عاصفة رملية تضرب الكويت

**Gear Third** · 25-03-2011, 16:16

السلام عليكم ورحمة الله وبركاته.

شلونكم يالمكساتيين شخباركم biggrin

اليوم التاريخ 25/3/2011

قبل ساعة تقريبا اجتاحت عاصفة رملية الكويت وتعدت الجهراء والعبدلي ولان غطت الكويت باكملها وفي بعض المناطق

انعدمت الرؤية تماما sleeping

يقولون خبراء الجو في الكويت ان العاصفة ستستمر 4 ساعات او اكثر ولقيتلكم فيديو مصورينه قبل ساعتين

http://www.youtube.com/watch?v=_5wrvw89Bdk

دعاء الريح: ((اللهم اني اسالك خيرها,وخير مافيها, وخير ما ارسلت به واعوذ بك من شرها وشر مافيها وشر ما ارسلت به))

خبر عاجل: توه وصلني ب whatsapp امطار غزيرة تتعدى منطقة السالمي بسرعة كبيرة تجتاز منطقة الروضتين والرجاء اخذ الحذر

من كميات الامطار القادمة

(اللهم احفظ الكويت وشعبها )

frown

golden rose* · 25-03-2011, 16:25

... و عليكم السلآأإم ..

... اللهم احفظ الكويت و شعبها من كل مكروه ...

... و الجو يخرع الصرااحه الله يستر و يقولون اذا نزل مطر راح تصير امطار حمضيه ...

... و لا نقدر نشوف ولا شي .. و الله يوصل ألي برا البيت بيوتهم بالسلامه يارب ...

... و عسى ان تكرهوا شي و هو خيراً لكم ...

... و الله يحفظ الكوـويت ...

**Қaβ§a ₥ǿήṥŧєя** · 25-03-2011, 16:27

تسلم على خبر!! الله يحفظهم .. sleeping

اللهم اني اسالك خيرها,وخير مافيها, وخير ما ارسلت به واعوذ بك من شرها وشر مافيها وشر ما ارسلت به!

و يرجاء للسكان الكويت عدم التعرض للامطار لأنه ستكون حمضيه و تسبب امراض للجلد dead

ومتوقع ان تصل العاصفة للسعودية بعد ساعة dead

**sunako** · 25-03-2011, 16:28

السلآم عليكم ورحمة الله وبركآته
إيه العآصفة مو من صجهإآ مآ تقدر تشوف شي
مع أنهآ فجأة يتنآ ~
وحتى بيوتنآ غبرت من دآخل وأحنآ مسكرين البآب
بس الله يعين إلي عندهم ربو ، الغبآر رآح يأثر عليهم
والأمطآر يقآل بـ أنهآ حمضية بسبب اليآبآن ~
الله يحفظ الكويت من كل شر إن شآء الله
وعسى أن تكرهوآ شيئاً وهو خيراً لكم
قدر الله ومآ شآء الله
يعطيك العآفية جير ثيرد =]

**¸.•´ṦŤṼ`•.¸** · 25-03-2011, 16:34

لا حول ولا قوة الا بالله الله يحفظ الكويت وشعبها من كل مكروه أنا أعرف ناس مو قادرين يردون بيوتهم من الغبار

**AMONO** · 25-03-2011, 16:35

ادعولي رجلي فيها رضه من الاعصار اللي صار في البلد
ادعولي ارجوكم انني في حاله خطره جدا

**Contessa Anfal** · 25-03-2011, 16:35

السلام عليكم ..

قال تعالى " وعسى ان تكرهوا شي وهو خيرا لكم "

اللهم احفظ الكويت وشعبها من كل مكرووه، وانشالله ترد لكل انسان لاهله سالم غانم

الحمدالله على كل حال والله شي احسن من شي.....

ويعطيك الف عاافيهـ

**Қaβ§a ₥ǿήṥŧєя** · 25-03-2011, 16:42

و اكرر اللهم اسألك خيرها و خير مافيه و خير ماأرسلت فيه و غلط بالخبر هو متوقع يوصل للسعودية بعد 9 ساعات

**Fnmh** · 25-03-2011, 16:45

سبحان الله في ثانيه تغير الجو تغيب الشمس و احنا بالعصر

دعاية هولسترن استغفر الله

يقولون انه العاصفه بتوصل لدول مجلس التعاون و اليمن و العراق

و الكهرباء بتنطفي اخذو احتياطاتكم knockedout

**G U C C I** · 25-03-2011, 16:45

,
السلآم عليكم ورحمهـ الله وبركآآته ~
لآ حول إلى قوة إلا بالله sleeping

الصرآآحه الجو يخرع منعدمه الرؤيه تماما hurt

وأنآ عند بيت خآلتي مو قآدره أرد بيتنآآ cry

[ اللهم اني اسالك خيرها,وخير مافيها, وخير ما ارسلت به واعوذ بك من شرها وشر مافيها وشر ما ارسلت به ]
يآآرب تعدي هالليلة على خــيير sleeping

يسسلمو ع الموضوع hurt

,

**dr.6lool** · 25-03-2011, 16:46

مشكور اخوي....
انا قبل شوي رايح مع خالي الشويخ
والجو كان حلو بس فجأة تغير فوق تحت

وصورت جم صورة وهم:
[IMG]http://dc08.******.com/i/02806/usmt95ihccl5.jpg[/IMG]
[IMG]http://dc10.******.com/i/02806/c21009tcpjqw.jpg[/IMG]

الله يستر على الكويت ويحفظها..
والحمدلله على كل حال

**MistaKes** · 25-03-2011, 16:57

o__________o فضييييييع جدآآ..
اول مره اشوف الدنيا مظلمه لهالدرجه ..
و الغبار دخل البيت
حاله صعبه

**Glitexium** · 25-03-2011, 16:59

الله يستر, وصلني خبر إن الغبار جاي للمنطقة الشرقية من المملكة وراح يجي لأجزاء من الرياض ...

**ΆmmaR-ŅaЯ** · 25-03-2011, 17:02

زين ما رحنا بحر بالطريج hurt

لي عودة مع مشاركة كاملة مع صور ×_×

**Fnmh** · 25-03-2011, 17:07

منقوله ~

**Black-Angel-7** · 25-03-2011, 17:10

وَ عَليكٌم السَلآم وَ رَحمَة الله

اليوم الجمعة و خواتي الكبار كل وحدة و ريلها و اخوي يتيمعون ابيتنا مع عيالهم

كنا متواعدين ان نتيمع مع خوالي بالبر بس ما قدرنا بس خالي مناك
والحين اهو ما يقدر يرجع اب هالجو dead

<~ ادعوله فيه ربو disappointed

و يوم يت العاصفة كنا قاعدين برا نشوفها cheeky

<~ نتطمش عليها وهيا تي laugh

بعدين دشينا البيت لأنا دشينا فيها sleeping

و صكرنا الدرايش بس الغبار ما وقف دخل البيت dead

<~ راسي اب ينبط من الريحة hurt

و بعدين حضرة الشباب يبون يشوفون بيتهم ف بغامرون و يطلعون cheeky

<~ مادري وين عقولهم راحت hurt

أختي تقول شوفي داري كلها غبار صكرو المكيفات
اتقول امي شوفي حتا غرفة بلآآكو .. [تنصدم ].. biggrin

<~ صاكة الباب و مكسرة المكيف zlick

و كل هذا قاديصير و آنا قاعدا أقرا مانجا knockedout

<~ الاحساس منعدم عندي

خبر عاجل: توه وصلني ب whatsapp امطار غزيرة تتعدى منطقة السالمي بسرعة كبيرة تجتاز منطقة الروضتين والرجاء اخذ الحذر
من كميات الامطار القادمة

يب يب وصلني dead

الله يستر على الكويت وأهلها sleeping

مشكور أخوي على الموضوع و أرجو الدعاء لأهل الكويت cry

دمت في حفظ الله و رعايته

**Gear Third** · 25-03-2011, 17:16

الرسالة الأصلية كتبت بواسطة golden rose*

... و عليكم السلآأإم ..

... اللهم احفظ الكويت و شعبها من كل مكروه ...

... و الجو يخرع الصرااحه الله يستر و يقولون اذا نزل مطر راح تصير امطار حمضيه ...

... و لا نقدر نشوف ولا شي .. و الله يوصل ألي برا البيت بيوتهم بالسلامه يارب ...

... و عسى ان تكرهوا شي و هو خيراً لكم ...

... و الله يحفظ الكوـويت ...

اي والله مو زينة الامطار الحمضية والمشكلة امطار غزيرة

يلا خيرة انشاءالله

**Fnmh** · 25-03-2011, 17:16

دعاء هبوب الرياح:اللهم إني أسألك خيرها و خير ما فيها و خير ما أرسلت بها و أعوذ بك من شرها و شر مافيها sleeping

**ΆmmaR-ŅaЯ** · 25-03-2011, 17:30

جنه صوركم كفت و ووفت عن الصور إلي كنت بحطها hurt

بصراحة الجو كان مو طبيعي ~_~"
حسيت يوم القيامة @____@ , أول ما طلع الجو من جليب الشيوخ >> من صوبي sleeping

!
الله يحفظ اهل الكويت و شعبها من كل مكروه ..

** LOV** · 25-03-2011, 17:33

...شكررآ ع الموضوع

ويسسس

العاصفة وصلت البصرة في العراق

.. آجوآء فانتاستكـ خيالية

تصوروا الساعه 4 العصر صار كأنو لليل

الله يفرجها ان شاء الله

... ولي موضوع قريبا بشأن التغيرات القادمه والكبيرة صراحة بسبب زلزال اليابان ..

المواضيع: عاصفة رملية تضرب الكويت

أدوات الموضوع

عاصفة رملية تضرب الكويت

بيانات عن الموضوع

الأعضاء الذين يشاهدون هذا الموضوع

المفضلات

المفضلات

قوانين المشاركة