الموضوع الرسمي لنقاش Pandora Hearts

[яı-снαп]

انا اريد ان اكون عضوه في النقاش

AmE.ChaN

ترجميه ماعندي فرق اي فريق عادي

ـــ

إليوت ليه مات الكاتبة ماعندها قلب مسكين اليوت

وانا ما كان ودي ان ينضم ليو للـباسكرفيل

وننتظر الفصل القادم بفارغ الصبر

[Awar]

جوليا تشان

امم بجد صارت الانظار كلها عليه .. يستاهل أكثر اهتمام على نيته الصاافية و قلبه الطاهر و روحه النبيلة
و فوق كل هذا الحقيقة أنه الهيدهنتر بدون ما يدري عنها كانت جداً مؤلمة ;_;
الحين نتمنى نلقى شي يخلد ذكره .. ممكن ترك شي أو يلقوا شي كان محتفظ فيه
بالنسبة لسؤالك عن الموسيقى مدري والله ..
بس هو كان يحلم بمأساة سابري وهو بين الاموات ماسك سيفه عشان كذا هو يتضايق من هالحلم و يحس بالذنب
فينسنت الله يخليك لا تتعبنا شخصيتك خلتنا نوسوس و نحلل و بالنهاية يطلع غلط
بس زي ما قلتي تماماً هو متقلللب المزاج و فيه حركات صبيانية و كمان أشياء يسويها ما نلقى لها تفسير ><"
بجد ايدا فيها سذاجة تصدقه بسهولة مع اني ما الومها لو شخص يكذب عليك بهالطريقة بتصدقيه خاصةً ان شخصيتها ضعيفة تصدق كل شي
المهم أنو فينسنت هذا شخص مخطئ بحقوق الناس رغم انو له ماضي سئ بس مو بالضرورة يكون هذا عذر له غيره عانى ماضي مؤلم مثله بس ما سوى هالأشياء الغريبة ..بس هذا ما يمنع أنو يسوي شي صالح بين فترة و فترة و هذا من طبع البشر >>> كأني بديت أتفلسف
بانتظار عودتك جوليا تشان ^^


: D gray man
هلا و غلا فيك نورتي النقاش سعيدة بوجودك و إن شاء الله تستمتعي معنا ^^
بالنسبة لإليوت بجد حزنت لموته ما تخيلت هالكاتبة بتكون قاسية لهالحد
و ليو كمان ما توقعت بيكون حامل روح غلين تحطمت منه و ما حبيته ><"
بانتظارك .. و شكراً لمشاركتك في النقاش

امم حبيت أسألكم .. باعتقادك كيف هي مشاعر بريك تجاه شارون .. كمان وش رايكم بشخصيته بالانمي و بالمانجا ..
بانتظاركم جميعاً ..


جــــــآنــــيــــــه ~

[جوليــا تشــان]

d.Ğяαч Μαи
نورتي عندنا و يا مرحبا بمن زارنا و نور
شلونج شخبارج عساج طيبه ؟
و شخبار رمضان وياج ان شاء الله زين ؟
و ختيارج موفق في المانجا هذي المانجا من بين ثلاث مانجات اتابعها
و احبها و صدقتي موت اليوت اكبر خطأ هزنا كلنا ما اصدق انه مات
و ليو الشخصيه الهادئه صاحب الكتب اللي سار مثل المربي لطيش اليوت
ما توقعت تدور الاحداث و تخليه صاحب روح غلين تصدقين امكن في اخر لحظه
لروح ليو الحقيقيه تمنع المأساه و تمسك روح غلين مو اوز صاحب روح جاك و هو يقدر يسيطر عليه
لان هذا جسده في نهايه و ننظر الشابتر الجديد و نشوف وين بتوصل المانجاكا اللحين

nahla
لا ما اعتقد هو مو فاهم شنو اللي يسير له
عشان يفكر و يلقى حل ما يدري اصلاً ان روح غلين فيه
ما يعرف ان المعزوفه لغلين ما يعرف ان اللي شافه في حلمه
كانت مأساه سابري و مات و هو ما قدر يحل لغز واحد مر عليه ما يدري ان فينست
مسبب المأساه و لا يدري ان غليبرت و فينست احياء من 100 سنه و غيره و غيره و غيره
هو لو حل لغز واحد كان في امل لو بسيط انه يخطط هو ما فكر انه بيموت عشان يخلي شي لهم
و صدقتي فينست شخصيه متقلبه و احد عليها اكس احتاج معجزة تفسير شخصيته محد بيعرف شخصيته سوى المانجاكا

[яı-снαп]

N A H L A

أشكرك على الترحيب بي انا مشاعر بريك اتجه شارون اتوقع زي شعور غيل اتجاه اوز ذذ << غير مفهوم

[яı-снαп]

جوليــا تشــان
لروح ليو الحقيقيه تمنع المأساه و تمسك روح غلين مو اوز صاحب روح جاك و هو يقدر يسيطر عليه
لان هذا جسده في نهايه و ننظر الشابتر الجديد و نشوف وين بتوصل المانجاكا اللحين


ــــــ
انا معك

[جوليــا تشــان]

d.Ğяαч Μαи
هذا اللي قصدته من كلامي
اوز يقدر يسيطر على جاك لان هذا جسده
ما في قوه تجبر اوز بخضوع لجاك بل العكس
و نفس الشي مع ليو هذا جسد ليو و له الامكانيه انه يسيطر على غلين
و لكن حب الانتقام هذا كيف بسيطر عليه

[яỳυυқσ]

السلام عليكم..

أسفه أنقطعت عن النقاش فتره..xd

أووه أشووف أعضاء منورين النقاش.. قعدت أقرأ نقاشكم.. وبدأت أخاف على بريك من قال أنه بيمووت..

شفت الشابتر الجديد كان رووعه بس أستنى الترجمه بالعربي علشان أفهم أكثر..

في شيء نسيتوه الختم الي في صدر أوز ايش أخباره يا ساتر أكتمل نصف دوره..

ايش تتوقعوا لو أكتمل الختم هل سوف يسحب للهاويه للأبد..؟؟xd

أنتظركم..

[яı-снαп]

ما اعرف ايش بيصير لأوز بس ما اتمنى يسحب الى الهاوية

يمكن ارادة الهاوية تسوي شئ ...

[جوليــا تشــان]

λłơήєє ✿
و عليكم السلام و رحمه الله و بركاته
يا مرحبا بمن زارنا و نور
الحمد الله رديتي و تستحق هذي المانجا الكثير
الرسم فيها خرافي و يستحق المتابعه
و صدق نبهتيني الساعه اللي في صدر اوز تحركت وايد
ما اعتقد ان بتكون نهايته عاديه لا تنسين ان الشين مالته هي اليس
لها ذكريات و ماضي و حاضر اعتقد ان بسير شي حماس تصدقين
اليس مو مستعده تفقد اوز و اوز مستحيل يستسلم لهذي النهايه عشان كذا
دايماً ما انشوفه هادي و الحياه حلوة و اخر همه الساعه اللي تتحرك اسرع و اسرع
بس ما تلاحظين كل ما فكر اوز بماضي جاك بالمأساه و ماضي اليس و فينست و غيلبرت و اليوت و الكثير
تتحرك و الدليل اول مره تحركت اللي كانت في فبيت غيل بعد قتالهم مع احد اعضاء الباسكرفيل و شين الدولدم

[яỳυυқσ]

يب أتمنى مثلك بس أتوقع يحدث شيء أذا أكتمل الختم..

هلا والله منوريـــــــن النقاش..X3

يب تستحق الكثير أجمل وأفضل مانجا قرأتها بحياتي يكفي أن الرسم حلو وأحداث جونان..
يب يب أكيـــــــــد في شيء
أي والله أنتي صادقه أجل خلينا تنتظر حتى تكتمل الختم مع أني أتمنى ما يحصل لأي شيء لأوز ولا بريك وغيرهم..
ونهاية اليوت كانت مؤلمه مع أنه مسكيــــن بجد كسر بخاطريــ..
وربيك يا بعد عمريـــ ايش بيسووي الحيــن دائما متهور..
بخصوص الشابتر الجديد كان رووعه..
ما توقعت كذا الشابتر خطير.. صراحه ما توقعت يطلع ليوو حامل لروح غلين ذاك الأنسان الي مني فاهمته ايش يبغى بالضبط..
وبأنتظار نزول الشابتر أون لاين..

[Exalted Queen]

باااااك بعد الشابتر 61+62+63 ...ترويقه
اسعد الله صباحكمُ
مرحباً بالجميع والعسولات إلي حمسوني ارد إجباري مع النت المخرف
الكل تفاجئ ان ليو هو إلي الوريث لروح جلين انا من الحادثة إلي هنا
وقتها قلت اتوقع راح يكون هو روح جلين ولا ليش الشين نفسة الهامبيتي دبمبتي قام بحمايتة لما فكر إن إليوت راح يقتلة ليش مافكرتٌ في هذي النقطة.؟
و كمان ليش جلين نفسة يكلمة كذا ويصارخ عليه و كأنه ع معرفة به
طبعاً ليو يجهل هذا الشي و لا داري بطبخة كمان ليش ألف المليدي لوشي إلي اعطاها لـ إليوت جلين نفسة كان مؤلفها مو ليو...
بعد ما شفت فينستٌ و الشين الجديد إلي متعاقد معه ذهلت
و طلع هو اول جريمة قطع رؤوس هو مرتكبها وكمان
هو الشين تبعه الملقب Queen of Hearts مو الهيدهنتر النسخة المقلدة عنه ..
بجد لايق عليه الشين و قطع الرؤوس إلي يسويه لان فينستٌ شغال قطع بالمقص إلي مايفارقه هههه
لكن بجد قوي بس كيف قدر يشكل تعاقد مع اثنين من الشين مع انه اختاري التعاقد غير قانوني مع الشين القوي ديموس قرار متسرع
بس ممكن عشان ينفذ مخططاته بسرعة و ممكن عشان يخلص نفسة وغيل من عائلة النايتوري إلي كانو يأذونهم و بهذلو غيل المسكين
و برضو كان عنده فكره بكل تحراكاتهم و برد حرتي لما قتل الدوق النايتوري فاكر محد راح يحصل مكانه باااكا خخخخ
عجبني فينستٌ لما قال بكذا بندوار راح تسقط التهمة عن إليوت يعني هو قاصد هذا الشي حسيت شهامة بسيطة منه في هذا الفعل
زين بردت حرتي زي قلتو في قتلة الدوق النايتوري و خلصنا منه اشخاص بدون دم ولا ضمير يستحقون الموت...

Ai chan
اهلاً عزيزتي راح ممكن تحصلي اجابتك هنا مجرد تخمينات
تسائلات البعض في طلب فينستٌ من ليو انه يمحي وجده من الماضي وكان مفاجئ للكل طبعاً
حسب تخميني انا كانت عندي نقطة مهمة كنت بقولها بس ما حصلت فرصة
ارجعو بذاكرة للوراء هنا في هذا الشابتر
لما فتح باب الأبيس ايش قالت له ميرندا انه الكلمات السحرية إلي اعطيتك ما تخبر اي حد عنها او تخلي احد يعرف عن هذا الشي
ولا كسر عنها السحر لو اخلفت القسم راح يتحول للعنة محد يقدر ينقذ اخوك غيل
انا قلت ممكن عشان هذا الشي يبغا فينست يمحي وجوده و معه هذا السر القوي و كمان ممكن عشان حاس انه كان
عبء ع غيل و حتى غيل الحين مايعطيه أي اهمية فطلب هذا الطلب المؤلم او زي ماقالت اختي جوليا انه حاس انه السبب في مأساة سابيراء
ايش راح يكون ردة فعل جيل لو يدري بأمنية فينستٌ..؟؟

صحيح ليو استغربت قال انه كان مفكر الحادثة إلي حصلت ل إليوت زي الحلم ماله اي صلة بالواقع
شكلة من الصدمة نسي هذا الشي ..؟ كمان زي ما قلتو ليش إليوت قال هو مؤلف مقطوعة لوشي..؟ مع ان الكاتبة شكلها مو ناوية تبين لنا بعض
التفاصيل البسيطة ... شكل ليو ناوي يدمر الأبيس و مصمم عليها بس ماكنت اتوقع هذي هي رغبة الباسكفيل.؟؟

جوليا تشان

اهلاً عزيزتي عادي مستحيل تقدري تردي ع الرواية
إلي كاتبتها مو نقاش هههههه
يب صحيح فينست و غيل من عائلة النايتوري بس انا اقصد السلالة نفسها إلي تجري في عروقهم دم النايتوري
قوميه عشاني ماوضحت التبني اعتبره مايمد بصلة الدم للعائلة نفسها

N A H L A
شكراً ع التعقيب عزيزتي كلمة كلمة قرأت لكن ماقدر اضيف كثير ولا راح تطول السالفة ههههههه
والله مفكرة هو كاتب مو كاتبة لكن ترا اليابانين ماتفرقي هل هو بنت ولا ولد الاسماء تضيعكِ
والله انا الاسعد بتواجدكِ لو مافي حد يدخل بنقاش مارح تكون ممتعة ويحفظكِ كمان.. يب مقاربة شوي للخادم جريبي قراتها غير عن الانمي بل دماار ...
كان عندي سؤال هل تشيرون علي اقراء الشابترات الأول طبعاً فيه اشياء ذكرت مامرت علي قبل
قلت لازم اتابع البداية المعاد منها راح اتركه واشوف الجديد
ملاحظة مولازم التعقيب ع كل كلامي لكن ماقدر اختصر..
راي
الحقائق اغلبها ظهرت معد بقي شي احس الأمور هادئة بعد ما انتهى الهيد هنتر والحماس كله راح تسلط الأضواء ع ليو و الأبيس
لكن هل بظهور روح جلين في ليو راح تمتعنا الكاتبة بأحداث مثيرة أكثر لان النهاية في نظري اصبحت وشيكة
بقي ماضي بريك لازم اعرفه كامل و جاك وجلين و اوز ايش يطلع بعد وبرضو هالـأليس
بعد ايش قصتها ومين قتلها انا اقول السفاح فينست خخخ
شكراً AmE.ChaN
ع الشابتر 64 فوراً راح اشوفه لكن النت مادري ايش قصتة تخريف مو طبيعي ياريت ينزل اون لاين

[Exalted Queen]

جوليا تشان


بس هو كان يحلم بمأساة سابري وهو بين الاموات ماسك سيفه عشان كذا هو يتضايق من هالحلم و يحس بالذنب

امم حبيت أسألكم .. باعتقادك كيف هي مشاعر بريك تجاه شارون .. كمان وش رايكم بشخصيته بالانمي و بالمانجا ..
بانتظاركم جميعاً ..

جــــــآنــــيــــــه ~

اعتذر ع المداخله هنا حبيت اوضح البس إلي وقعت فيه مثلكِ
ان الكابوس إلي يحلم فيه كل شوي إليوت ماله علاقة بمأساة سابرايا
هو هي لحظة قتلة لخوانه كلاود وإيرنست دققي بصفحة هنا راح تعرفين الحقيقة
"انا كنت اظن نفس كلامك لما شفت في الانمي لكن المانجا وضحت الصورة لي
الزبدة إليوت ماله علاقة في مأساة سابرياء

[AmE.ChaN]

غومين على التأخير الفضيع..
ما شاء الله النقاش مستمر..
واوكي بترجم الفصل..لكن اعذرونا اذا تأخرنا
لانو العيد جاي والشغل كثير..


Ai chan
مرحبا بك أختي في النقاش..<<متأخرة..
يب..يب باندورا مانجا محمسة وحلوة كثير واللي يقراه
لازم يطلع اللي بخاطره..

هيه..هو يمكن فينسنت يحس بتأنيب ضمير انو سوى المأساة لكنه ما يقدر يستوعب
هذا وكان يتعذر بغيل..او يمكن يكون بس سبب عشان يكون شرير ..
والفصل اللي ظهر فيله شخصية فينسنت الحقيقية كانت من اروع الفصول
ياريته لو يستمر على هذيك الشخصية شوية..
وعلاقة فينسنت مع ايدا مرة كاوايي ..أشفق على فينسنت لمان يكون معاها..

يب..الكاتبة خدعتنا كلنا بهذا الشيء..
في البداية خلتنا نظن انو اليوت فيله روح غلين بأحلامه وكلامه..
لكن في النهاية كل هذا كان شيء مخطط من الكاتبة..
وطلع ليو اللي داخله روح غلين..<<بصراحة كانت حركة حلوة..
لكن حرام إليوت مات..

انا زعلت لمان اجا فصل لمان مات ليام..
وبعدين لمان اجا فصل انو حي..حسيت اني غبية
اني زعلت عليه....لكن الحمدلله ما مات..^^
<<تمنيت انو يحصل كذا بعد لإليوت..لكن هذا مستحيل..

يب..ارادة الهاوية وأليس وقصة ابو ازو ألغاز الى الان بالقصة..
ان شاء الله بيوضحوا لنا هذا في الفصول القادمة..
عفوا..وان شاء الله يعجبك القادم..
واعذرينا انا واختي على اي تقصير او تأخير..

Exalted Queen
وعليكم السلام..مرحبا بعودتك..^^..<<متأخرة..
هههه..ما شاء الله خلاكي تأخذين كل التعابير..
يب..يب الانمي كان بس عبارة عن مقطع اعلاني للمانجا..
حتى انهم اخترعوا نهاية عشان ما يخلونا نتأمل بموسم جديد..
الحمدلله انك تابعتي المانجا...لانو الانمي بصراحة يقفل النفس..
المانجاكا حرمة....ويب ما شاء الله افكارها ابداعية كثيييير..
ههههه..يب باندورا يستحق 10/10 من كل النواحي..

اما حكاية غيل وفينسنت يب..حكايتهم مؤلمة وعجبني جاك
لمان انقذهم.....ما ادري كيف امهم قدرت تبيعهم..
فينسنت ما كان يعرف انو لمان يفتح البوابة بتحصل مأساة...
كانت بس نية طيبة انو اخيرا بينقذ اخوه كما انقذه اخوه ملايين المرات..
وهذيك الحرمة "دوقة بارما" اللي خبرت فينسنت انو يفتح البوابة شكلها
كانت مخططة مع غلين على انو يحصل كذا..

اما عن تحليلك للشخصيات..
هناك الكثير من الشخصيات ذو الصفات المميزة في هذي المانجا
مثل ما قلتي بريك..فيه جميع الصفات وهو من اجمل شخصيات المانجا..
والسبب انو جسمه ضعيف مع الشاين..لانه كان متعاقد من قبل..
مثل ما قالوا في الانمي..
واوز انا بالنسبة لي شخصية تقهر كثيير..
لكن لمان يكون عنده المنجل يكون كوول..
اما دوق بارما يب هي شخصية حلوة ذكية..
لكن حرام شو سوى الفصل الاخير..
اما جاك..مثل ما قلتي ان شاء الله بحلوا لنا
لغزه الفصول القادمة..

إليوت هو الوحيد البريء في عائلته..
<<لكن ما اقدر احكم على شخصية فانيسا لانها ما ظهرت كثير
وفي النهاية عائلة النايتراي امتحت من الوجود..
ويب..موته كان مؤثر كثيير..جتى انا دمعت معاكي..
والسبب انو اليوت كان يرفض اي شيء خطأ عن ليو لانو الهامتي دامتي
كان هو اللي كان رافض انو يحصل اي شيء لليو لانو الهامتي دامتي لازم
يحمي الشخص اللي داخله روح غلين وهذا شيء بداخله بما أنه
كان جسم لغلين سابق..وهذا خلا اليوت يقتل اخوانه وفانيسا..

N A H L A
هيه..الان عرفت..غومين
انا اصلا ما قريت الترجمة مثل ما قلت..
لا..حرام بريك يموت..
هو الشخصية الممميزة بلمانجا..
هههه..والله اللي قال هذا الشيء صحيح تماما..
لازم نتوقع اشياء مش متوقعة عشان تحصل..
هيه..عشان كذا توقعتيه..هو يمكن يحصل اذا كانت
المانجا هذي غير متوقعة..
يب..يب حرااام اذا خلصت المانجا..

[AmE.ChaN]

<<تابع الرد

جوليــا تشــان
انا بعد فينسنت بعض الاحيان يكون شخصية حقيرة..
وبعض الاحيان يكون شخصية حلوة..<<نادرا..
لكن افضل شيء لمان يكون فينسنت مع ايدا..
اما حبيبة غلين هم قالوا مرة انها راحت اضحية للابيس..
والله هذا الكلام لغز..كيف يعني راحت اضحية..
يمكن عشان كذا غلين يبا يرجعا لابيس لحالها القبلية..
ان شاء الله بخبرونا هذا الشيء في الفصول القادمة..
ام عن بعض من تلويني تقدري تحصلي في البومي هنا..
او في مالي الديفينت ارت <<صور اكثر هنا..
خبريني شو رايك..^^

D.Ğяαч Μαи
مرحبا بك اختي بالنقاش..^^
نورتينا بوجودك..يب..يب موتت اليوت كانت غير عادلة ابدا..
حرام ليه مات..وليو تغير كثير بعد موته..

λłơήєє ✿
وعليكم السلام..
لا عادي المهم انك رجعتي..XD..مرحبا بعودتك..
اووه..ذكرتينا بلغز جديد..
الله يعينا من الغاز هذي المانجا..
امم..يمكن مثل ما قالت جوليا-تشان..
انو نهايته بتكون غير..لكن ايش هي الله يعلم..

Exalted Queen
مرحبا بعودتك..XD
يب..محد توقع انو ليو هو اللي داخله روح غلين..
اما فينسنت يب لايق عليه كلكة القلوب..
هههه..يعني يا اما يقطع رؤوس او دمى..الله يعينا منه..
لكن مثل ما قلتي يمكن هذا كان قرار متسرع..يعني الان هو بودي
نفسة الهاوية بسبب هذا القرار..
يب..الدوق نايتراي يستحق ابشع موتة..والحمدلله انو قبل ما مات
قال له فينسنت ذاك الكلام..والله فينست كان كوول هذاك
الوقت والطريقة اللي دافع فيها عن اليوت..

اما اذا كنت تسألين عن تقرأين من بداية البداية..
أنا انصحك بأنك تقرأي..صح انو تقريبا كل الاشياء تم ذكرها بالانمي..
لكن المانجا حلوة كثييير ولها طعمها..
ونعم المانجا الان اوشكت على الانتهاء..
ههههه..يب واضح انو فينسنت هو اللي قتل أليس..
لكن الله يعلم شو بتيدع لنا الكاتبة..



واخيرا غومين على التطويل ..
واعذروني على اي تقصير..

[جوليــا تشــان]

λłơήєє ✿
حتى أنا بالاخص اني احس ان بريك مهدد
بالخطر صح انه شخصيه اساسيه في القصه ، و لكن ما اقدر انسى
ان اليوت مات و يعتبر شخصيه اساسيه و ام اوز فهو بطل القصه
مو ميت و اذا بموت بتكون نهاية القصة
و اي موت اليوت كان مؤثر ما بغيت اصدق عاد اختي كانت تحب هذي الشخصيه
و تحس انه بيكون عو لهم و لما صاروخ قلت لها ما صدقت قالت من جدج اليوت مات
و ما صدقت الين قرت الشابتر سوت عزا من الحزن
و يالله ننتظر و نشوف شنو بيسير

Exalted Queen
لالا ما قصدت صله الدم و لكن
ما دام غيلبرت و فينست احياء يعتبرون من العائله
و يقدرون يرثون ممتلكات النايتري و بالاخص ان غيل قدر يسيطر على شين العائله

AmE.ChaN
انا عكسج كرهته يوم يعتقد ايدا انها شريره
و يلعب عليها اكسرت خاطري حبته من قلبها
و هو يقعد يلعب عليها و الغريب ان جاك حبه و حب عينه و تقبله
و لكن ليش يكره البيزاريوس هذا اللي محيرني موت
و اي قصه غلين لغز ان شاء الله ينحل لو شوي في الشابتر
و حطي رابطه هنا في النقاش لما تخلصين
و تلوينج مرررررررررررره روعه

[Ai chan]

λłơήєє
اهلا يب يب بالنسبة للختم انا تقريبا نسيت سالفته بس ما اتوقع يسحب للهاوية ..
واذا سحب لها الله ما اقدر اتصور ايش بيصير بس بتصير قصة ثانية >> رااح يكون حمااس

Exalted Queen
ايه والله ما فكرت بالهشي صراحه هذيك الانسانّ (ميرندا ) اكرهها صح فينيست المسكين هو الي سوا الماساه بس هي السبب مو فينيست
وشكرا على التوضيح ..

AmE.ChaN
امم بالنسبة للماساه هو سواها عشان اخوه ليش الحين تندم يختي هذا الانسان ما عرفناله وعلى قولت جوليا تشان فينيست شخصية جدا متقلبة ..
ولا ابدا ما فيه اي تقصير او تاخير يكفي انه قدرت اقراها عربي ..

[Awar]

غوووومين مينا سان ع التأخير ><"

جوليا تشان
ايه بجد المانجاكا ظالمة يوم موتت إليوت بدون ما يعرف شي
بس ما نقدر نقول شي .. حتى غيل ما حزن كثير توقعته يحزن أكثر و أوز كمان كان صديق عزيز عليه ..
فينسنت هو اللي ماخذ كل كلامنا .. مع أني ما أحبه


D.Gray man
العفو .. الله يحييك ..
امم بجد لا عاد ما فهمت قصدك شعور الخادم تجاه سيده ..
ما أوافقك لانو ما قد حسيت أن بريك خادم لشارون


Alonee
هلا وغلا فيك ..
عادي لا تعتذري مرحبين بك في أي وقت ..
امم الفصل الجديد مررة روعه و الترجمة بتنزل قريب إن شاء الله ..
الختم توه بالنصف أعتقد .. اذا اكتمل ممكن ما يروح الهاوية أعتقد ان اليس راح تنقذه ^^


Exalted Queen

العفو تستاهلين أكثر و الله ..
يب الكل تفاجأ من ليو .. انا للحين ما استوعبت انه هو نفسه خادم إليوت ..
و كمان فينسنت و الشاين الجديد بالنسبة لي هذي شخصيته الحقيقية وهو كان طول الفتره اللي راحت يخفي أهدافه مع الشاين القديم ..
دوق النايتراي استحق الموت و بطريقة أسوأ من هذي بس الاهم انو مات خخخخ..
امم الحين صار النقاش حار بوجودك و وجود الكل ^^ مرررة أسعدتوني الله يحفظكم ..
و زي ما قلتي الحقائق معظمها اتضحت بس برضو فيه أمور تحتاج تفسير .. و بريك اللي باقي نعرفه ممكن مشاعره تجاه شارون و مصيره ><"
جلين و جاك رغم أنو فيه أحداث جت لهم من الماضي بس برضو لازم نعرف عنهم أكثر ..
أليس قتلها فينسنت من دون شك ..
بالنسبة لأحلام إليوت ..
من جد كان عل بالي أنو يشوف المأساة ..
شكراً جزيلاً ع التوضيح .. امم إليوت ما له علاقة بالمأساة

آمي تشان
اي من جد طلعوا مضحكات .. إيكو فاجأتني بصراحه ^^
قهروني كل ما رحت موضوع نقاش بمنتدى أجنبي يقولوا بيموت ><"
لو مات ممكن أوقف قراءة المانجا
خلاص قاعدة هالمانجا : توقع اللامتوقع
و النهايه قريبة لاو الالغاز توضحت و الباقي بنعرفه قريب ان شاء الله
بس لو انتهت .. مستحيييل

طيب وش توقعاتكم أوز وش راح يسوي بعد كل اللي صار ؟!

بانتظااركم ..

جــآنـــيــــه ~

[AmE.ChaN]

جوليــا تشــان
انا بصراحة حسيته يتصرف شوية طبيعي معاها..
بالذات في الشابتر 54 لمان شافته ايدا..
حسيتها شوي دخلت قلبه وانقذها..
شو رايك..؟

هو ما يكره البيزاريوس على ما اعتقد..
هو كان بس يبا يستغل ايدا عشان يتقرب لاوسكار
عشان يأخذ مفتاح بوابة البيزاريوس..
لكنه الى الان طبعا ما قدر يحقق هدفه..
اوكي بحطه..جاعدة الان اشتغل بالترجمة..
أريجاتو على رايك..^^
Ai chan
ههههه..يب فينسنت انسان متقلب كثير..
ياريته لو يركز على شخصية وعلى هدف واضح..
ان شاء الله تعجبك الترجمة..
N A H L A
يب..يب ما توقعت ايكو تصرخ ابدا على حد..
حرام عليهم ليه متشائمين كثير..
ان شاء الله ما يموت وانتي تتابعين تقرين المانجا..
يب..يب يمكن لانو اكثر الناس متوقعين انو بريك بيموت
فما بيموت..
يب..يب النهاية قريبة..^^
ام توقعي لاوز..
بصراحة ما ادري..اوز ما اقدر اتوقعه..
يمكن يروح يدور على اجابات من جاك اللي داخله..
او يمكن يتقبل الامر ويروح يقاتل ليو..
انتي شو رايك؟

[Exalted Queen]

Exalted Queen

والسبب انو جسمه ضعيف مع الشاين..لانه كان متعاقد من قبل..

هنتو..ديسكا... معلومة جديدة اول مرة ادري بريك كان متعاقد قبل من غير
Hatter في اي فصل ذكرو هذا الشي
.. ودي اعرف اكثر عن زيركس موت موت شيرتي..
وهذي اللحظة في اي فصل
دائماً احصلها في المنتديات الغربية..؟ في المرفقات
للأسف الفصل الجودة ماراقت لي لازم انتظر الجودة الرائعة
راح افقد متعتة القرائة لو قرأتة شكله مطولين ع بال ماينزلوه
لو تحمست للأحداث برجع اناقش فوراً لوكانت العكس
برد بعد العيد إن شاالله

[яı-снαп]

السلام عليكم

لا مستحيل بريك يموت اذا مات ابقتل الكاتبة

عاد الا بريك يموت اليوت وصبرنا ذذ
Exalted Queen

في الشابتر 32 يعرفون ان بريك كان متقاعد من قبل
....




^
^
^
يعجبني اوز كذا ذذ