فِـــلــســطــيـــنـــيـــآآت...الأهازيج الفلسطينية...{~كي لا ننسى~}..!

[عربية الهوية]

بسم الله الرحمن الرحيم
السلام عليكم والرحمة..
كيف حالكم ..؟! ان شاء الله تكونوا بأتم الصحة ووافر العافية..

اليوم حبيت اقدم موضوعي الجديد{فِـلـسـطـيـنـيـآآت}

كنوع من المحافظة على التراث والتاريخ الفلسطيني...لكن من زاوية اخرى جميلة تتحدث عن واقعنا المعيش
أقدم لكم الأهازيج الفلسطينية..وردة من باقة الفلكلور الشعبي الفلسطيني..

ولكن بدون اي روابط تحميل...
ف هنا تمعن في الكلمات لقراءة الحكايات...
فلتُطرَبوا معنا ايها السادة...
ف هنا اهازيج الافراح.. واهازيج ثورة ايضاً
وغيرها الكثير
وهذا كله ...{~~كي لاننسى~~}

[عربية الهوية]

[ملاحظة: أرجو عدم نقل الموضوع فهنا لا يوجد اي روابط ولااقدم اناشيد او غيرها
اظن ان هنا مكانه الصحيح..
ولكن اللي تشوفوه رح يصير بالتأكيد
كل التقدير والاحترام لكم..]

فلنبدأ بهذا انها الأحب الى قلبي

هز الرمح بعود الزين … وانتو يا نشامى منين
واحنا شبابك فلسطين … والنعم والنعمتين
في بلعا و وادي التفاح … ريح الثورة يا عالم فاح
واستشهد فيها الفلاح … حط السنجة في المرتين
هز الرمح بعود الزين … وانتو يا نشامى منين
واحنا شبابك فلسطين … والنعم والنعمتين

يوم وقعة بيت مرين … تسمع شلع البراكين
ومشيناها من جنين … لنوصل وادي التفاح
هز الرمح بعود الزين … وانتو يا نشامى منين
واحنا شبابك فلسطين … والنعم والنعمتين

انتشر الخبر بجبل النار … دشعوا الناس صغار كبار
بمعركة متلها صار… بتشبه لوقعة حطين
هز الرمح بعود الزين … وانتو يا نشامى منين
واحنا شبابك فلسطين … والنعم والنعمتين
نقطع النهر بأمان … والغاصب شاهد عيان
أرَخ عندك يا زمان … ظلم وغدر الغربيين

هز الرمح بعود الزين … وانتو يا نشامى منين
واحنا شبابك فلسطين … والنعم والنعمتين

[عربية الهوية]

دلعونا

على دلعونا وعلى دلعونا....لارحل واجاور سود العيونا
عشط البحر لانصب شباكي...واتصايد سمك انا وياكي
وان طحتي في البحر لطيح وراكي....نزلني عالبحر علمني العوما


جفرا
جفرا وهي يالربع...وتقول يا عمامي
مابوخذك يالنذل ....لو كسروا عظامي
ولطلع عراس الجبل واشرف على الوادي...واقول يا مرحبا نسم هوا بلادي

[عربية الهوية]

آويها وافتحوا باب الدار
آويها وخلوا المهني يهني
آويها انا اليوم فرحانة
آويها والحمد لله يا ربي


اويها والحمد لله صبرنا وما يئسناشي( بالخليلي)
اويها صبر الطريق عالخيال والماشي
اويها وياما بكينا ودمع العين رشراشي
اويها والحمد لله صبرنا وما يئسناشي

لولولوووووووووووووووووليش

اويها الحمد لله صبر قلبي وما قصّر
اويها وانقطع حبل الجفا بعد ما تعثر
اويها وفرحولي جيراني وخلاني
اويها وانا على هاليوم بتحسر

لولولوووووووووووووووووليش

[عربية الهوية]

اتمنى ان تكون الفكرة نالت اعجابكم..
فمازال في جعبتي الكثير ف هناك الأوف والدلعونا والعتابا...
لنا لقاء أخر بإذن المولى
ادعوا الله لي ولكم بالتوفيق
^^
ف إلى حينها...
في حفظ الرحمن والسلام عليكم ورحمة الله وبركاته
^^

[K A Y O]

و على دلعونا و على دلعونااا ... فلسطين بلادنا و جوا عينينااا

[عربية الهوية]

و على دلعونا و على دلعونااا ... فلسطين بلادنا و جوا عينينااا

[عربية الهوية]

اتمنى ان تكون الفكرة نالت اعجابكم..
فمازال في جعبتي الكثير ف هناك الأوف والدلعونا والعتابا...
لنا لقاء أخر بإذن المولى
ادعوا الله لي ولكم بالتوفيق
^^
ف إلى حينها...
في حفظ الرحمن والسلام عليكم ورحمة الله وبركاته
^^

لِنُكمِل

[عربية الهوية]

من الاغاني التي كانت تغنى عندما كانت تحنى العروس

سبل عيونو وماد ايدوا يحنول
غزال زغير بالمنديل يلفولو

يا امي يا امي عبيلي المخاداتي
وطلعت من الدار وما ودعت خياتي

سبل عيونو وماد ايدوا يحنولو
غزال زغير بالمنديل يلفولو
يالمي يالمي طاويلي المناديلي
وطلعت من الدار وما ودعت انا جيلي
واطلعت من الدار وما ودعت انا امي
انا الغربية وهيلوا يا دمعاتي

سبل عيونو وماد ايدوا يحنولو
غزال زغير بالمنديل يلفولو
يا الاهل يا الاهل لا يجير ليكو خاطر
شو الي عماكو عن ابن عمي هالشاطر
يا الاهل يا الاهل لا يبري ليكو ذمه
شو الي عماكو عن ابن الخال والعم

سبل عيونو وماد ايدوا يحنولو
غزال زغير بالمنديل يلفولو

ايويها... بحنة مكة جيت احنيكي
ايويها... يا بدر ضاوي وألحلى كلو ليكي
ايويها... ما بتلبق الحنة إلا لايديكي
ايويها... يا سماح زينة العرايس لمحمد اوديكي

ايويها... يا شعرك شعر السلسبيلي
ايويها... ويسلمي هالكم الطويلي
ايويها... ريتو يحرصك الله
ايويها... من عين الحاسد والعزولي

[عربية الهوية]

الاغاني التي كانت تغنى للعريس حين يأتي الحلاق ويقوم بحلاقة شعره وذقنه

إحلق يا حلاق بالموس الفضية إحلق يا حلاق
تمهل يا حلاق لا تتيجي الاهلية تمهل يا حلاق
إحلق يا حلاق بالموس الذهبية إحلق يا حلاق
تمهل يا حلاق لا تتيجي الاهلية تمهل يا حلاق
إحلق يا حلاق ومسح بشاشاتو احلق يا حلاق
تمهل يا حلاق لا ييجو عماتو تمهل يا حلاق
إحلق يا حلاق ومسحلو بكمو إحلق يا حلاق
تمهل يا حلاق لا تتيجو امو تمهل يا حلاق
احلق يا حلاق احلقلوا لحالو احلق يا حلاق
تمهل يا حلاق تييجوا خوالو تمهل يا حلاق
احلق يا حلاق ونعملو على خدو إحلق يا حلاق
تمهل يا حلاق لييجو ولاد عمو إحلق يا حلاق
إحلق يا حلاق ونعملو شعراتو إحلق يا حلاق
تمهل يا حلاق لييجو رفقاتو تمهل يا حلاق
أحلق يا حلاق تنشوف حالاتو احلق يا حلاق
تمهل يا حلاق تييجو خياتو تمهل يا حلاق

ايويها ... بمقص الذهب قصلوا يا بشارة
ايويها... لزينة الشباب وزينة الحارة
ايويها ... ان وصفت بالوصف ما وفيت
ايويها ... أمير صغير وتلبقلوا الامارة.

ايويها... ضليت أركض ورا الجواد لناسبهم
ايويها... هب الهوى ورماني على مصاطبهم
ايويها... دعيت رب السما ينصرهم
ايويها... نصره عزيزة تجبر بخاطرهم

ايويها ... اسم الله عليك
ايويها ... عين الله عليك
ايويها ... عين الحاسدة تعمى
ايوها ... والي ما تسمي عليك

[عربية الهوية]

أغاني الزفة في العرس الفلسطيني
بالهنا يا ام الهنا يا هنية
التوت عيني على الشلبية
التوت عيني على العريس بالاول
صاحب الوجه السموح المدور
قالتلو يا عريس يا ابن الكرامي
عيرني سيفك ليوم الكوان
سيفي محلوف عليه ما بعيرو
سيفي ماصل من بلاد اليماني
بالهنا يا ام الهنا يا هنية
شيعوا لولاد عمو يجولو
بالخيول المبرقعة يغنولوا
عددوا المهرة وشدوا عليها
تييجي محمد ويركب عليها
عددوا المهرة وهاتو الشبرية
زفولي محمد لباب العلية
عددوا المهرة وهاتوا البارودي
زفولي محمد لباب العمود




ايويها... ريتو هالفرح مبارك
ايويها... سبعة ثمان بركات
ايويها... كما بارك محمد
ايويها... على جبل عرفات

ايويها... يا قاعدة على المراتب قعدة البنا
أيويها... والكحل بعيونك زقفتلوا غنا
أيويها... حط القدم على القدم ما اسمعتلو رنا
ايويها... ويجعل البطن يلي حملك مسكنو الجنة

ايويها... صبر قلبي وما قصر
ايويها... وانقطع حبل الجفا بعد ما تغير
ايويها ... افرحولي يا جيراني وخلاني
ايويها... وانا عها اليوم بتحصر.

ايويها... جيت اغني وقبلي ما حدا غنا
ايويها... بقاع وادي فيه الطير يستنا
ايويها... وريتك با محمد بهل العروس تتهنا
ايويها... وتضل سالم ويضل الفرح عنا

[عربية الهوية]

عند اخذ العروس

قومي اطلعي قومي اطلعي ما يهمك
ع شروط ابوكي وعلى شروط عمك

قومي اطلعي قومي اطلعي من حالك
على شروط ابوكي وعلى شروط خالك

يخلف على ابو العروس يخلف عليه في الاول
طلبنا النسب منو اعطانا غزال مصور

[عربية الهوية]

في الطريق إلى بيت العريس

حيوا ابونا
حيو ابونا
خيرين لا ترعبونا

من الشارع الضيق مرقنا
داخلين عليك يا سيد تحمي جملنا

يوم طلعنا ع الزفة رشينا العطر ع الطربوش
تستاهلها يا عريس و التاكسي ع باب الحوش

يوم طلعنا ع الزفة رشينا العطر ع العقال
تستاهلها يا عريس و التاكسي ع باب الدار

صلوا ع النبي يا للي في الشارع
صلوا ع النبي و العريس طالع
صلوا ع النبي يا للي ع البلكون
صلوا ع النبي على زفتنا اليوم

*******************

[عربية الهوية]

الى هنا..
ونكمل في سلسلة اهازيج اخرى باذن الله
ف الى حينها
في امان الله
^^

[The Lord of Dark]

و عليكم السلام ورحمة الله وبركاته

مرحبا أختي ^^
شكلو الظاهر كان عندكم عرس
ماعاد يذكرنا بهيك شي غير الاعراس بظل الخنقة

يعطيكِ العافية على تجميع الأهازيج =)

[عربية الهوية]

و عليكم السلام ورحمة الله وبركاته

مرحبا أختي ^^
شكلو الظاهر كان عندكم عرس
ماعاد يذكرنا بهيك شي غير الاعراس بظل الخنقة

يعطيكِ العافية على تجميع الأهازيج =)

اهلين لورد
لاوالله ولاعرس ولاشي
بس انا بحب هالاهازيج القديمة التي لطالما أمي دائماً ما تذكرني بها...
حتى اعراس هالايام ماظنيت بيذكرونا كمان...
لانو كلو عالاغاني الحالية..
عموماً نورت لورد
والله يعافيك ربي
^^

[H I N A T A]

السلام عليكم ورحمة الله وبركاته
مرحبا أختي الكريمه
ما شاء الله موضوع جميل

{~~كي لاننسى~~}

لاننسى ماذا؟؟
لا تخافي يا أختي إن شاء الله النصر أتي لا محاله

ما شاء االله الاهازيج خطيره

في الطريق إلى بيت العريس

حلوه ديه
عليه الصلاة والسلام
وحلوه الصوره اللي قبليها
هما بيركبوا حصان

مشكوره على الموضوع
وبإنتظار باقي الاهازيج
والى حيناها
في حفظ الرحمن^_^

[عربية الهوية]

السلام عليكم ورحمة الله وبركاته
مرحبا أختي الكريمه
ما شاء الله موضوع جميل


لاننسى ماذا؟؟

وعليكم السلام والرحمة
اهلييييين خيتو...
لاننسى..! حتى لاننسى تراثنا وتاريخنا وماضينا الذي لطالما ثابر اليهودوعمل على طمسها ومحيها ....
اتنكرنين انك نسيتي..؟!

أظن انك فلسطينية أليس كذلك..!

لا تخافي يا أختي إن شاء الله النصر أتي لا محاله

ان شاء الله لكن متى...!؟!.!!

والى حيناها
في حفظ الرحمن^_^

مشكوورة جدا لمرورك اللطيف ونورتيني بطلتك قلبوو^^
اجعليها عادة ولا تقطعينا هآ

في امان الله

[H I N A T A]

وعليكم السلام والرحمة
اهلييييين خيتو...
لاننسى..! حتى لاننسى تراثنا وتاريخنا وماضينا الذي لطالما ثابر اليهودوعمل على طمسها ومحيها ....
اتنكرنين انك نسيتي..؟!

وهل يستطيع أن ينسى أحد فلسطين بتاريخها وتراثها؟

أظن انك فلسطينية أليس كذلك..!

ان أكون فلسطينيه يكون شرف لي ولكني مصريه

ان شاء الله لكن متى...!؟!.!!

الله وحده أعلم ولكنه لامحاله أتي بإذن الله^^

مشكوورة جدا لمرورك اللطيف ونورتيني بطلتك قلبوو^^
اجعليها عادة ولا تقطعينا هآ

في امان الله

العفو خيتو^^
ان شاء الله

في حفظ الرحمن

[عربية الهوية]

وهل يستطيع أن ينسى أحد فلسطين بتاريخها وتراثها؟


ان أكون فلسطينيه يكون شرف لي ولكني مصريه


الله وحده أعلم ولكنه لامحاله أتي بإذن الله^^


العفو خيتو^^
ان شاء الله

في حفظ الرحمن

اهلين قلبو..
لستِ فلسطينية.. ظننت انك كذلك..
ومالو برضو ماالصريين اخوتنا

ان شاء الله يكون النصر قريب
مشكوورة لمرورك
في امان الله
^^