السلام عليكم ورحمه الله وبركاته
اخباركم ان شاء الله بخير
يبدوا ان مظاهرات 25 ابريل بدات تهدا
في البدايه اريد ان ابدي رايي في الموضوع
اعجبني في بدايه المظاهرات انها مظاهرات سلميه لها هدف مظاهرات اخلاقيه
نعم الشعب له الحق التام في التظاهر ولديه الحق في ان يقول كل ما يريد ويطلب ما يشاء
ولكن اريد ان انبهكم على شئ مهم لاحظته في التظاهرات ليلا وانا اشاهد التلفاز ,,, المتظاهرون ينددون بالحريه
الحريه !!!! اعتقد ان مصر اكثر الدول العربيه التي توجد بها حريه من جميع النواحي .
اسالو انفسكم ,, هل في عهد عبد الناصر والسادات من يستطيع ان يقود مظاهره ,, هل كان يوجد حريه للصحافه.
كان في الماضي من يتكلم كلمه صغير لا يرجع الى بيته
الان لدينا الحريه في التعبير عن راينا والدليل التظاهر ..
شخص سياتي ويقول لي كلا الشرطه بدات بمنع التظاهر,, اقول له نعم من حق الشرطه منع التظاهر عندما يبدا الشغب ,, اغلب ما رايته من اخبار على قناه الجزيره ربنا يحرقها هي اخبار عن المصابين من المتظاهرين وياريت 50 او 100 مصاب دول 7 مصابين ,, تعالو شوفو على جانب الشرطه نائب رئيس امن القاهره مات وجندي اسمه احمد عبد العزيز مات و36 عسكري مصابين بسبب عمليات الشغب اللي قام بها المتظاهرون . طيب ايه سبب الشغب . لو ترجعوا بالاحداث للخلف حتلاقوا ان الاخوان المسلمين وكفايه وحركه 6 ابريل كلهم رفضوا الاشتراك في التظاهرات بس اول ما بدات التظاهرات وبعديها باربع ساعات لقينا كل دول طلعوا وركبو الموجه وطلعو خطاب ومطالب وبداو بانهم يخرجوا اعضاء في الشوارع لتحريض المتظاهرين على الشغب .
وكانت ايه مطالبهم , اولا ان لا يترشح مبارك مره اخرا للانتخابات وده صعب , ثانيا ان لا يترشح جمال مبارك وده انا معاهم فيه . طيب نرجع انا مع المظاهرات علشان محدش يفهمني غلط ولكن المظاهرات المحترمه الخاليه من الهمجيه والشغب . فكرو شويه عاجبكم اللي حاصل في تونس مفيش الى الان رئيس ولا اي حاجه والحال زي ما هو لا اسعار رخصت ولا يحزنون والدنيا خربانه هناك , انا بقى مش عايز ده يحصل في مصر , خلاص الانتخابات كلها كام شهر وتبدا وما دام عايزين تغيير امامكم الانتخابات الشعب يروح ويعطي صوته الى اللي عايزه.
طيب مين المستفيد لما يبقى في عدم استقرار في الدول العربيه (تونس ,مصر , السودان,لبنان) طبعا اسرائيل .
وامريكا حيبقى في عدم استقرار ومحدش حيستفيد , ياريت العرب يتعلمو مفيش حد حيستفيد من الشغب خالص
انا مع المظاهرات السلميه ,
رساله لقناه الجزيره : كفي عن اشعال المشاكل ,حاولتي اشعال المشاكل عند حادث كنيسه القديسيين وفشلتي وهذه المره ايضا ستفشلي باذن الله , شاهدوا عندما بدات في تسلسل الاحداث .عندما كان عدد المتظاهرين قليل في وقت العصر صورت قليلا ولكن عندما زاد عدد المتظاهرين ليلا بدات بالتصوير وعندما توقف البث بدات تعيد ما صورته ليلا ولكم ان تشاهدوا المشهد الذي مسكت فيه الشرطه احد المتظاهرين وبدات هذه القناه باعاده هذا المشهد مليون مره لكي ترينا ان هناك ضرب , لا انكر ان هناك مشادات بين الطرفين ولكن ليس بالمشادات القويه . الاصابات قليله بالنسبه لعدد المتظاهرين , ربنا يستر
وتقدموا ايها المصريين في مظاهراتكم ولكن بطريقه سلميه .وانا مسؤول عن كلامي ولن اتراجع عن ارائي
والاختلاف في الراي لا يفسد للود قضيه
والسلام عليكم ورحمه الله وبركاته
<< واخده من البداية خااالص 
,, بس في رأيك الناس بتنصب على بعض ليه ؟ 
المفضلات