وش تسوي لما توصل لنهاية مسدودة مع شخص؟؟؟
السلام عليكم,
اول ما أبدا به بسم الله
كثير منا يصل الى نهاية مسدودة مع بعض الاشخاص في الوصول الى نتيجة
فلا يستمر في التعاطي معه في موضوع معين لاعتقاده انه مامن فائدة
والسبب لانه لايقدر ان يصارحه بالذي في قلبه خوفا من نشوب خلاف بينهم
*********************************
لاوضح الامر اكثر ساضرب مثال يحدث معي الآن:
انا ادرس في جامعة خارج مدينتي واسكن في سكن الجامعة للطلاب
طبعا النظام يكون كل اثنين مع بعض في غرفة واحدة يعني انا وزميل لي
قصتي مع هذا الزميل بالضبط اللي هو شريكي بالغرفة
اول مابدات ادرس بالجامعة كنت لما اروح للمسجد اصلي واقول له يالله يافلان الصلاة
فيقول ان شاء الله ,كنت اتوقع انه يلحقني للمسجد لكن بعد فترة اكتشفت انه مايصلي
كنت اقول يمكن ماشفته لان المسجد يكون شبه ممتلئ بالمصلين
لكن للاسف خابت آمالي
وفي مرة من المرات ذهبت لصلاة الجمعة وماقومته من النوم لاني عارف انه مافيه فايدة
فلما رجعت من الصلاة قال لي ليش ماقومتني من النوم؟؟؟
ماتوقعت يقول لي كذا انصدمت بصراحةبس صرفت الموضوع وقلت له كنت مستعجل ونسيت اقومك
استمرينا عدة اسابيع على هذه الحال يبين انه يصلي ويقول لي طيب بالبس ثوبي والحقك
طبعا كنت اول اقومه لصلاة الفجر ولايقوم لدرجة انه يكلمني من طرف خشمه كانه يقول لي
ترى تعبان فيني النوم يقول لي كلمته المعتادة بس يمددها شوي((طييييب))
بعدها بصراحة ماصرت اقول له رح صل يافلان لاني طفشت منه
ماقلت له اي شيء وعلى عادته يفوت صلاة الفجر
حس اني عرفت انه مايصلي ,ثم بعدها بفترة طب فيني بالكلام وقال ليش ماتقومني؟؟
((يبغى يلقي اللوم علي واني مقصر لاني مااقومه للصلاة حتى يحسس نفسه انه ماشاء الله عليه حريص ليتجنب اللوم))
كان وقتها الرجال تحمس وبدا يقول ويقول الله يسامحك ليش ماقومتني :::::مسوي ذكي علي
رديت عليه بكل عصبية وكاني غير مهتم قلت اذا قومتك ماتقوم وش اسوي لك
قال لي بكل برود انت ماقومتني من النوم الا مرتين او ثلاث؟؟؟((والله من كثر المرات مااتذكر))بس يبغى يلقى له مخرج
المهم يلف ويدور في الكلام وانا مطنشه وقلت له في الاخير انا الغلطان
حتى انهي الحوار اللي وصل لنهاية مسدودة
يعني اقول ماله داعي تكذب علي اصلا عارف انك ماتصلي
هذي الكلمة تجنبتها حتى مايصير تشاحن بيننا
*********************
لم افعل شيءولن افعل شيء هذا ماقررت
هل قراري غلط او صح؟؟
هل ارتكبت غلط من البداية معه ماخلاني اقنعه انه يحافظ على الصلاة؟؟؟
يمكن بعضكم يقول اني بالغت في الموضوع ولكن لااعتقد اني بالغت ابدا::::وجهة نظري
اتوقع بعضكم وصل لنهاية مسدودة مع بعض الاشخاص؟؟؟
وش اللي سويته في هذه الحالة؟؟؟
هل تجاهلت الموضوع او استمريت لاعتقادك ان فيه امل؟؟؟
وهل جيد انك تصارح الشخص بانك عارف انه يكذب عليك؟؟؟
لان بعضهم بصراحة يكذب الكذبة ويصدقها((هذا مااستنتجته ))
احس اني طولت بالموضوعاعذروني
بس حاب اسمعكم و استفيد من مواقفكم؟؟؟
اخوكم سعود
اضافة رد مع اقتباس
والله صعب نتكلم عنه 
Pearl Dream
) H I N A T A
المفضلات