعكس بعض افلام الانيميشين فيها كمية ابداع من كافة النواحي
ومو شرط تكون كلها الوان وكواته xD



هالفلم اصبح من رموز الهالويين وممكن تشوف جمجمة جاك بكل مكان
من افلامي المفضلة ولو اعيده مليون مرة مستحيل امل منه




آيضا عمل جميل يكفي انه من بطولة جوني ديب و اخراج برتون 3>




هالفلم فيه كمية سودواية ويخوف آكثر من افلام الرعب xD

شيء طبيعي افلام الانميشن تكون الابداع فيها اكبر من الثانية
لأن تجسيد الخيال بانميشن اسهل من الواقع ،
عن نفسي ما اشوف اني اميل لافلام الانميشن ،
اشوف انمي احسن من فلم انميشن

[K H A]

مرحبا >> تحيي نفسها اول مره ادخل نقاش الافلام

في فلمين انميشن انتظرهم جدآ ومن خلال متابعتي ل التريل حقهم حبيتهم XDD
عجبني فيها الجانب الكوميدي ورسهم الشخصيات بشكل غريب "$$
الاول فلمThe Secret Life of Pets



والثاني The Angry Birds

[PopGamba]

افلام الانميشن من نجاح الى نجاح.

وطبعا هذي الافلام تحتاج فكرة جديدة ولازم ينال اعجاب الكبير والصغير اما قديما كانت منطوية على الاطفال فقط.

وديزني يبرز ابداعها في هالنقطة.

وفي امثلة على الافلام اللي مانجحت
كمثال فيلم
Norm of the north
من انتاج استديو
Lionsgate
تقييمه 3.5 في imdb
وتقييمه 8% في rotten tomatoes
ويعرض الان في احد صالات السينما في الامارات
ماشفته ولا اعرف قصته لكن من التقييم مايستاهل حتى انك تشوف البوستر.

Zootopia


متحمس له كثير احس انه من النوع اللي يوسع الصدر ويغير المود

[#ابداعي غير#]

السلام عليكم ,
فيه مسلسل قدييييم مره كان يجي على امبيسي ثري دورت عنه لين طفشت و لا لقيته
هو عن مجموعه مراهقين اظن و معهم بزر طيارتهم طاحت بجزيرة نائية
لحد يقولي لوست لان شفته بكبره و مب هو انا اذكر
يرب احد يعرف جد ابي اشوفه :"