مين مايل الى الانحراف اكتر l الذكر أم الأنثى l ؟

[♥ Ellā]

السلام عليكم ورحمة الله وبركاته


مين مايل الى الانحراف اكتر l الذكر أم الأنثى l ؟

هادا الموضوع كتير كتير مهم .. وبحيرني كتير
احياناً بلاحظ انه الانثى اقوى من غيرها قوية قادره
انها تبتعد عن الغلط وما تعبر الشب وتحمي حالها
بأخلاقها وتصرفاتها ، .. بشوف بنات كتييير متل هيك
ومحترمات وما الهم هالحركات الي بعملوها البنات ..
ومتل ما بنعرف كل بنت بتعكس على أهلها وتربيتهم ..

أما الشب فغير تماماً .. ولا شب بالحياة شايفته مؤدب
وملهوش بهالحركات .. ما بعرف ممكن اكون انا حاطة
ببالي فكره انه كل الشباب يعني بحبه بنات وهيك .. لانو
أصلاً الشب ما بتضرر المفروض البنت الي تستحي مو الشب
لانه الشب نص اشغاله ممكن تكون مع البنات والبنت الي بتقرر
بدها تحب ولا لأ والشباب جاهزين عادي بحكوا .. البنت الي
بتضرر مو الشب ..
حتى ختيار كبير انا بكون مروحة من المركز ميت شب وشب
وحتى ختيار بطلع لا حول ولا قوة الا بالله شو هدول الناس ..؟!
يا عمي اذا الختيار ما استحى شو ضل على الشباب الصغار .. ؟!
بحس البنت بتقدر تمنع حالها تحكي مع الشباب اكثر من الشب ما يمنع
حاله يحكي مع البنات .. وانه البنت قوية من حيث الدين اكثر من الشب
وانا بشوف انه البنت اذا ما اعطت عين للشب الشب ما راح يحكي معاها
اشي .واكيد كلياتنا متفقين على هادا الاشي.
والبنت بتحاول ما تعمل اغلاط صغيره عشان ما تنتقل للأغلاط الكبيره
زي مثلاً التدخين الشباب عاااادي بدخنوا وبكره بدخنوا اشي ثاني { حشيش مثلاً }
وانتقالاً الى المخدرات .. وهكذا ..
أما البنت ما بتدخن من الاصل .. لانه مو لابقلها ولانو حرام ..
ولانه الأهل عند قابلية التأثير على البنت اكتر من الشب .. الشب ما برد
ولو حط اشي براسه ليعمله وما يسأل .. أما البنت بتخاف اكتر ..
ممكن لأسباب عديدة لانها عاطفية ! .. بس ما بعرف شو دخل العاطفية بالموضوع ..
عشان هيك انا متحيره كتير .. وشفت انه موضوع حلو كتير عشان نتناقش فيه
وليش الشب دائماً بحكي مع اي بنت .. وبفكروا البنات انهم هم بضحكوا على الشب
بس والله العكس الشب الي بضحك عليها بتسلى فيها وبفرغ طاقتها او غريسته
وبرتاح وانتي يا هبله بتنفضحي وسمعتك بتصير من الآخر ..
الله يهدينا جميعاً ويهدي الامة الاسلامية ..
تفضلوا بطرح آرائكم .. وأي رأي مقبول فيه لانه ليس موضوع وجد في القرآن ما بنقدر نتناقش
فيه .. بالعكس كلياتنا مسموح نطرح آرائنا ومهما كان الرأي مخالف عادي جداً
بس الي طلب عندكم .. ياريت بس نتمتع بالأسلوب الحلو في التعامل مع بعضنا وفي النقاش
صدقوني انتوا آرائكم صحيحة بس اذا حكيتوا بطريقة حلوة ومؤدبة راح نتقبله مهما اختلفت
الآراء .. واصلاً هيك راحة لنفسيتكم .. ولنفسية الجميع ..~
وبالمناسبة هادا انا كتبته ومن افكاري .. ويمنع النقل منعاً باتاً

في امان الله

[Anen | VIP]

و عليكم السلآم و رحمة الله وبركاته |~

رغم أني بنت ,, لكن أحس موضوعك ظالم الشباب وآيد

لا صدقًا أختي ,, ربما بسبب محيطك الذي تعيشين فيه ,, قلة ما ترين ذلك النوع من الشباب الصالح
لكنهم أبدًا " ليسوا نآدرين " كما شعرتُ من كلآمك !!
فكما توجد فتاة ( لا تدخن و تغض بصرها و ليست سهلة ابدًا )
يوجد شآب ( لا يدخن و يغض بصره , و ليس بسهل كذلك )
و مثل ما يوجد شآب " صآيع "
توجد فتاة " صآيعة "

المعادلة متعآدلة تمامًا " ربمآ " لكن على الأغلب !!

أغلب الفتيات " بالبيت و عالاب " لذلك تجدينهم أقوى من الفتيآت الاوتي 24 سآعة " في المولآت و من مجمع لـ مجمع "
مستحيل تقارنين بين هالفئتين ,, فالاختلاف كبير و واضح
لذلك أتوقع ,, تشعرين بهذه الطريقة !!
رغم أن أيضَا أغلب الشباب " برآ " لكن أبد لا يمكنك أن تطلقي عليهم جميعًا " صآيعين "

و أيضًا كلا الاثنين معرضين للانحراف من بداية حيآتهم حتى نهايتها ,, لكن يكون التعرض لها
أقوى تأثيرًا خلال المراهقة ,, أي شيء خلال هذه الفترة يتأثرون به ! إلا من رحم ربي

باختصآر ,, ما يمديك تحددين أبد !!
و ان حددتي , ذكر أو انثى ,, كأنه ظلم لهم !!

جد و الله ,, لو اخترتي الشباب ,, احس ان البنات ملائكة و ابد ما يغلطون او ان ما في فئة منحرفة
و اذا قلتي البنات ,, يعني الشباب قممممة البرائة و مظلومين مننا

معادلة مفروغ منهآ ,, كما اشعر

شكرًا عالطرح

السلام عليكم و رحمة الله و بركاته

[Meryl]

وعليكم السلام ورحمة الله وبركاته

هدا يرجع للتربية ومدى تديّن الشخص

ماله علاقة لا بجنس ولا مكان ولا زمان

خالص شكري

[$$do0odi]

انا مع كلام اختي Meryl هالشي يعود على التربيهـ اولا وعلى المجتمع المحيط بالشخص سواء ولد او بنت
وزي مافيهـ اولاد سيئين في بناااات كمان سيئات لا يغركـ الخارج ومايظهر لكـ

تقبلي مروري$$

[♥ Ellā]

السلام عليكم ورحمة الله وبركاته



شكرا كتير لمروركم الرائع

والله منورين

لحد الآن فئة مجمعة ان الذكر والانثى فيهم الصنفين
منهم المؤدب ومنهم الفايع .. كما يقولونها ..
ربما قد يأتي اعضاء آخرون ليطرحوا آراء جديدة

ولكن أنا لحد الآن ايضاً لم يفهمني احد بعد ..~
فأنا أقصد أن الشباب في هذه الايام لو البنت ضحكت الهم
وابتسمت الهم واغرقتهم بعاطفيتها وبحبها وبسمتها وبجاملها
أكيد راح يحكوا معاها .. فبرأيهم هم مو خسرانين .. بتسلوا ..

ولما تشوفي الشباب بحكوا مع بنت بتفكري انه بحبها جد
بس هو بتسلى فقط .. بتخوث عليها قدام كل صحابه وبنشر
خبرها .. ~

اما البنت اذا حكا معها الشب وهي ما بدها تحكي معه ما بعبرها
ما بقدر اصلاً ..واذا هي مؤدبة ومحترمة اكيد راح يحترمها وراح
يحكي مع البنات الفايعات ..

اما الشب اذا حكت معه بنت .. عااادي ريلاااكس ..
هذه الأغلبية ..

يعني هلأ في المجتمع أصناف طاغية على اصناف اخرى
يعني ممكن تلاحظي الشباب الي ما بهتموا للبنات وهمهم دراستهم
وبس .. قليلين يعني بنعدوا على الاصابع مقارنة بالشباب الفايعين ..


روحوا على احد الجامعات في الدول العربية غير السعودية لانها تمنع الاختلاط في الجامعات
مثلاً الاردن بلدي .. بتشوفي شب وبنت شب وبنت شب وبنت .. يعني هم الطاخين
قليل جداً ..

نهياتاً هادا الموضوع الا ما يكون فيه موجود اختلافات ونظرات مختلفة للموضوع
كل واحد حسب المجتمع وشو بشوف من العالم والناس .. بلادنا مختلفة وتقاليدنا
مختلفة فأكيد آرائنا مختلفة فما في اي مشكلة

وعليكم السلام ورحمة الله وبركاته

هدا يرجع للتربية ومدى تديّن الشخص

ماله علاقة لا بجنس ولا مكان ولا زمان

خالص شكري

صحيح تماماً .. كل واحد حسب تربيته

شكراً إلكم جميعاً لمشاركتكم آرائكم الاكثر من رائعة
والله منورين

[K A Y O]

على حسب التربية

عندما قرأتُ كلامك وجدته صحيح و منطقي .. الولد في أغلب الأحيان يكون البادئ و ينتظر الإشارة الخضراء من البنت ليلصق بها كالعلكة في الشعر xd
لكن التربية و النشئة و البيئة تؤثر على الإنسان من ناحية "من شبّ على شيء شاب عليه "
الولد في العائلة حُر ليصبح رجل .. هذا ما يعتقده الأباء ..
أما الفتاة فيجب الحرص عليها و مراقبتها في كل تصرفاتها لأنها تعتبر الشرف لدى العائلة فهي ستتزوج و تصبح أماً في النهاية ..

و من هذا المبدأ تُرك الذكر ليعيش حراً .. حتى يصبح رجلاً .. تفكير عتيق لأنه لابد من مراقبته كذلك كما الفتاة
فهو سيصبح أباً في النهاية

[Eternal light]

مو لازم التربية !

نص الأولاد اللي نشوفهم في الشارع بهذه الطريقة , يكونو عاقين لوالديهم

وتوجد فئة

الأب لا يعرف هل عاد ابنه للمنزل أم لا , وينام براحة بال ولا يهمه هذا الأمر

المهم من كلامك انك ما شفتي ولا ولد "شب" محترم !

غريبة

أعرف كثير من الشباب المحترمين واللي ما يفكرو بهذه الطريقة أبدا --"

على كل يبقى المجتمع هو الأساس

يعني اللي مثلا تطلع على السوق وعلى المول والكلام الفاضي , أكيد لازم تحصل الشباب يعاكسوها

لأن المول أو الأسواق مكان معاكسة بالنسبة للشب

واللي تجلس ببيتها ما أظن انها راح تحصل هذا الشي

بالنهاية , مكان النساء المنازل , ومكان الرجال الشوارع

فلا تخرج المرأة من بيتها الا لأمر ضروري والا ستلقى مالا يسرها من الشباب

[♥ Ellā]

على حسب التربية

عندما قرأتُ كلامك وجدته صحيح و منطقي .. الولد في أغلب الأحيان يكون البادئ و ينتظر الإشارة الخضراء من البنت ليلصق بها كالعلكة في الشعر xd
لكن التربية و النشئة و البيئة تؤثر على الإنسان من ناحية "من شبّ على شيء شاب عليه "
الولد في العائلة حُر ليصبح رجل .. هذا ما يعتقده الأباء ..
أما الفتاة فيجب الحرص عليها و مراقبتها في كل تصرفاتها لأنها تعتبر الشرف لدى العائلة فهي ستتزوج و تصبح أماً في النهاية ..

و من هذا المبدأ تُرك الذكر ليعيش حراً .. حتى يصبح رجلاً .. تفكير عتيق لأنه لابد من مراقبته كذلك كما الفتاة
فهو سيصبح أباً في النهاية

أتفق معك تماماً ، ولكن ليس فقط لهذا السبب الأهل يعطون إهتمام اكثر للبنت
من الرجل .. بصراحة انا اشوف انهم معهم حق لانه البنت اذا غلطت هادا الغلط
العاقبة عليها افظع ما هي على الشب .. عادي بقدر الواحد ينسى وما يكرر الموضوع
اذا الشب عمل علاقة مع بنت .. اما البنت مستحيل وهادا اشي بنعرفه واكيد ..
لهيك البنت لازم تصون حالها وتبعد حالها عن الوقوع من هالحفره الي غيرها ندم على الوقع فيها
لانها عميقة كتير ومستحيل الخروج منها ..

ممكن كلامي غامض بس اظن انكم فاهمين شو قصدي ..

المهم .. بأيد رأيك ومعك حق .. وكما توقعت انه اكيد راح يكون في اعضاء الهم
آراء مختلفة ..

والله منورة

[♥ Ellā]

مو لازم التربية !

نص الأولاد اللي نشوفهم في الشارع بهذه الطريقة , يكونو عاقين لوالديهم

وتوجد فئة

الأب لا يعرف هل عاد ابنه للمنزل أم لا , وينام براحة بال ولا يهمه هذا الأمر

المهم من كلامك انك ما شفتي ولا ولد "شب" محترم !

غريبة

أعرف كثير من الشباب المحترمين واللي ما يفكرو بهذه الطريقة أبدا --"

على كل يبقى المجتمع هو الأساس

يعني اللي مثلا تطلع على السوق وعلى المول والكلام الفاضي , أكيد لازم تحصل الشباب يعاكسوها

لأن المول أو الأسواق مكان معاكسة بالنسبة للشب

واللي تجلس ببيتها ما أظن انها راح تحصل هذا الشي

بالنهاية , مكان النساء المنازل , ومكان الرجال الشوارع

فلا تخرج المرأة من بيتها الا لأمر ضروري والا ستلقى مالا يسرها من الشباب

صح كلامك .. بس كيف يعني مو لازم التربية ! .. كلامك متناقض
يعني حكيت انه مو لازم التربية وتحت هاي الكلمة حكيت انه في اهل ما بسألوا عن اولادهم
طيب وهذا الاشي مش بعطي اولاد ما شاء الله عنهم .. !!

ولا شو . ؟!

ممكن قصدك اشي تاني الله اعلم ؟ ..

المهم صحيح معاك حق البنت مكانها في البيت ، بس برضوا الشباب مش مكانهم السوق
هم كمان ما بصير يروحوا كتير على السوق يعني شو بدهم يروحوا على السوق شو يعني
انت من حكيك بتحكي انو حلال يعاكسوا بالبنت ؟!.. لا مابصير يعاكسوا البنت لو شو ما كانت لابسة
ما بصير هالحكي .. حرام ..

بس اذا كان المجتمع هيك واحنا ما بنقدر نغيره فالبنت لازم تصون حالها وتبعد حالها عن الشباب
وتقضي حاجتها من المشتريات وغيره وما تكون لحالها مع امها او اخوها عشان تصون نفسها
من معاكسات الشباب اللانهائية ..

شكراً لك اخوي .. نورت موضوعي
جزاك الله خيرا

[Eternal light]

^

لم تصل فكرتي اليك ,

المهم , أقصد أنه الشباب في المجتمع ينقسمو الى فئتين > طبعا الشباب المنحرفين

فئة تكون عاقة لوالديها , يعني حتى الأب ما يقدر يوقفه عند حده
> واقصد من هذه النقطة أن لا نلقي اللوم على الأب , فالانسان المعاكس لديه طريقين , الطريق الصحيح والطريق المنحرف وهو الذي يحكم عقله
ويختار الطريق الذي يناسبه وبهذا الوالد ل

والفئة الأخرى تكون منحرفة بسبب الوالدين , أي أن الأب مثل ما ذكرت يذهب الى النوم من غير
ان يعرف هل عاد ولده ام لا

وانا لم أقل انه التربية غير مهمة , على العكس , التربية أهم شيء , والا لما كنت انتقدت الأباء الذين لا يعرفون أماكن أبنائهم

[H I N A T A]

السلام عليكم ورحمة الله وبركاته
ما شاء الله متحيزه كتير للبنات
مشكوره للموضوع^^

[MR,FRFOR]

يا صديقتي بالغه العربية الفصحى الشاب موب الشب

[♥ Ellā]

^

لم تصل فكرتي اليك ,

المهم , أقصد أنه الشباب في المجتمع ينقسمو الى فئتين > طبعا الشباب المنحرفين

فئة تكون عاقة لوالديها , يعني حتى الأب ما يقدر يوقفه عند حده
> واقصد من هذه النقطة أن لا نلقي اللوم على الأب , فالانسان المعاكس لديه طريقين , الطريق الصحيح والطريق المنحرف وهو الذي يحكم عقله
ويختار الطريق الذي يناسبه وبهذا الوالد ل

والفئة الأخرى تكون منحرفة بسبب الوالدين , أي أن الأب مثل ما ذكرت يذهب الى النوم من غير
ان يعرف هل عاد ولده ام لا

وانا لم أقل انه التربية غير مهمة , على العكس , التربية أهم شيء , والا لما كنت انتقدت الأباء الذين لا يعرفون أماكن أبنائهم

اه ، آسفة الآن لقد وصلت
إعذرني ..

[♥ Ellā]

السلام عليكم ورحمة الله وبركاته
ما شاء الله متحيزه كتير للبنات
مشكوره للموضوع^^

وعليكم السلام ورحمة الله وبركاته

مع انه انتي لازم تردي على سلامي ^^
عندما يرد السلام عليك احد واجب عليك الرد
اما اذا لم يرد فمن السنة ان تقولي السلام عليكم ^^

يلا مافي مشكلة ما اختلفنا

ههههههه ماذا عساي ان اقول ربما سأحتفظ بالأسباب لنفسي

شوووكرا على الرد النايس

[♥ Ellā]

يا صديقتي بالغه العربية الفصحى الشاب موب الشب

أحم احم ..
أولاً انا لست بصديقة لك ..
ثانياً : لا يوجد قوانين في المنتدى ترغمني على
التحدث باللغة العربية الفصحة .. املك الاحقية بالإختيار
متى ما بدي احكي باللغة العريبة الفصحة بحكي ومتى ما بدي ما بحكي
انا حرة بهادا الاشي ..

وما بقدر احد يرغمني على اي شيء .. صح ولا لأ

شكراً على الرد .. مع انه لم يحوي اي شي له دخل بالموضوع ..
وكأنك اتيت لتبين انك اشطر من الآخرين او افهم منّا .. !!

لا حول ولا قوة الا بالله

[H I N A T A]

وعليكم السلام ورحمة الله وبركاته

مع انه انتي لازم تردي على سلامي ^^
عندما يرد السلام عليك احد واجب عليك الرد
اما اذا لم يرد فمن السنة ان تقولي السلام عليكم ^^

يلا مافي مشكلة ما اختلفنا

ههههههه ماذا عساي ان اقول ربما سأحتفظ بالأسباب لنفسي

شوووكرا على الرد النايس

مافي مشكله
أسفه على الغلطه
ما أخذت ببالي^^
وعليكم السلام ورحمة الله وبركاته^^

لا بأس
عفوا

[♥ Ellā]

مافي مشكله
أسفه على الغلطه
ما أخذت ببالي^^
وعليكم السلام ورحمة الله وبركاته^^

لا بأس
عفوا

ماافي مشكلة ابدا ابداً ^^

ههههههههه

حصل خير

منورة موضوعي ^_^